ಮೃತ ಉಗ್ರರ ಅಂತ್ಯಕ್ರಿಯೆ ನಡೆಸಿದವ ಸಾಮಾನ್ಯ ವ್ಯಕ್ತಿ? ಪಾಕ್ ಬಣ್ಣ ಬಯಲಿಗೆಳೆದ PIB

ನವದೆಹಲಿ : ಭಾರತ ಕೈಗೊಂಡ ಆಪರೇಶನ್ ಸಿಂಧೂರ ಕಾರ್ಯಾಚರಣೆಯಲ್ಲಿ ಹತ್ಯೆಯಾದ ಉಗ್ರರ ಅಂತ್ಯಕ್ರಿಯೆಯ ಮುಂದಾಳತ್ವ ವಹಿಸಿದ್ದ ವ್ಯಕ್ತಿ ‘ಲಷ್ಕರ್ ಉಗ್ರ ಅಲ್ಲ’ ಎಂದು ಸಮರ್ಥಿಸಿಕೊಂಡಿದ್ದ ಪಾಕಿಸ್ತಾನದ ಸುಳ್ಳು ಈಗ ಬಹಿರಂಗವಾಗಿದೆ. ಜಗತ್ತಿನೆದುರು ‘ಜನಸಾಮಾನ್ಯ’ ಎಂದು ಬಿಂಬಿಸಿದ್ದ ಹಫೀಜ್ ಅಬ್ದುಲ್ ರೌಫ್ ಅಮೆರಿಕದ ವಾಂಟೆಡ್ ಪಟ್ಟಿಯಲ್ಲಿರುವ ಲಷ್ಕರ್ ಉಗ್ರ ಎಂಬುದು ಅಮೆರಿಕದ ಡೇಟಾಬೇಸ್ನಿಂದ ದೃಢಪಟ್ಟಿದೆ.

ರೌಫ್ ಅಮೆರಿಕಕ್ಕೆ ಬೇಕಾಗಿರುವ (ವಾಂಟೆಡ್) ಉಗ್ರರ ಪಟ್ಟಿಯಲ್ಲಿರುವ ಹಫೀಜ್ ಅಬ್ದುಲ್ ರೌಫ್ ಎಂಬ ವ್ಯಕ್ತಿಯ ದತ್ತಾಂಶದೊಂದಿಗೆ ಸರಿಯಾಗಿ ಹೋಲಿಕೆಯಾಗುತ್ತಿದೆ ಎಂದು ಭಾರತದ ಮಾಧ್ಯಮ ಮಾಹಿತಿ ಕೇಂದ್ರ (ಪಿಐಬಿ) ಪ್ರಕಟಣೆಯಲ್ಲಿ ತಿಳಿಸಿದೆ.

ಪಾಕಿಸ್ತಾನದ ಅಂತರ್-ಸೇವಾ ಸಾರ್ವಜನಿಕ ಸಂಪರ್ಕಗಳ (ಐಎಸ್ಪಿಆರ್) ಮಹಾನಿರ್ದೇಶಕ ಅಹಮದ್ ಶರೀಫ್ ಚೌಧರಿ ಪತ್ರಿಕಾಗೋಷ್ಠಿ ನಡೆಸಿದ್ದ ವೇಳೆ, ‘ರೌಫ್ ಮೂರು ಹೆಣ್ಣುಮಕ್ಕಳು ಮತ್ತು ಒಬ್ಬ ಮಗನ ತಂದೆಯಾಗಿದ್ದು, ಸಾಮಾನ್ಯ ವ್ಯಕ್ತಿ. ನೀವು ಅವರ ಕುಟುಂಬದ ಮಾಹಿತಿಯನ್ನು ನೋಡಬಹುದು’ ಎಂದು ಗಣಕೀಕೃತ ಮಾಹಿತಿಯನ್ನು ತೋರಿಸಿದ್ದರು. ಇದರಲ್ಲಿ ರೌಫ್ 1973ರ ಮಾರ್ಚ್ 25ರಂದು ಜನಿಸಿದ್ದು, ಲಾಹೋರ್ ನಿವಾಸಿ ಎಂದು ಹೇಳಿದ್ದರು.

