<p><strong>ನ್ಯೂಯಾರ್ಕ್</strong>: ಮಂಗಳ ಗ್ರಹ ಅಧ್ಯಯನಕ್ಕಾಗಿ ನಾಸಾ ಉಡ್ಡಯನ ಮಾಡಿರುವ ‘ಪರ್ಸೆವೆರನ್ಸ್’ ರೋವರ್, ಅಲ್ಲಿನ ಆಗಸದಲ್ಲಿ ಹಸಿರು ವರ್ಣದ ಧ್ರುವಪ್ರಭೆಯನ್ನು (ಅರೋರಾ) ಪತ್ತೆ ಮಾಡಿದೆ.</p><p>ಅಂಗಾರಕನಲ್ಲಿ ಕಂಡುಬಂದಿರುವ ಈ ಧ್ರುವಪ್ರಭೆ ಬರಿಗಣ್ಣಿಗೆ ಕಾಣಲಿದೆ ಎಂಬುದು ವಿಶೇಷ. ಹೀಗಾಗಿ, ಭವಿಷ್ಯದಲ್ಲಿ ಅಂತರಿಕ್ಷಯಾನ ಕೈಗೊಳ್ಳುವ ಗಗನಯಾತ್ರಿಗಳು ಮಂಗಳ ಗ್ರಹದಲ್ಲಿನ ಈ ವಿದ್ಯಮಾನವನ್ನು ಕಣ್ತುಂಬಿಕೊಳ್ಳಬಹುದಾಗಿದೆ.</p><p>ಭೂಮಿ ಹೊರತುಪಡಿಸಿದಂತೆ, ಸೌರಮಂಡಲದ ಬೇರೆ ಗ್ರಹದಲ್ಲಿ ಇದೇ ಮೊದಲ ಬಾರಿಗೆ ಧ್ರುವಪ್ರಭೆಯನ್ನು ಪತ್ತೆ ಮಾಡಿದಂತಾಗಿದೆ ಎಂದು ಸಂಶೋಧಕರು ಹೇಳಿದ್ದಾರೆ.</p>.<p>ಮಂಗಳನಲ್ಲಿ ಉತ್ತರ ಧ್ರುವಪ್ರಭೆ ಮತ್ತು ದಕ್ಷಿಣ ಧ್ರುವಪ್ರಭೆ ಕಂಡುಬರುವುದನ್ನು ಮುಂಚಿತವಾಗಿಯೇ ಪತ್ತೆ ಮಾಡುವುದು ಸಾಧ್ಯ ಎಂಬುದನ್ನು ಈ ಅಧ್ಯಯನ ದೃಢಪಡಿಸಿದೆ. ಇದು, ಬಾಹ್ಯಾಕಾಶ ವಾತಾವರಣ ಅಧ್ಯಯನಕ್ಕೆ ಅನುಕೂಲ ಮಾಡಿಕೊಡುತ್ತದೆ ಎಂದು ಒಸ್ಲೊ ವಿಶ್ವವಿದ್ಯಾಲಯದ ಬಾಹ್ಯಾಕಾಶ ವಿಜ್ಞಾನಿ ಎಲೀಸ್ ರೈಟ್ ನಟ್ಸೆನ್ ಹೇಳುತ್ತಾರೆ.</p><p>ಅವರ ಸಂಶೋಧನಾ ವರದಿ ‘ಸೈನ್ಸ್ ಅಡ್ವಾನ್ಸಸ್’ ನಿಯತಕಾಲಿಕದಲ್ಲಿ ಬುಧವಾರ ಪ್ರಕಟವಾಗಿದೆ. </p><p>‘ದೂಳಿನ ಕಣಗಳಿಂದಾಗಿ ಈ ಧ್ರುವಪ್ರಭೆಯ ಹೊಳಪು ಕ್ಷೀಣಿಸಿತ್ತು. ಈ ಕಣಗಳು ಇಲ್ಲದಿದ್ದರೆ ಹಾಗೂ ಉತ್ತಮ ಗೋಚರಕ್ಕೆ ಅನುಕೂಲಕರ ವಾತಾವರಣ ಇದ್ದಾಗ, ಭವಿಷ್ಯದಲ್ಲಿ ಗಗನಯಾನಿಗಳು ಈ ಧ್ರುವಪ್ರಭೆಯನ್ನು ಸ್ಪಷ್ಟವಾಗಿ ನೋಡಬಹುದು’ ಎಂದು ಸಂಶೋಧಕರು ಹೇಳಿದ್ದಾರೆ.