ಹಿನ್ನೋಟ 2022 | ವಿದೇಶ: ಯುದ್ಧ, ಆಂತರಿಕ ಬಿಕ್ಕಟ್ಟು, ದಂಗೆ

***

ಜನವರಿ
3-ಪ್ರಜಾಪ್ರಭುತ್ವ ಪರ ಪ್ರತಿಭಟನೆಯಿಂದಾಗಿ ಸುಡಾನ್ ಪ್ರಧಾನಿ ಅಬ್ದುಲ್ಲಾ ಹ್ಯಾಮ್‌ಡೋಕ್ ರಾಜೀನಾಮೆ.
9-ಕಜಕಸ್ತಾನದಲ್ಲಿ ಹಿಂಸಾತ್ಮಕ ಪ್ರತಿಭಟನೆ. 5,800 ಮಂದಿ ಬಂಧನ.
21-ಯೆಮೆನ್‌ನ ಹೌತಿ ಬಂಡುಕೋರರಿಂದ ಜೈಲಿನ ಮೇಲೆ ವೈಮಾನಿಕ ದಾಳಿ: 100ಕ್ಕೂ ಹೆಚ್ಚು ಕೈದಿಗಳ ಮರಣ.
24-ಬುರ್ಕಿನಾ ಫಾಸೊ ದೇಶದ ಸೈನಿಕರಿಂದ ಬಂಡಾಯ. ಅಧ್ಯಕ್ಷ ರೋಚ್ ಮಾರ್ಕ್ ಕ್ರಿಸ್ಟಿಯನ್ ಕಾಬೋರ್ ಬಂಧನ.
29-ಭಾರತವು ಇಸ್ರೇಲ್‌ನಿಂದ ಪೆಗಾಸಸ್ ಬೇಹುಗಾರಿಕೆ ಕುತಂತ್ರಾಂಶ ಖರೀದಿಸಿರುವುದಾಗಿ ‘ದಿ ನ್ಯೂಯಾರ್ಕ್‌ ಟೈಮ್ಸ್’ ವರದಿ.

ಫೆಬ್ರುವರಿ
3-ಪೆಗಾಸಸ್ ಕುತಂತ್ರಾಂಶ ಖರೀದಿ ದೃಢಪಡಿಸಿದ ಅಮೆರಿಕದ ಎಫ್‌ಬಿಐ.
22- ಉಕ್ರೇನ್‌ನ ಡೊನೆಸ್ಕ್, ಲುಹಾನ್ಸ್ಕ್‌ನಲ್ಲಿ ರಷ್ಯಾ ಸೇನೆ ಜಮಾವಣೆ.
23- ಉಕ್ರೇನ್‌ನಲ್ಲಿ ಆಂತರಿಕ ತುರ್ತು ಪರಿಸ್ಥಿತಿ ಘೋಷಣೆ.
24- ಉಕ್ರೇನ್ ಮೇಲೆ ಯುದ್ಧ ಸಾರಿದ ರಷ್ಯಾ. ಬಂಕರ್, ಸೇನಾ ನೆಲೆಗಳು ಧ್ವಂಸ. ಅಪಾರ ಸಾವು.
27- ರಷ್ಯಾಗೆ ನೀಡಿರುವ ಭದ್ರತಾ ಮಂಡಳಿ ಕಾಯಂ ಸದಸ್ಯತ್ವ ರದ್ಧತಿಗೆ ಉಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್‌ಸ್ಕಿ ಮನವಿ.