ಆದರೆ ಅಮೆರಿಕದಲ್ಲಿನ ನಿರ್ಬಂಧಿತ ವ್ಯಕ್ತಿಗಳ ಪಟ್ಟಿಯಲ್ಲಿರುವ ಇದೇ ಹೆಸರಿನ ವ್ಯಕ್ತಿಯ ವಿವರಗಳನ್ನು ಹೋಲಿಕೆ ಮಾಡಿದಾಗ ಪಾಕಿಸ್ತಾನವು ನಕಲಿ ಮಾಹಿತಿಯನ್ನು ಹಂಚಿಕೊಂಡಿದೆ ಎಂದು ಗೊತ್ತಾಗಿದೆ. ಅಮೆರಿಕದ ಬಳಿಯಿರುವ ದತ್ತಾಂಶದ ಪ್ರಕಾರ, ರೌಫ್ ಹಲವು ನಕಲಿ ವಿಳಾಸಗಳನ್ನು ಹೊಂದಿದ್ದಾನೆ. ಇದಲ್ಲದೆ, ಪಾಕಿಸ್ತಾನವೇ ನೀಡಿರುವ ಪಾಸ್ಪೋರ್ಟ್ ವಿವರಗಳೂ ಅಮೆರಿಕದ ಬಳಿ ಇದೆ.

1999 ರಿಂದ ನಿಷೇಧಿತ ಉಗ್ರ ಸಂಘಟನೆ ಲಷ್ಕರ್ ಇ ತೊಯ್ಬಾದ ಸಕ್ರಿಯ ಸದಸ್ಯನಾಗಿರುವ ರೌಫ್, ಜಾಗತಿಕ ಉಗ್ರಗಾಮಿ ಹಫೀಜ್ ಸಯೀದ್ನ ಆಪ್ತ ಸಹಚರ ಎಂದೂ ಹೇಳಲಾಗುತ್ತದೆ.

ಪಾಕಿಸ್ತಾನದ ಪಂಜಾಬ್ ಭಾಗದ ಮುರಿಡ್ಕೆಯಲ್ಲಿರುವ ಎಲ್ಇಟಿ ಕೇಂದ್ರ ಕಚೇರಿಯಲ್ಲಿ ನಡೆದ ಭಯೋತ್ಪಾದಕರ ಅಂತ್ಯಕ್ರಿಯೆಯ ಪ್ರಾರ್ಥನೆಯ ನೇತೃತ್ವವನ್ನು ರೌಫ್ ವಹಿಸಿದ್ದ ಛಾಯಾಚಿತ್ರವನ್ನು ಭಾರತ ಈ ಹಿಂದೆ ಬಿಡುಗಡೆ ಮಾಡಿತ್ತು. ಮೃತರಿಗೆ ನೀಡಲು ತಂದ ಹೂವಿನ ಗುಚ್ಛದೊಂದಿಗೆ ನಿಂತ ಪ್ರಧಾನಿ ಶೆಹಬಾಜ್ ಷರೀಫ್ ಅವರ ಸೊಸೆ, ಪಾಕಿಸ್ತಾನಿ ಪಂಜಾಬ್ ಮುಖ್ಯಮಂತ್ರಿ ಮರಿಯಮ್ ನವಾಜ್, ಸಮವಸ್ತ್ರ ಧರಿಸಿದ್ದ ಹಿರಿಯ ಸೇನಾ ಮತ್ತು ಪೊಲೀಸ್ ಅಧಿಕಾರಿಗಳು ಹಾಜರಿದ್ದ ಛಾಯಾಚಿತ್ರವನ್ನು ಭಾರತ ಪ್ರಕಟಿಸಿತ್ತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮೃತ ಉಗ್ರರ ಅಂತ್ಯಕ್ರಿಯೆ ನಡೆಸಿದವ ಸಾಮಾನ್ಯ ವ್ಯಕ್ತಿ? ಪಾಕ್ ಬಣ್ಣ ಬಯಲಿಗೆಳೆದ PIB

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ವಿಶ್ವ ಬಾಕ್ಸಿಂಗ್ ಕಪ್: ಪದಕ ಖಚಿತಪಡಿಸಿಕೊಂಡ ಹಿತೇಶ್‌, ಸಾಕ್ಷಿ

ಕಾರು ಅಪಘಾತ: ಲಿವರ್‌ಪೂಲ್‌ ತಾರೆ ಜೋಟಾ, ಸೋದರ ಸಾವು

IND vs ENG: ಟೆಸ್ಟ್ ಕ್ರಿಕೆಟ್‌ನಲ್ಲಿ ಶುಭಮನ್ ಗಿಲ್ ಚೊಚ್ಚಲ ದ್ವಿಶತಕ ಸಾಧನೆ

ಫಿಡೆ ವಿಶ್ವ ಕೆಡೆಟ್ಸ್‌ ಕಪ್‌: ಚಿನ್ನ ಗೆದ್ದ ಪ್ರತೀತಿ, ಆದ್ಯಾಗೆ ಬೆಳ್ಳಿ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