<p><strong>ಕಾಬೂಲ್: </strong>ಅಫ್ಗನ್ ಸರ್ಕಾರದಿಂದ ಬಂಧಿಸಲ್ಪಟ್ಟ ಸಾವಿರಾರು ತಾಲಿಬಾನ್ ಉಗ್ರರನ್ನು ಇರಿಸಲಾಗಿದ್ದ ಕಾಬೂಲ್ನ ಮುಖ್ಯ ಕಾರಾಗೃಹಪುಲ್-ಎ-ಚರ್ಕಿ, ಈಗ ತಾಲಿಬಾನ್ ಹಿಡಿತದಲ್ಲಿದೆ.</p>.<p>ಅಫ್ಗಾನಿಸ್ತಾನ ತಾಲಿಬಾನ್ ಕೈವಶವಾದ ಬಳಿಕ ಪುಲ್-ಎ-ಚರ್ಕಿ ಕಾರಾಗೃಹದ ಎಲ್ಲಾ ಕೈದಿಗಳನ್ನು ಬಿಡುಗಡೆಗೊಳಿಸಲಾಯಿತು. ಅಲ್ಲಿನ ಸರ್ಕಾರಿ ಅಧಿಕಾರಿಗಳು ಪರಾರಿಯಾದರು. ಸದ್ಯ ಈ ಕಾರಾಗೃಹವನ್ನು ತಾಲಿಬಾನಿಗಳೇ ನಿರ್ವಹಿಸುತ್ತಿದ್ದಾರೆ.</p>.<p>ತನ್ನ ಸ್ನೇಹಿತರೊಂದಿಗೆ ಪುಲ್-ಎ-ಚರ್ಕಿ ಜೈಲಿಗೆ ಭೇಟಿ ನೀಡಿದ ಹೆಸರು ಹೇಳಲು ಇಚ್ಛಿಸಿದ ತಾಲಿಬಾನ್ ಕಮಾಂಡರ್ ಒಬ್ಬ, ಎಪಿ ವರದಿಗಾರರೊಂದಿಗೆ ತನ್ನ ಅನುಭವವನ್ನು ಹಂಚಿಕೊಂಡಿದ್ದಾನೆ.</p>.<p>‘ಒಂದು ದಶಕದ ಹಿಂದೆ ನನ್ನನ್ನು ಪೂರ್ವ ಕುನಾರ್ ಪ್ರಾಂತ್ಯದಲ್ಲಿ ಬಂಧಿಸಿ, ಪುಲ್-ಎ-ಚರ್ಕಿ ಕಾರಾಗೃಹಕ್ಕೆ ಕರೆತರಲಾಗಿತ್ತು. ಆ ದಿನಗಳನ್ನು ನೆನಪಿಸಿಕೊಂಡರೆ ತುಂಬಾ ಭಯವಾಗುತ್ತದೆ. ನಮ್ಮನ್ನು ನಿಂದಿಸಲಾಗುತ್ತಿತ್ತು. ಕಿರುಕುಳ ನೀಡಲಾಗುತ್ತಿತ್ತು. ನಾನು ಈ ಜೈಲಿನಲ್ಲಿ ಸುಮಾರು 14 ತಿಂಗಳ ಕಾಲ ಇದ್ದೆ. ಅದು ನನ್ನ ಜೀವನದ ಕರಾಳ ದಿನಗಳಾಗಿವೆ. ಈಗಿನದು ತುಂಬಾ ಖುಷಿಯ ದಿನಗಳಾಗಿವೆ. ನಾನೀಗ ಸ್ವತಂತ್ರನಾಗಿದ್ದೇನೆ. ಯಾವುದೇ ಭಯವಿಲ್ಲದೇ ಇಲ್ಲಿಗೆ ಬರಬಹುದು’ ಎಂದು ಆತ ವರದಿಗಾರರಿಗೆ ತಿಳಿಸಿದ್ದಾನೆ.</p>.<p>11 ಸೆಲ್ ಬ್ಲಾಕ್ಗಳನ್ನು ಹೊಂದಿರುವ ಈ ಜೈಲಿನಲ್ಲಿ 5 ಸಾವಿರ ಕೈದಿಗಳನ್ನು ಇರಿಸಬಹುದಾಗಿದೆ. ಆದರೆ ಇಲ್ಲಿ 10 ಸಾವಿರಕ್ಕೂ ಅಧಿಕ ಕೈದಿಗಳನ್ನು ಇರಿಸಿದ ನಿದರ್ಶನ ಇದೆ. ಸಾವಿರಾರು ಸಂಖ್ಯೆಯಲ್ಲಿ ತಾಲಿಬಾನಿ ಕೈದಿಗಳೂ ಇಲ್ಲಿದ್ದರು. 1970 ಮತ್ತು 1980ರ ದಶಕದಲ್ಲಿ ಈ ಜೈಲಿನಲ್ಲಿ ಸಾಮೂಹಿಕ ಗಲ್ಲು ಶಿಕ್ಷೆಗಳು ಆಗಿತ್ತು, ಅದಕ್ಕಾಗಿಯೇ ಸಾಮೂಹಿಕ ಗೋರಿಗಳನ್ನೂ ಇಲ್ಲಿ ನಿರ್ಮಿಸಲಾಗಿತ್ತು.</p>.<p>ಸದ್ಯ ತಾಲಿಬಾನಿ ಕೈದಿಗಳೆಲ್ಲ ಬಂಧಮುಕ್ತರಾಗಿದ್ದಾರೆ. ಇಲ್ಲಿ ಕೇವಲ 60ರಷ್ಟು ಮಂದಿ ಕೈದಿಗಳಷ್ಟೇ ಇದ್ದಾರೆ. ಅವರೆಲ್ಲ ವಿವಿಧ ಅಪರಾಧ ಕೃತ್ಯಗಳಲ್ಲಿ ಶಾಮೀಲಾದವರು ಅಥವಾ ಡ್ರಗ್ಸ್ ಪ್ರಕರಣಗಳಲ್ಲಿ ಬಂಧಿತರಾದವರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕಾಬೂಲ್: </strong>ಅಫ್ಗನ್ ಸರ್ಕಾರದಿಂದ ಬಂಧಿಸಲ್ಪಟ್ಟ ಸಾವಿರಾರು ತಾಲಿಬಾನ್ ಉಗ್ರರನ್ನು ಇರಿಸಲಾಗಿದ್ದ ಕಾಬೂಲ್ನ ಮುಖ್ಯ ಕಾರಾಗೃಹಪುಲ್-ಎ-ಚರ್ಕಿ, ಈಗ ತಾಲಿಬಾನ್ ಹಿಡಿತದಲ್ಲಿದೆ.</p>.<p>ಅಫ್ಗಾನಿಸ್ತಾನ ತಾಲಿಬಾನ್ ಕೈವಶವಾದ ಬಳಿಕ ಪುಲ್-ಎ-ಚರ್ಕಿ ಕಾರಾಗೃಹದ ಎಲ್ಲಾ ಕೈದಿಗಳನ್ನು ಬಿಡುಗಡೆಗೊಳಿಸಲಾಯಿತು. ಅಲ್ಲಿನ ಸರ್ಕಾರಿ ಅಧಿಕಾರಿಗಳು ಪರಾರಿಯಾದರು. ಸದ್ಯ ಈ ಕಾರಾಗೃಹವನ್ನು ತಾಲಿಬಾನಿಗಳೇ ನಿರ್ವಹಿಸುತ್ತಿದ್ದಾರೆ.</p>.<p>ತನ್ನ ಸ್ನೇಹಿತರೊಂದಿಗೆ ಪುಲ್-ಎ-ಚರ್ಕಿ ಜೈಲಿಗೆ ಭೇಟಿ ನೀಡಿದ ಹೆಸರು ಹೇಳಲು ಇಚ್ಛಿಸಿದ ತಾಲಿಬಾನ್ ಕಮಾಂಡರ್ ಒಬ್ಬ, ಎಪಿ ವರದಿಗಾರರೊಂದಿಗೆ ತನ್ನ ಅನುಭವವನ್ನು ಹಂಚಿಕೊಂಡಿದ್ದಾನೆ.