‘ಇವರು ಅಲ್ ಖೈದಾಗಿಂದ ಕ್ರೂರಿಗಳು. ಶುದ್ಧ ದುಷ್ಟರು. ನಾನು ಮೊದಲಿನಿಂದ ಹೇಳಿಕೊಂಡು ಬರುವಂತೆ, ಇಸ್ರೇಲ್ ಬೆಂಬಲಿಸುವ ಮೂಲಕ ಅಮೆರಿಕ ಯಾವುದೇ ತಪ್ಪು ಮಾಡಿಲ್ಲ. ಅಮೆರಿಕ ಇಸ್ರೇಲ್ ಜತೆ ನಿಲ್ಲಲಿದೆ’ ಎಂದು ನುಡಿದಿದ್ದಾರೆ.
ರಾಜ್ಯ ಕಾರ್ಯದರ್ಶಿ ಆ್ಯಂಟನಿ ಬ್ಲಿಂಕನ್ ನಿನ್ನೆ ಇಸ್ರೇಲ್ನಲ್ಲಿ ಇದ್ದರು. ರಕ್ಷಣಾ ಕಾರ್ಯದರ್ಶಿ ಲಾಯ್ಡ್ ಅಸ್ಟಿನ್ ಅವರು ಇಂದು ಇಸ್ರೇಲ್ನಲ್ಲಿದ್ದಾರೆ’ ಎಂದು ಬೈಡನ್ ಹೇಳಿದ್ದಾರೆ.
ದಾಳಿಯಿಂದ ರಕ್ಷಣೆ ಪಡೆದುಕೊಳ್ಳಲು ಹಾಗೂ ಪ್ರತ್ಯುತ್ತರ ನೀಡಲು ಇಸ್ರೇಲ್ಗೆ ಅಗತ್ಯವಿರುವುದನ್ನು ನಾವು ಖಚಿತಪಡಿಸುತ್ತೇವೆ. ಅಲ್ಲದೆ ಗಾಜಾದಲ್ಲಿ ಮಾನವೀಯ ಬಿಕ್ಕಟ್ಟನ್ನು ತುರ್ತಾಗಿ ಪರಿಹರಿಸುವುದೂ ನಮ್ಮ ಆದ್ಯತೆಯಾಗಿದೆ ಎಂದಿದ್ದಾರೆ.
ಇಸ್ರೇಲ್ಗೆ ಸಹಾಯ ಮಾಡಲು ನನ್ನ ನಿರ್ದೇಶನದಂತೆ, ನನ್ನ ತಂಡ ಆ ಪ್ರದೇಶದಲ್ಲಿ ಕೆಲಸ ಮಾಡುತ್ತಿದೆ. ಇಸ್ರೇಲ್, ಈಜಿಪ್ಟ್, ಜೋರ್ಡನ್ ಹಾಗೂ ಇತರ ಅರಬ್ ದೇಶಗಳ ಸರ್ಕಾರ ಮತ್ತು ವಿಶ್ವಸಂಸ್ಥೆಯೊಂದಿಗೆ ಸಂಪರ್ಕದಲ್ಲಿದೆ ಎಂದು ಬೈಡನ್ ತಿಳಿಸಿದ್ದಾರೆ.
ಹಮಾಸ್ ಬಂಡುಕೋರರು ಒತ್ತೆಯಾಳಾಗಿರಿಸಿಕೊಂಡಿರುವ ಅಮೆರಿಕ ಪ್ರಜೆಗಳ ಬಿಡುಗಡೆಗೆ ನಾವು ಆಹೋರಾತ್ರಿ ಕೆಲಸ ಮಾಡುತ್ತಿದ್ದೇವೆ. ಇಸ್ರೇಲ್ ಹಾಗೂ ಆ ಪ್ರದೇಶದಲ್ಲಿರುವ ನಮ್ಮ ಪಾಲುದಾರರ ಸಹಾಯದೊಂದಿಗೆ, ಅವರನ್ನು ನಾವು ಮರಳಿ ಕರೆತರದೆ ವಿರಮಿಸುವುದಿಲ್ಲ’ ಎಂದು ಹೇಳಿದ್ದಾರೆ.