ಬೀಜಿಂಗ್: ಸುಮಾರು ಎರಡು ತಿಂಗಳ ಕಠಿಣ ಲಾಕ್ಡೌನ್ಗೆ ಬೇಸತ್ತಿರುವ ಚೀನಾದ ವಾಣಿಜ್ಯ ರಾಜಧಾನಿ ಶಾಂಘೈ ನಗರದ ನಿವಾಸಿಗಳು ಬೀದಿಗಿಳಿದಿದ್ದಾರೆ.
ನಿಯಮ ಉಲ್ಲಂಘಿಸಿ ತಮ್ಮ ಮನೆಗಳ ತಡೆಗೋಡೆಗಳನ್ನು ಜಿಗಿದು ಹೊರ ಬರುತ್ತಿದ್ದಾರೆ. ಇದಾದ ಮರುದಿನ ಇಲ್ಲಿನ ಜನ ಸ್ವತಂತ್ರವಾಗಿ ಓಡಾಡುತ್ತಿದ್ದಾರೆ.
ಈ ವಿಚಾರವು ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆಗೆ ಗ್ರಾಸವಾಗಿದ್ದು, ಇನ್ನೂ ಲಾಕ್ಡೌನ್ನಲ್ಲಿರುವ ಜನರು ತಾವು ಏಕೆ ಇದನ್ನೇ ಅನುಸರಿಸಬಾರದು ಎಂಬ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
ಒಂದು ಭಾಗದ ನಿವಾಸಿಗಳು ಆಡಳಿತದೊಂದಿಗೆ ಸಂಘರ್ಷಕ್ಕೆ ಇಳಿದು ತಮ್ಮ ನಗರದಲ್ಲಿ ಹೇರಲಾಗಿದ್ದ ನಿರ್ಬಂಧವನ್ನು ಭಾಗಶಃ ತೆರವುಗೊಳಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಈ ಘಟನೆ ಕಳೆದ ಏಳು ವಾರಗಳಿಂದ ಲಾಕ್ಡೌನ್ನಿಂದ ಹತಾಶೆಗೊಂಡ ಜನರ ಮನದ ಪ್ರತಿಬಿಂಬವಾಗಿದೆ. 2.5 ಕೋಟಿ ಜನಸಂಖ್ಯೆ ಹೊಂದಿರುವ ನಗರದಲ್ಲಿ ಇತ್ತೀಚಿನ ದಿನಗಳಲ್ಲಿ ದಿನನಿತ್ಯದ ಪ್ರಕರಣಗಳು ಇಳಿಕೆಯಾಗಿವೆ.