</p>.<p>‘ಒಂದು ದಶಕದ ಹಿಂದೆ ನನ್ನನ್ನು ಪೂರ್ವ ಕುನಾರ್ ಪ್ರಾಂತ್ಯದಲ್ಲಿ ಬಂಧಿಸಿ, ಪುಲ್-ಎ-ಚರ್ಕಿ ಕಾರಾಗೃಹಕ್ಕೆ ಕರೆತರಲಾಗಿತ್ತು. ಆ ದಿನಗಳನ್ನು ನೆನಪಿಸಿಕೊಂಡರೆ ತುಂಬಾ ಭಯವಾಗುತ್ತದೆ. ನಮ್ಮನ್ನು ನಿಂದಿಸಲಾಗುತ್ತಿತ್ತು. ಕಿರುಕುಳ ನೀಡಲಾಗುತ್ತಿತ್ತು. ನಾನು ಈ ಜೈಲಿನಲ್ಲಿ ಸುಮಾರು 14 ತಿಂಗಳ ಕಾಲ ಇದ್ದೆ. ಅದು ನನ್ನ ಜೀವನದ ಕರಾಳ ದಿನಗಳಾಗಿವೆ. ಈಗಿನದು ತುಂಬಾ ಖುಷಿಯ ದಿನಗಳಾಗಿವೆ. ನಾನೀಗ ಸ್ವತಂತ್ರನಾಗಿದ್ದೇನೆ. ಯಾವುದೇ ಭಯವಿಲ್ಲದೇ ಇಲ್ಲಿಗೆ ಬರಬಹುದು’ ಎಂದು ಆತ ವರದಿಗಾರರಿಗೆ ತಿಳಿಸಿದ್ದಾನೆ.</p>.<p>11 ಸೆಲ್ ಬ್ಲಾಕ್ಗಳನ್ನು ಹೊಂದಿರುವ ಈ ಜೈಲಿನಲ್ಲಿ 5 ಸಾವಿರ ಕೈದಿಗಳನ್ನು ಇರಿಸಬಹುದಾಗಿದೆ. ಆದರೆ ಇಲ್ಲಿ 10 ಸಾವಿರಕ್ಕೂ ಅಧಿಕ ಕೈದಿಗಳನ್ನು ಇರಿಸಿದ ನಿದರ್ಶನ ಇದೆ. ಸಾವಿರಾರು ಸಂಖ್ಯೆಯಲ್ಲಿ ತಾಲಿಬಾನಿ ಕೈದಿಗಳೂ ಇಲ್ಲಿದ್ದರು. 1970 ಮತ್ತು 1980ರ ದಶಕದಲ್ಲಿ ಈ ಜೈಲಿನಲ್ಲಿ ಸಾಮೂಹಿಕ ಗಲ್ಲು ಶಿಕ್ಷೆಗಳು ಆಗಿತ್ತು, ಅದಕ್ಕಾಗಿಯೇ ಸಾಮೂಹಿಕ ಗೋರಿಗಳನ್ನೂ ಇಲ್ಲಿ ನಿರ್ಮಿಸಲಾಗಿತ್ತು.</p>.<p>ಸದ್ಯ ತಾಲಿಬಾನಿ ಕೈದಿಗಳೆಲ್ಲ ಬಂಧಮುಕ್ತರಾಗಿದ್ದಾರೆ. ಇಲ್ಲಿ ಕೇವಲ 60ರಷ್ಟು ಮಂದಿ ಕೈದಿಗಳಷ್ಟೇ ಇದ್ದಾರೆ. ಅವರೆಲ್ಲ ವಿವಿಧ ಅಪರಾಧ ಕೃತ್ಯಗಳಲ್ಲಿ ಶಾಮೀಲಾದವರು ಅಥವಾ ಡ್ರಗ್ಸ್ ಪ್ರಕರಣಗಳಲ್ಲಿ ಬಂಧಿತರಾದವರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