ಮಾರ್ಚ್
1–ರಷ್ಯಾ ನಡೆಸಿದ ಶೆಲ್ ದಾಳಿಯಲ್ಲಿ ಉಕ್ರೇನ್‌ನ ಹಾರ್ಕಿವ್‌ ನಗರದಲ್ಲಿ ನೆಲೆಸಿದ್ದ ಹಾವೇರಿಯ ವೈದ್ಯ ವಿದ್ಯಾರ್ಥಿ ನವೀನ್ ಗ್ಯಾನಗೌಡರ್ ಸಾವು.
2-ಯುದ್ಧ ಬಿಕ್ಕಟ್ಟು ಮತ್ತಷ್ಟು ಜಟಿಲ. ಉಕ್ರೇನ್ ತೊರೆಯುವಂತೆ ಭಾರತೀಯ ನಾಗರಿಕರಿಗೆ ರಾಯಭಾರ ಕಚೇರಿಯ ಸೂಚನೆ.
4-ಉಕ್ರೇನ್‌ನ ಝಪೋರಿಝಿಯಾ ಪರಮಾಣು ವಿದ್ಯುತ್ ಸ್ಥಾವರದ ಮೇಲೆ ರಷ್ಯಾ ದಾಳಿ.
15- ಕೀವ್‌ಗೆ ಭೇಟಿ ನೀಡಲು ನ್ಯಾಟೊ ಸದಸ್ಯ ರಾಷ್ಟ್ರಗಳ ಪ್ರಧಾನಿಗಳ ನಿರ್ಧಾರ.
17- ಸಾವಿರಕ್ಕೂ ಅಧಿಕ ಜನರಿದ್ದ ಥಿಯೇಟರ್ ಮೇಲೆ ರಷ್ಯಾ ಪಡೆಗಳಿಂದ ಬಾಂಬ್ ದಾಳಿ. ನೂರಾರು ಮಂದಿ ಸಾವು.
18- ಉಕ್ರೇನ್‌ನ ಲುವಿವ್ ನಗರದ ಯುದ್ಧ ವಿಮಾನ ದುರಸ್ಥಿ ಘಟಕದ ಮೇಲೆ ಸರಣಿ ದಾಳಿ.
20- ರಷ್ಯಾದಿಂದ ವೃದ್ಧಾಶ್ರಮದ ಮೇಲೆ ಗುಂಡಿನ ದಾಳಿ. 56 ಮಂದಿ ಸಾವು.

ಏಪ್ರಿಲ್
5- ಪಾಕಿಸ್ತಾನದಲ್ಲಿ ಸಾಂವಿಧಾನಿಕ ಬಿಕ್ಕಟ್ಟು. ಪ್ರಧಾನಿ ಇಮ್ರಾನ್ ಖಾನ್ ವಿರುದ್ಧ ಪ್ರತಿಪಕ್ಷಗಳು ಮಂಡಿಸಿದ ಅವಿಶ್ವಾಸ ನಿಲುವಳಿ ತಿರಸ್ಕಾರ.
10- ಇಮ್ರಾನ್‌ ಖಾನ್‌ ನೇತೃತ್ವದ ಪಾಕಿಸ್ತಾನ ಸರ್ಕಾರ ಪತನ.
11- ಪಾಕಿಸ್ತಾನದ ನೂತನ ಪ್ರಧಾನಿಯಾಗಿ ಶಹಬಾಜ್ ಷರೀಫ್ ಆಯ್ಕೆ.
19-ಶ್ರೀಲಂಕಾ ಸರ್ಕಾರದ ವಿರುದ್ಧ ಜನಾಕ್ರೋಶ. ಪ್ರತಿಭಟನಕಾರರ ಮೇಲೆ ಗುಂಡಿನ ದಾಳಿ.
21- ಉಕ್ರೇನ್‌ನ ಮರಿಯಾಪೋಲ್ ನಗರ ವಶಪಡಿಸಿಕೊಂಡ ರಷ್ಯಾ.
25- ಫ್ರಾನ್ಸ್ ಅಧ್ಯಕ್ಷರಾಗಿ ಎಮಾನ್ಯುಯೆಲ್ ಮ್ಯಾಕ್ರಾನ್ ಸತತ ಎರಡನೇ ಅವಧಿಗೆ ಆಯ್ಕೆ.

