<p><strong>ಲಂಡನ್:</strong> ಉಕ್ರೇನ್ನಲ್ಲಿ ಪ್ರತ್ಯೇಕತಾವಾದಿಗಳ ವಶದಲ್ಲಿರುವ ಎರಡು ಪ್ರದೇಶಗಳಿಗೆ ಯುದ್ಧ ಸನ್ನದ್ಧತೆಗೆ ಪುಟಿನ್ ಆದೇಶ ನೀಡಿದ ಕೂಡಲೇ ನಾವು ರಷ್ಯಾದ ಮೇಲೆ ತೀವ್ರ ಆರ್ಥಿಕ ದಿಗ್ಬಂಧನ ಹೇರುತ್ತೇವೆ ಎಂದು ಬ್ರಿಟನ್ನ ಪ್ರಧಾನಿ ಬೋರಿಸ್ ಜಾನ್ಸನ್ ಅವರು ಮಂಗಳವಾರ ಘೋಷಣೆ ಮಾಡಿದ್ದಾರೆ.</p>.<p>ಉಕ್ರೇನ್ನಲ್ಲಿ ತಮ್ಮ ವಶದಲ್ಲಿರುವ ಪ್ರದೇಶಗಳನ್ನು ಸ್ವತಂತ್ರ ಎಂದು ಪರಿಗಣಿಸುವಂತೆ ಸೋಮವಾರ ಇಬ್ಬರು ಬಂಡುಕೋರ ನಾಯಕರು ರಷ್ಯಾಕ್ಕೆ ಮನವಿ ಮಾಡಿದ್ದರು. ಅದನ್ನು ರಾಷ್ಟ್ರೀಯ ಭದ್ರತಾ ಮಂಡಳಿ ಸಭೆಯಲ್ಲಿ ಪುಟಿನ್ ಕೂಡ ಅನುಮೋದಿಸಿದ್ದರು.</p>.<p>‘ನಿರ್ಬಂಧಗಳು, ಕೇವಲ ಡಾನ್ಬಾಸ್ ಮತ್ತು ಲುಹಾನ್ಸ್ಕ್ ಮತ್ತು ಡೊನೆಟ್ಸ್ಕ್ಗೆ (ಪ್ರತ್ಯೇಕತಾವಾದಿಗಳ ವಶದಲ್ಲಿರು ಪ್ರದೇಶಗಳು) ಮಾತ್ರ ಸೀಮಿತವಾಗಿರುವುದಿಲ್ಲ. ಆದರೆ ಇಡೀ ರಷ್ಯಾದ ಆರ್ಥಿಕ ಹಿತಾಸಕ್ತಿಗಳನ್ನು ಎಷ್ಟು ಸಾಧ್ಯವೋ ಅಷ್ಟು ಗುರಿಯಾಗಿರಿಸಿಕೊಂಡು ನಾವು ನಿರ್ಬಂಧಗಳನ್ನು ವಿಧಿಸುತ್ತೇವೆ’ ಎಂದು ಅವರು ಗುಡುಗಿದ್ದಾರೆ.</p>.<p>ಒಂದು ವೇಳೆ ಉಕ್ರೇನ್ ಮೇಲೆ ರಷ್ಯಾ ಆಕ್ರಮಣ ಮಾಡಿದ್ದೇ ಆದರೆ, ಅದು ಪ್ರಮಾಧಕಾರಿ ಲೆಕ್ಕಾಚಾರವೆಂದು ಪುಟಿನ್ ಮುಂದೆ ಅರಿಯಲಿದ್ದಾರೆ ಎಂದು ಜಾನ್ಸನ್ ಹೇಳಿದರು. ಅಲ್ಲದೆ, ರಷ್ಯಾ ಪೂರ್ಣ ಪ್ರಮಾಣದ ಆಕ್ರಮಣಕ್ಕೆ ಸಜ್ಜಾಗಿದೆ ಎಂದೂ ಅವರು ತಿಳಿಸಿದರು.</p>.<p>ಜಾನ್ಸನ್ ಮಂಗಳವಾರ ಮುಂಜಾನೆ ಬ್ರಿಟನ್ನ ರಾಷ್ಟ್ರೀಯ ತುರ್ತು ಭದ್ರತಾ ಸಮಿತಿಯ ಸಭೆ ನಡೆಸಿದರು.</p>.<p>‘ಉಕ್ರೇನ್ ಸರಿಯಾದ ದೇಶವಲ್ಲ ಎಂದು ಪ್ರತಿಪಾದಿಸುವವೇ ಪುಟಿನ್ ಅವರ ಸುತ್ತಲೂ ನೆರೆದಿದ್ದಾರೆ. ಇದು ಸನ್ನಿವೇಶದ ದುರಂತ. ತಮ್ಮಿಂದ ಪ್ರಮಾದಕಾರಿ ಲೆಕ್ಕಾಚಾರವಾಯಿತೆಂದು ಪುಟಿನ್ಗೆ ಗೊತ್ತಾಗಲಿದೆ ಎಂಬುದು ನಮ್ಮ ಭಾವನೆ’ ಎಂದು ಜಾನ್ಸನ್ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಂಡನ್:</strong> ಉಕ್ರೇನ್ನಲ್ಲಿ ಪ್ರತ್ಯೇಕತಾವಾದಿಗಳ ವಶದಲ್ಲಿರುವ ಎರಡು ಪ್ರದೇಶಗಳಿಗೆ ಯುದ್ಧ ಸನ್ನದ್ಧತೆಗೆ ಪುಟಿನ್ ಆದೇಶ ನೀಡಿದ ಕೂಡಲೇ ನಾವು ರಷ್ಯಾದ ಮೇಲೆ ತೀವ್ರ ಆರ್ಥಿಕ ದಿಗ್ಬಂಧನ ಹೇರುತ್ತೇವೆ ಎಂದು ಬ್ರಿಟನ್ನ ಪ್ರಧಾನಿ ಬೋರಿಸ್ ಜಾನ್ಸನ್ ಅವರು ಮಂಗಳವಾರ ಘೋಷಣೆ ಮಾಡಿದ್ದಾರೆ.</p>.<p>ಉಕ್ರೇನ್ನಲ್ಲಿ ತಮ್ಮ ವಶದಲ್ಲಿರುವ ಪ್ರದೇಶಗಳನ್ನು ಸ್ವತಂತ್ರ ಎಂದು ಪರಿಗಣಿಸುವಂತೆ ಸೋಮವಾರ ಇಬ್ಬರು ಬಂಡುಕೋರ ನಾಯಕರು ರಷ್ಯಾಕ್ಕೆ ಮನವಿ ಮಾಡಿದ್ದರು. ಅದನ್ನು ರಾಷ್ಟ್ರೀಯ ಭದ್ರತಾ ಮಂಡಳಿ ಸಭೆಯಲ್ಲಿ ಪುಟಿನ್ ಕೂಡ ಅನುಮೋದಿಸಿದ್ದರು.</p>.<p>‘ನಿರ್ಬಂಧಗಳು, ಕೇವಲ ಡಾನ್ಬಾಸ್ ಮತ್ತು ಲುಹಾನ್ಸ್ಕ್ ಮತ್ತು ಡೊನೆಟ್ಸ್ಕ್ಗೆ (ಪ್ರತ್ಯೇಕತಾವಾದಿಗಳ ವಶದಲ್ಲಿರು ಪ್ರದೇಶಗಳು) ಮಾತ್ರ ಸೀಮಿತವಾಗಿರುವುದಿಲ್ಲ. ಆದರೆ ಇಡೀ ರಷ್ಯಾದ ಆರ್ಥಿಕ ಹಿತಾಸಕ್ತಿಗಳನ್ನು ಎಷ್ಟು ಸಾಧ್ಯವೋ ಅಷ್ಟು ಗುರಿಯಾಗಿರಿಸಿಕೊಂಡು ನಾವು ನಿರ್ಬಂಧಗಳನ್ನು ವಿಧಿಸುತ್ತೇವೆ’ ಎಂದು ಅವರು ಗುಡುಗಿದ್ದಾರೆ.</p>.<p>ಒಂದು ವೇಳೆ ಉಕ್ರೇನ್ ಮೇಲೆ ರಷ್ಯಾ ಆಕ್ರಮಣ ಮಾಡಿದ್ದೇ ಆದರೆ, ಅದು ಪ್ರಮಾಧಕಾರಿ ಲೆಕ್ಕಾಚಾರವೆಂದು ಪುಟಿನ್ ಮುಂದೆ ಅರಿಯಲಿದ್ದಾರೆ ಎಂದು ಜಾನ್ಸನ್ ಹೇಳಿದರು. ಅಲ್ಲದೆ, ರಷ್ಯಾ ಪೂರ್ಣ ಪ್ರಮಾಣದ ಆಕ್ರಮಣಕ್ಕೆ ಸಜ್ಜಾಗಿದೆ ಎಂದೂ ಅವರು ತಿಳಿಸಿದರು.</p>.<p>ಜಾನ್ಸನ್ ಮಂಗಳವಾರ ಮುಂಜಾನೆ ಬ್ರಿಟನ್ನ ರಾಷ್ಟ್ರೀಯ ತುರ್ತು ಭದ್ರತಾ ಸಮಿತಿಯ ಸಭೆ ನಡೆಸಿದರು.</p>.<p>‘ಉಕ್ರೇನ್ ಸರಿಯಾದ ದೇಶವಲ್ಲ ಎಂದು ಪ್ರತಿಪಾದಿಸುವವೇ ಪುಟಿನ್ ಅವರ ಸುತ್ತಲೂ ನೆರೆದಿದ್ದಾರೆ. ಇದು ಸನ್ನಿವೇಶದ ದುರಂತ. ತಮ್ಮಿಂದ ಪ್ರಮಾದಕಾರಿ ಲೆಕ್ಕಾಚಾರವಾಯಿತೆಂದು ಪುಟಿನ್ಗೆ ಗೊತ್ತಾಗಲಿದೆ ಎಂಬುದು ನಮ್ಮ ಭಾವನೆ’ ಎಂದು ಜಾನ್ಸನ್ ತಿಳಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
