×
ADVERTISEMENT
ಈ ಕ್ಷಣ :
ಬ್ರಿಟನ್ ಸಂಸತ್ ಚುನಾವಣೆ | ಕೀರ್‌ ಸ್ಟಾರ್ಮರ್‌ಗೆ ಪಟ್ಟ; ಸೋಲೊಪ್ಪಿಕೊಂಡ ಸುನಕ್
ಕನ್ಸರ್ವೇಟಿವ್ ಪಕ್ಷಕ್ಕೆ ಮುಖಭಂಗ
ನೀವು ಮಾಡಿದ ಪ್ರಚಾರ, ಹೋರಾಟದಿಂದ ನಾವು ಗೆದ್ದಿದ್ದೇವೆ. ಬದಲಾವಣೆ ಇಲ್ಲಿಂದಲೇ ಆರಂಭವಾಗಲಿದೆ. ಇಂತಹ ಗೆಲುವು ನಮ್ಮ ಮೇಲಿನ ಜವಾಬ್ದಾರಿಯನ್ನು ಇನ್ನಷ್ಟು ಹೆಚ್ಚಿಸಿದೆ.–ಕೀರ್‌ ಸ್ಟಾರ್ಮರ್‌, ಬ್ರಿಟನ್‌ನ ನೂತನ ಪ್ರಧಾನಿ
ಪ್ರಮುಖ ಅಂಶಗಳು
ಅಧಿಕಾರದಲ್ಲಿದ್ದಾಗ ನನ್ನ ಕೈಲಾದಷ್ಟು ಕೆಲಸ ಮಾಡಿದ್ದೇನೆ. ಆದರೆ ಮತದಾರರು ಬದಲಾವಣೆ ಬಯಸಿದ್ದು, ನಿಮ್ಮ ತೀರ್ಪು ಮುಖ್ಯವಾಗಿದೆ. ಸೋಲಿನ ಹೊಣೆ ನಾನೇ ಹೊರುತ್ತೇನೆ. ನನ್ನನ್ನು ಕ್ಷಮಿಸಿ.–ರಿಷಿ ಸುನಕ್, ಬ್ರಿಟನ್‌ನ ನಿರ್ಗಮಿತ ಪ್ರಧಾನಿ
ಭಾರತ ಮೂಲದ 26 ಮಂದಿ ಆಯ್ಕೆ
ಬ್ರಿಟನ್ ಸಂಸತ್ತಿಗೆ ಈ ಬಾರಿ ಭಾರತ ಮೂಲದ 26 ಮಂದಿ ಆಯ್ಕೆಯಾಗಿದ್ದು, ಹೊಸ ಚರಿತ್ರೆ ನಿರ್ಮಾಣವಾಗಿದೆ. ಕಳೆದ ಸಾರ್ವತ್ರಿಕ ಚುನಾವಣೆಯಲ್ಲಿ ಭಾರತ ಮೂಲದ 19 ಮಂದಿ ಗೆದ್ದಿದ್ದರು. ರಿಷಿ ಸುನಕ್ ಅವರು ಯಾರ್ಕ್‌ಷೈರ್‌ನ ರಿಚ್ಮಂಡ್‌ ಆ್ಯಂಡ್ ನಾರ್ಥ್‌ಅಲರ್ಟನ್‌ ಕ್ಷೇತ್ರವನ್ನು ತಮ್ಮಲ್ಲೇ ಉಳಿಸಿಕೊಂಡಿದ್ದಾರೆ. ಸುನಕ್ ಅಲ್ಲದೆ ಕನ್ಸರ್ವೇಟಿವ್ ಪಕ್ಷದಿಂದ ಕಣಕ್ಕಿಳಿದಿದ್ದ ಭಾರತ ಮೂಲದ ಸುಯೆಲ್ಲಾ ಬ್ರೆವರ್‌ಮನ್, ಪ್ರೀತಿ ಪಟೇಲ್‌, ಕ್ಲೈರ್ ಕುಟಿನೊ, ಗಗನ್‌ ಮೊಹೀಂದ್ರಾ ಮತ್ತು ಶಿವಾನಿ ರಾಜಾ ಅವರೂ ತಮ್ಮ ಕ್ಷೇತ್ರಗಳನ್ನು ಉಳಿಸಿಕೊಂಡಿದ್ದಾರೆ. ಆದರೆ ಶೈಲೇಶ್ ವರ ಮತ್ತು ಅಮಿತ್‌ ಜೋಗಿಯಾ ಅವರಿಗೆ ಸೋಲು ಎದುರಾಗಿದೆ.
ಮೋದಿ ಅಭಿನಂದನೆ
ಬ್ರಿಟನ್ ಚುನಾವಣೆಯಲ್ಲಿ ಗೆದ್ದ ಕೀತ್‌ ಸ್ಟಾರ್ಮರ್‌ ಅವರನ್ನು ಪ್ರಧಾನಿ ನರೇಂದ್ರ ಮೋದಿ ಅಭಿನಂದಿಸಿದ್ದಾರೆ. ‘ಕೀತ್‌ ಸ್ಟಾರ್ಮರ್‌ ಅವರಿಗೆ ಹೃತ್ಪೂರ್ವಕ ಅಭಿನಂದನೆಗಳು. ಎಲ್ಲ ಕ್ಷೇತ್ರಗಳಲ್ಲೂ ಭಾರತ ಮತ್ತು ಬ್ರಿಟನ್ ನಡುವಣ ಪಾಲುದಾರಿಕೆಯನ್ನು ಇನ್ನಷ್ಟು ಬಲಪಡಿಸಲು ಸಕಾರಾತ್ಮಕ ಹಾಗೂ ರಚನಾತ್ಮಕ ಸಹಯೋಗವನ್ನು ಎದುರು ನೋಡುತ್ತಿದ್ದೇನೆ’ ಎಂದು ‘ಎಕ್ಸ್’ ಖಾತೆಯಲ್ಲಿ ಬರೆದುಕೊಂಡಿದ್ದಾರೆ. ನಿರ್ಗಮಿತ ಪ್ರಧಾನಿ ರಿಷಿ ಸುನಕ್ ಅವರ ನಾಯಕತ್ವವನ್ನು ಶ್ಲಾಘಿಸಿರುವ ಮೋದಿ, ‘ನಿಮ್ಮ ಮತ್ತು ನಿಮ್ಮ ಕುಟುಂಬದ ಭವಿಷ್ಯ ಉಜ್ವಲವಾಗಲಿ’ ಎಂದಿದ್ದಾರೆ.
ಎಲ್ಲ ಕ್ಷೇತ್ರಗಳಲ್ಲೂ ಭಾರತ ಮತ್ತು ಬ್ರಿಟನ್ ನಡುವಣ ಪಾಲುದಾರಿಕೆಯನ್ನು ಇನ್ನಷ್ಟು ಬಲಪಡಿಸಲು ಸಕಾರಾತ್ಮಕ ಹಾಗೂ ರಚನಾತ್ಮಕ ಸಹಯೋಗವನ್ನು ಎದುರು ನೋಡುತ್ತಿದ್ದೇನೆ.–ನರೇಂದ್ರ ಮೋದಿ, ಪ್ರಧಾನಿ
ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.