ಮೇ
6-ಶ್ರೀಲಂಕಾದಲ್ಲಿ ಹದಗೆಟ್ಟ ಆರ್ಥಿಕತೆ. ಸರ್ಕಾರದ ವಿರುದ್ಧ ಪ್ರತಿಭಟನೆ ತೀವ್ರ. ಕಾನೂನು ಸುವ್ಯವಸ್ಥೆ ಕಾಪಾಡಲು ಸೇನೆಗೆ ಸಂಪೂರ್ಣ ಅಧಿಕಾರ.
8-ರಷ್ಯಾ ತೈಲ ಆಮದು ಮೇಲೆ ಜಿ-7 ಒಕ್ಕೂಟದಿಂದ ನಿರ್ಬಂಧ.
9- ಶ್ರೀಲಂಕಾದಲ್ಲಿ ಹಿಂಸಾಚಾರ. ಸಂಸದ ಅಮರಕೀರ್ತಿ ಅಥುಕೊರಾಲಹತ್ಯೆ.ಪ್ರಧಾನಿ ಹುದ್ದೆಗೆ ಮಹಿಂದಾ ರಾಜಪಕ್ಸ ರಾಜೀನಾಮೆ. ಸಂಪುಟ ವಿಸರ್ಜನೆ.
10- ಶ್ರೀಲಂಕಾದಲ್ಲಿ ಹಿಂಸಾತ್ಮಕ ಪ್ರತಿಭಟನೆ ಮುಂದುವರಿಕೆ. ರಕ್ಷಣೆಗಾಗಿ ಮಹಿಂದಾ ರಾಜಪಕ್ಸ ಕುಟುಂಬ ನೌಕಾ ನೆಲೆಗೆ ಪಲಾಯನ.
*ಉಕ್ರೇನ್ ಮೇಲೆ ಸಮರ ಮುಂದುವರಿಸಿದ ರಷ್ಯಾ. ಹೈಪರ್‌ಸಾನಿಕ್ ಕ್ಷಿಪಣಿ ಹಾರಿಸಿ ಒಡೆಸಾ ಬಂದರು ಧ್ವಂಸ.
12- ಶ್ರೀಲಂಕಾ ಪ್ರಧಾನಿಯಾಗಿ ರಾನಿಲ್ ವಿಕ್ರಮಸಿಂಘೆ ಪ್ರಮಾಣ ವಚನ ಸ್ವೀಕಾರ.
13- ಯುಎಇ ಅಧ್ಯಕ್ಷ ಶೇಖ್ ಖಲೀಫಾ ಬಿನ್ ಜಾಯೇದ್ ಅಲ್ ನಹ್ಯಾನ್ ನಿಧನ.
14-ಯುಎಇ ಹೊಸ ಅಧ್ಯಕ್ಷರಾಗಿ ಯುವರಾಜ ಶೇಖ್ ಮೊಹಮ್ಮದ್ ಬಿನ್ ಜಾಯೆದ್ ಅಲ್ ನಹ್ಯಾನ್ ಆಯ್ಕೆ.

ಜುಲೈ
1- ಇಸ್ರೇಲ್ ಸಂಸತ್ತು ವಿಸರ್ಜನೆ.
5- ಬ್ರಿಟನ್‌ನ ಹಣಕಾಸು ಸಚಿವ ರಿಷಿ ಸುನಕ್ ರಾಜೀನಾಮೆ.
6- ಕನ್ಸರ್ವೇಟಿವ್ ಪಕ್ಷದ ಟೋರಿ ನಾಯಕತ್ವಕ್ಕೆ ಬ್ರಿಟನ್ ಪ್ರಧಾನಿ ಬೋರಿಸ್ ಜಾನ್ಸನ್ ರಾಜೀನಾಮೆ.
8- ಜಪಾನ್ ಮಾಜಿ ಪ್ರಧಾನಿ ಶಿಂಜೊ ಅಬೆ ಹತ್ಯೆ. ಪಶ್ಚಿಮ ಜಪಾನ್‌ನನಾರಾ ಪಟ್ಟಣದಲ್ಲಿ ಭಾಷಣ ಮಾಡುತ್ತಿದ್ದಾಗ ಹಂತಕನ‌ ಗುಂಡಿಗೆ ಬಲಿ.
9- ಶ್ರೀಲಂಕಾದಲ್ಲಿ ನಾಗರಿಕ‌ ದಂಗೆ. ಅಧ್ಯಕ್ಷ ಗೊಟಬಯ ರಾಜಪಕ್ಸ ನಿವಾಸಕ್ಕೆ ತೆರಳಿ ದಾಂಧಲೆ.
10- ಗೊಟಬಯ ರಾಜಪಕ್ಸ ಅಜ್ಞಾತ ಸ್ಥಳಕ್ಕೆ ಪಲಾಯನ.
13- ಶ್ರೀಲಂಕಾದಲ್ಲಿ ಅರಾಜಕತೆ ಸೃಷ್ಟಿ. ಪ್ರಧಾನಿ ರಾನಿಲ್ ವಿಕ್ರಮ ಸಿಂಘೆ ಹಂಗಾಮಿ ಅಧ್ಯಕ್ಷ.
14- ಶ್ರೀಲಂಕಾ ಅಧ್ಯಕ್ಷ ಗೊಟಬಯ ರಾಜಪಕ್ಸ ರಾಜೀನಾಮೆ.
20- ಶ್ರೀಲಂಕಾ ಅಧ್ಯಕ್ಷರಾಗಿ ರಾನಿಲ್ ವಿಕ್ರಮ ಸಿಂಘೆ ಆಯ್ಕೆ.
30-ಫಿಲಿಪ್ಪೀನ್ಸ್‌ನಮಾಜಿ ಅಧ್ಯಕ್ಷ ಫಿಡೆಲ್ ರಾಮೋಸ್ ನಿಧನ.