</p><p>‘ಪರ್ಸೆವೆರನ್ಸ್’ ರೋವರ್ಅನ್ನು 2020ರಲ್ಲಿ ಉಡ್ಡಯನ ಮಾಡಲಾಗಿದೆ. 2021ರಿಂದ ಈ ರೋವರ್, ಮಂಗಳ ಗ್ರಹದ ಜೆಜೆರೊ ಕುಳಿ (ಜೆಜೆರೊ ಕ್ರೇಟರ್) ಕುರಿತು ಅಧ್ಯಯನ ನಡೆಸುತ್ತಿದೆ. ಅಲ್ಲಿನ ದೂಳು ಹಾಗೂ ಶಿಲೆಯ ಮಾದರಿಗಳನ್ನು ಈ ರೋವರ್ ಮರಳಿ ಭೂಮಿಗೆ ತರಲಿದೆ.</p><p>ಜೆಜೆರೊ ಕುಳಿಯು ಈ ಹಿಂದೆ ಸರೋವರವಾಗಿತ್ತು. ಮಂಗಳ ಗ್ರಹದಲ್ಲಿ ಲಕ್ಷಾಂತರ ವರ್ಷಗಳ ಹಿಂದೆ ಸೂಕ್ಷ್ಮಾಣುಜೀವಿಗಳು ಇದ್ದವು ಎಂಬುದಕ್ಕೆ ಈ ಕುಳಿ ಪುರಾವೆಯಾಗಬಹುದು ಎಂದು ವಿಜ್ಞಾನಿಗಳು ವಿಶ್ಲೇಷಿಸುತ್ತಾರೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನ್ಯೂಯಾರ್ಕ್</strong>: ಮಂಗಳ ಗ್ರಹ ಅಧ್ಯಯನಕ್ಕಾಗಿ ನಾಸಾ ಉಡ್ಡಯನ ಮಾಡಿರುವ ‘ಪರ್ಸೆವೆರನ್ಸ್’ ರೋವರ್, ಅಲ್ಲಿನ ಆಗಸದಲ್ಲಿ ಹಸಿರು ವರ್ಣದ ಧ್ರುವಪ್ರಭೆಯನ್ನು (ಅರೋರಾ) ಪತ್ತೆ ಮಾಡಿದೆ.</p><p>ಅಂಗಾರಕನಲ್ಲಿ ಕಂಡುಬಂದಿರುವ ಈ ಧ್ರುವಪ್ರಭೆ ಬರಿಗಣ್ಣಿಗೆ ಕಾಣಲಿದೆ ಎಂಬುದು ವಿಶೇಷ. ಹೀಗಾಗಿ, ಭವಿಷ್ಯದಲ್ಲಿ ಅಂತರಿಕ್ಷಯಾನ ಕೈಗೊಳ್ಳುವ ಗಗನಯಾತ್ರಿಗಳು ಮಂಗಳ ಗ್ರಹದಲ್ಲಿನ ಈ ವಿದ್ಯಮಾನವನ್ನು ಕಣ್ತುಂಬಿಕೊಳ್ಳಬಹುದಾಗಿದೆ.</p><p>ಭೂಮಿ ಹೊರತುಪಡಿಸಿದಂತೆ, ಸೌರಮಂಡಲದ ಬೇರೆ ಗ್ರಹದಲ್ಲಿ ಇದೇ ಮೊದಲ ಬಾರಿಗೆ ಧ್ರುವಪ್ರಭೆಯನ್ನು ಪತ್ತೆ ಮಾಡಿದಂತಾಗಿದೆ ಎಂದು ಸಂಶೋಧಕರು ಹೇಳಿದ್ದಾರೆ.</p>.