ಆಗಸ್ಟ್
2-ಅಮೆರಿಕದಿಂದ ಅಲ್ ಕೈದಾ ಮುಖ್ಯಸ್ಥ ಅಯ್ಮನ್ ಅಲ್ ಜವಾಹಿರಿ ಹತ್ಯೆ‌.
12- ಲೇಖಕ ಸಲ್ಮಾನ್‌ ರಶ್ದಿ ಹತ್ಯೆ ಯತ್ನ.
27- ಪಾಕಿಸ್ತಾನದಲ್ಲಿ ಭಾರಿ ಮಳೆ. ಪ್ರವಾಹಕ್ಕೆ ಸಿಲುಕಿ 937 ಸಾವು.
31- ರಷ್ಯಾ ಸಂಯುಕ್ತ ಸಂಸ್ಥಾನದ ಕೊನೆಯ ಅಧ್ಯಕ್ಷ ಮಿಖಾಯಿಲ್ ಗೋರ್ಬಚೆವ್ ನಿಧನ

ಸೆಪ್ಟೆಂಬರ್
5-ಬ್ರಿಟನ್ ಪ್ರಧಾನಿಯಾಗಿ ಲಿಜ್ ಟ್ರಸ್ ಆಯ್ಕೆ. ಈ ಗಾದಿಗೇರಿದ 3ನೇ ಮಹಿಳೆ.
8- ಬ್ರಿಟನ್ ರಾಣಿ 2ನೇ ಎಲಿಜಬೆತ್ ನಿಧನ.
10- ಬ್ರಿಟನ್ ರಾಜನಾಗಿ3ನೇ ಚಾರ್ಲ್ಸ್‌ ಅಧಿಕಾರ ಸ್ವೀಕಾರ.
19- ರಾಣಿ 2ನೇ ಎಲಿಜಬೆತ್ ಅಂತ್ಯಕ್ರಿಯೆ. 2 ಸಾವಿರ ಗಣ್ಯರು ಭಾಗಿ.
* ಹಿಜಾಬ್ ಧರಿಸದ್ದಕ್ಕಾಗಿ ನೈತಿಕ ಪೊಲೀಸರಿಂದ ಬಂಧನಕ್ಕೆ ಒಳಗಾಗಿದ್ದ 22 ವರ್ಷದ ಯುವತಿ ಸಾವು. ಇರಾನ್‌ನಲ್ಲಿ ತೀವ್ರ ಪ್ರತಿಭಟನೆ.
25- ಉಕ್ರೇನ್ ವಿರುದ್ಧದ ಯುದ್ಧ. ಪುಟಿನ್ ನಿರ್ಧಾರ ವಿರೋಧಿಸಿ ರಷ್ಯಾದಲ್ಲಿ ಪ್ರತಿಭಟನೆ.
27- ಜಪಾನ್ ಮಾಜಿ ಪ್ರಧಾನಿ ಶಿಂಜೊ ಅಬೆ ಅಂತ್ಯಸಂಸ್ಕಾರ. ಪ್ರಧಾನಿ ಮೋದಿ ಭಾಗಿ.
28- ಸೌದಿ ಅರೇಬಿಯಾದ ನೂತನ ಪ್ರಧಾನಿಯಾಗಿ ಯುವರಾಜಮೊಹಮ್ಮದ್ ಬಿನ್ ಸಲ್ಮಾನ್ ನೇಮಕ.