<p>ಮಂಗಳನಲ್ಲಿ ಉತ್ತರ ಧ್ರುವಪ್ರಭೆ ಮತ್ತು ದಕ್ಷಿಣ ಧ್ರುವಪ್ರಭೆ ಕಂಡುಬರುವುದನ್ನು ಮುಂಚಿತವಾಗಿಯೇ ಪತ್ತೆ ಮಾಡುವುದು ಸಾಧ್ಯ ಎಂಬುದನ್ನು ಈ ಅಧ್ಯಯನ ದೃಢಪಡಿಸಿದೆ. ಇದು, ಬಾಹ್ಯಾಕಾಶ ವಾತಾವರಣ ಅಧ್ಯಯನಕ್ಕೆ ಅನುಕೂಲ ಮಾಡಿಕೊಡುತ್ತದೆ ಎಂದು ಒಸ್ಲೊ ವಿಶ್ವವಿದ್ಯಾಲಯದ ಬಾಹ್ಯಾಕಾಶ ವಿಜ್ಞಾನಿ ಎಲೀಸ್ ರೈಟ್ ನಟ್ಸೆನ್ ಹೇಳುತ್ತಾರೆ.</p><p>ಅವರ ಸಂಶೋಧನಾ ವರದಿ ‘ಸೈನ್ಸ್ ಅಡ್ವಾನ್ಸಸ್’ ನಿಯತಕಾಲಿಕದಲ್ಲಿ ಬುಧವಾರ ಪ್ರಕಟವಾಗಿದೆ. </p><p>‘ದೂಳಿನ ಕಣಗಳಿಂದಾಗಿ ಈ ಧ್ರುವಪ್ರಭೆಯ ಹೊಳಪು ಕ್ಷೀಣಿಸಿತ್ತು. ಈ ಕಣಗಳು ಇಲ್ಲದಿದ್ದರೆ ಹಾಗೂ ಉತ್ತಮ ಗೋಚರಕ್ಕೆ ಅನುಕೂಲಕರ ವಾತಾವರಣ ಇದ್ದಾಗ, ಭವಿಷ್ಯದಲ್ಲಿ ಗಗನಯಾನಿಗಳು ಈ ಧ್ರುವಪ್ರಭೆಯನ್ನು ಸ್ಪಷ್ಟವಾಗಿ ನೋಡಬಹುದು’ ಎಂದು ಸಂಶೋಧಕರು ಹೇಳಿದ್ದಾರೆ.</p><p>‘ಪರ್ಸೆವೆರನ್ಸ್’ ರೋವರ್ಅನ್ನು 2020ರಲ್ಲಿ ಉಡ್ಡಯನ ಮಾಡಲಾಗಿದೆ. 2021ರಿಂದ ಈ ರೋವರ್, ಮಂಗಳ ಗ್ರಹದ ಜೆಜೆರೊ ಕುಳಿ (ಜೆಜೆರೊ ಕ್ರೇಟರ್) ಕುರಿತು ಅಧ್ಯಯನ ನಡೆಸುತ್ತಿದೆ. ಅಲ್ಲಿನ ದೂಳು ಹಾಗೂ ಶಿಲೆಯ ಮಾದರಿಗಳನ್ನು ಈ ರೋವರ್ ಮರಳಿ ಭೂಮಿಗೆ ತರಲಿದೆ.</p><p>ಜೆಜೆರೊ ಕುಳಿಯು ಈ ಹಿಂದೆ ಸರೋವರವಾಗಿತ್ತು. ಮಂಗಳ ಗ್ರಹದಲ್ಲಿ ಲಕ್ಷಾಂತರ ವರ್ಷಗಳ ಹಿಂದೆ ಸೂಕ್ಷ್ಮಾಣುಜೀವಿಗಳು ಇದ್ದವು ಎಂಬುದಕ್ಕೆ ಈ ಕುಳಿ ಪುರಾವೆಯಾಗಬಹುದು ಎಂದು ವಿಜ್ಞಾನಿಗಳು ವಿಶ್ಲೇಷಿಸುತ್ತಾರೆ</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