ಅಕ್ಟೋಬರ್
1- ಫುಟ್‌ಬಾಲ್‌ ಪಂದ್ಯದ ವೇಳೆ ಗಲಭೆ. ಇಂಡೊನೇಷ್ಯಾದಲ್ಲಿ ಕಾಲ್ತುಳಿತಕ್ಕೆ 125 ಮಂದಿ ಸಾವು.
5- ಫ್ರಾನ್ಸ್‌ನ ಲೇಖಕಿ ಆ್ಯನಿ ಎನ್ಸೋಗೆ ನೊಬೆಲ್‌ ಗೌರವ.
10- ಅರ್ಥಶಾಸ್ತ್ರಜ್ಞರಾದ ಬೆನ್ ಎಸ್ ಬೆರ್ನಾನ್ಕೆ, ಡಗ್ಲಾಸ್ ಡಬ್ಲ್ಯು ಡೈಮಂಡ್ ಮತ್ತು ಫಿಲಿಪ್ ಎಚ್ ಡೈಬ್‌ವಿಗ್‌ಗೆ ನೊಬೆಲ್ ಗರಿ.
20- ಬ್ರಿಟನ್ ಪ್ರಧಾನಿ ಲಿಜ್ ಟ್ರಸ್ ರಾಜೀನಾಮೆ.
22- ಚೀನಾ ಅಧ್ಯಕ್ಷರಾಗಿ ಷಿ ಜಿನ್‌ಪಿಂಗ್ ಪುನರಾಯ್ಕೆ.
24- ಬ್ರಿಟನ್ ಪ್ರಧಾನಿಯಾಗಿ ಭಾರತ ಮೂಲದ ರಿಷಿ ಸುನಕ್ ನೇಮಕ.

ನವೆಂಬರ್
3-ಪಾಕಿಸ್ತಾನದ ಮಾಜಿ ಪ್ರಧಾನಿ ಇಮ್ರಾನ್ ಖಾನ್ ಮೇಲೆ ದಾಳಿ. ಕಾಲಿಗೆ ತಗುಲಿದ ಗುಂಡು.
16- ಭಾರತಕ್ಕೆ ಜಿ-20 ಗುಂಪಿನ ಅಧ್ಯಕ್ಷತೆ ಹಸ್ತಾಂತರ.
21-ಇಂಡೊನೇಷ್ಯಾದ ಪಶ್ಚಿಮ‌ ಜಾವಾ ಪ್ರಾಂತ್ಯದಲ್ಲಿ ಪ್ರಬಲ ಭೂಕಂಪ- 162 ಮಂದಿ ಸಾವು. 700ಕ್ಕೂ ಅಧಿಕ ಜನರಿಗೆ ಗಾಯ.
27- ಶೂನ್ಯ ಕೋವಿಡ್ ನೀತಿ ವಿರುದ್ಧ ಚೀನಾದಲ್ಲಿ ಜನಾಕ್ರೋಶ.

ಡಿಸೆಂಬರ್
1-ಜಿ-20 ಗುಂಪಿನ ಅಧ್ಯಕ್ಷತೆ ವಹಿಸಿಕೊಂಡ ಭಾರತ.
4-ಇಂಡೊನೇಷ್ಯಾದ ಜಾವಾ ಅಗ್ನಿಪರ್ವತ ಸೆಮೆರುವಿನಲ್ಲಿ ಜ್ವಾಲಾಮುಖಿ ಸ್ಫೋಟ.
16-ಐರ್ಲೆಂಡ್ ಪ್ರಧಾನಿಯಾಗಿಲಿಯೋ ವಾರಡ್ಕರ್ ನೇಮಕ.
23-ನೇಪಾಳ ಜೈಲಿನಿಂದ ಸರಣಿ ಹಂತಕ ಚಾರ್ಲ್ಸ್ ಶೋಭರಾಜ್ ಬಿಡುಗಡೆ.
*‘ಬಾಂಬ್ ಸೈಕ್ಲೋನ್’ ಶೀತ ಮಾರುತಕ್ಕೆ ಅಮೆರಿಕ ತತ್ತರ.
25- ನೇಪಾಳ ಪ್ರಧಾನಿಯಾಗಿ ಪುಷ್ಪ ಕಮಲ್ ದಹಲ್ (ಪ್ರಚಂಡ) ನೇಮಕ.