<p><strong>ವಾಷಿಂಗ್ಟನ್:</strong> ಮೃತ ಮಹಿಳೆಯಿಂದ ಪಡೆದ ಗರ್ಭಕೋಶವನ್ನು ಬ್ರೆಜಿಲ್ನ ಮಹಿಳೆಯೊಬ್ಬರಿಗೆ ಯಶಸ್ವಿಯಾಗಿ ಕಸಿ ಮಾಡಲಾಗಿದ್ದು, ಅವರು ಮಗುವಿಗೆ ಜನ್ಮನೀಡಿದ್ದಾರೆ. ಈ ವಿಧಾನ ಜಗತ್ತಿನಲ್ಲಿ ಮೊದಲು ಎಂದುಲ್ಯಾನ್ಸೆಟ್ ಪತ್ರಿಕೆಯು ಸಂಶೋಧನಾ ವರದಿ ಪ್ರಕಟಿಸಿದೆ.</p>.<p>ಬಂಜೆತನ ಎದುರಿಸುತ್ತಿರುವ ಮಹಿಳೆಯರಿಗೆ ಜೀವಂತ ಮಹಿಳೆಯ (ದಾನಿಯ) ಗರ್ಭಾಶಯವನ್ನೇ ಕಸಿ ಮಾಡಬೇಕಿಲ್ಲ. ಮೃತ ಮಹಿಳೆಯ ಗರ್ಭಾಶಯದ ಕಸಿ ವಿಧಾನವೂ ಕಾರ್ಯಸಾಧ್ಯ ಎಂಬುದನ್ನು ವರದಿ ತೋರಿಸಿದೆ.</p>.<p>‘ನಮ್ಮ ಫಲಿತಾಂಶವು ಹೊಸ ಪರಿಕಲ್ಪನೆಗೆ ಪುರಾವೆಯನ್ನೂ ಒದಗಿಸಿದ್ದು, ಫಲವತ್ತತೆ ಕೊರತೆಯಿರುವ ಮಹಿಳೆಯರಿಗೆ ಹೊಸ ಆಯ್ಕೆಯಾಗಿದೆ’ ಎಂದು ಸಂಶೋಧನೆಯ ನೇತೃತ್ವ ವಹಿಸಿರುವ ಸಾವೊ ಪೌಲ್ ವಿಶ್ವವಿದ್ಯಾಲಯದ ಡಾನಿ ಎಝೆನ್ಬರ್ಗ್ ಹೇಳಿದ್ದಾರೆ.ಇದು ಲ್ಯಾಟಿನ್ ಅಮೆರಿಕದಲ್ಲಿ ನಡೆದ ಮೊದಲ ಗರ್ಭಕೋಶ ಕಸಿ ಶಸ್ತ್ರಚಿಕಿತ್ಸೆಯಾಗಿದೆ.</p>.<p class="Subhead"><strong>ಹಿಂದೆಯೂ ನಡೆದಿತ್ತು ಯತ್ನ:</strong>ಅಮೆರಿಕ, ಜೆಕ್ ಗಣರಾಜ್ಯ ಮತ್ತು ಟರ್ಕಿ ದೇಶಗಳಲ್ಲಿ ಮೃತ ಮಹಿಳೆಯ ಗರ್ಭಾಶಯ ಕಸಿ ಮಾಡುವ ಯತ್ನಗಳು ಈವರೆಗೆ ಹತ್ತು ಬಾರಿ ನಡೆದಿದ್ದರೂ, ಯಶ ಕಂಡಿದ್ದು ಇದೇ ಮೊದಲು.</p>.<p>2013ರಲ್ಲಿ ಮೊದಲ ಬಾರಿಗೆ ಜೀವಂತ ಮಹಿಳೆಯ ಗರ್ಭಕೋಶವನ್ನು ಕಸಿ ಮಾಡಲಾಗಿತ್ತು. ಇಂತಹ 39 ಯತ್ನಗಳಲ್ಲಿ 11 ಪ್ರಕರಣಗಳು ಮಾತ್ರ ಫಲ ಕಟ್ಟಿವೆ. ಗರ್ಭಕೋಶ ದಾನಿ ಮಹಿಳೆಯರ ಸಂಖ್ಯೆ ಕಡಿಮೆ ಇರುವುದು ಇದಕ್ಕಿರುವ ಮಿತಿ.</p>.<p>ಜೀವಂತವಿದ್ದಾಗ ಅಂಗಾಂಗಳನ್ನು ದಾನ ನೀಡುವವರಿಗೆ ಹೋಲಿಸಿದರೆ, ಮೃತಪಟ್ಟ ಬಳಿಕ ಅಂಗಾಗ ದಾನ ನೀಡುವುದಾಗಿ ಘೋಷಿಸುವವರ ಸಂಖ್ಯೆ ಅಧಿಕ. ಹೀಗಾಗಿ ಮೃತ ವ್ಯಕ್ತಿಯ ಗರ್ಭಕೋಶ ಕಸಿ ವಿಧಾನ ತನ್ನ ವ್ಯಾಪ್ತಿ ವಿಸ್ತರಿಸಿಕೊಳ್ಳುವ ಸಾಧ್ಯತೆಗಳು ಹೆಚ್ಚಿವೆ ಎಂದು ಅವರು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಾಷಿಂಗ್ಟನ್:</strong> ಮೃತ ಮಹಿಳೆಯಿಂದ ಪಡೆದ ಗರ್ಭಕೋಶವನ್ನು ಬ್ರೆಜಿಲ್ನ ಮಹಿಳೆಯೊಬ್ಬರಿಗೆ ಯಶಸ್ವಿಯಾಗಿ ಕಸಿ ಮಾಡಲಾಗಿದ್ದು, ಅವರು ಮಗುವಿಗೆ ಜನ್ಮನೀಡಿದ್ದಾರೆ. ಈ ವಿಧಾನ ಜಗತ್ತಿನಲ್ಲಿ ಮೊದಲು ಎಂದುಲ್ಯಾನ್ಸೆಟ್ ಪತ್ರಿಕೆಯು ಸಂಶೋಧನಾ ವರದಿ ಪ್ರಕಟಿಸಿದೆ.</p>.<p>ಬಂಜೆತನ ಎದುರಿಸುತ್ತಿರುವ ಮಹಿಳೆಯರಿಗೆ ಜೀವಂತ ಮಹಿಳೆಯ (ದಾನಿಯ) ಗರ್ಭಾಶಯವನ್ನೇ ಕಸಿ ಮಾಡಬೇಕಿಲ್ಲ. ಮೃತ ಮಹಿಳೆಯ ಗರ್ಭಾಶಯದ ಕಸಿ ವಿಧಾನವೂ ಕಾರ್ಯಸಾಧ್ಯ ಎಂಬುದನ್ನು ವರದಿ ತೋರಿಸಿದೆ.</p>.<p>‘ನಮ್ಮ ಫಲಿತಾಂಶವು ಹೊಸ ಪರಿಕಲ್ಪನೆಗೆ ಪುರಾವೆಯನ್ನೂ ಒದಗಿಸಿದ್ದು, ಫಲವತ್ತತೆ ಕೊರತೆಯಿರುವ ಮಹಿಳೆಯರಿಗೆ ಹೊಸ ಆಯ್ಕೆಯಾಗಿದೆ’ ಎಂದು ಸಂಶೋಧನೆಯ ನೇತೃತ್ವ ವಹಿಸಿರುವ ಸಾವೊ ಪೌಲ್ ವಿಶ್ವವಿದ್ಯಾಲಯದ ಡಾನಿ ಎಝೆನ್ಬರ್ಗ್ ಹೇಳಿದ್ದಾರೆ.ಇದು ಲ್ಯಾಟಿನ್ ಅಮೆರಿಕದಲ್ಲಿ ನಡೆದ ಮೊದಲ ಗರ್ಭಕೋಶ ಕಸಿ ಶಸ್ತ್ರಚಿಕಿತ್ಸೆಯಾಗಿದೆ.</p>.<p class="Subhead"><strong>ಹಿಂದೆಯೂ ನಡೆದಿತ್ತು ಯತ್ನ:</strong>ಅಮೆರಿಕ, ಜೆಕ್ ಗಣರಾಜ್ಯ ಮತ್ತು ಟರ್ಕಿ ದೇಶಗಳಲ್ಲಿ ಮೃತ ಮಹಿಳೆಯ ಗರ್ಭಾಶಯ ಕಸಿ ಮಾಡುವ ಯತ್ನಗಳು ಈವರೆಗೆ ಹತ್ತು ಬಾರಿ ನಡೆದಿದ್ದರೂ, ಯಶ ಕಂಡಿದ್ದು ಇದೇ ಮೊದಲು.</p>.<p>2013ರಲ್ಲಿ ಮೊದಲ ಬಾರಿಗೆ ಜೀವಂತ ಮಹಿಳೆಯ ಗರ್ಭಕೋಶವನ್ನು ಕಸಿ ಮಾಡಲಾಗಿತ್ತು. ಇಂತಹ 39 ಯತ್ನಗಳಲ್ಲಿ 11 ಪ್ರಕರಣಗಳು ಮಾತ್ರ ಫಲ ಕಟ್ಟಿವೆ. ಗರ್ಭಕೋಶ ದಾನಿ ಮಹಿಳೆಯರ ಸಂಖ್ಯೆ ಕಡಿಮೆ ಇರುವುದು ಇದಕ್ಕಿರುವ ಮಿತಿ.</p>.<p>ಜೀವಂತವಿದ್ದಾಗ ಅಂಗಾಂಗಳನ್ನು ದಾನ ನೀಡುವವರಿಗೆ ಹೋಲಿಸಿದರೆ, ಮೃತಪಟ್ಟ ಬಳಿಕ ಅಂಗಾಗ ದಾನ ನೀಡುವುದಾಗಿ ಘೋಷಿಸುವವರ ಸಂಖ್ಯೆ ಅಧಿಕ. ಹೀಗಾಗಿ ಮೃತ ವ್ಯಕ್ತಿಯ ಗರ್ಭಕೋಶ ಕಸಿ ವಿಧಾನ ತನ್ನ ವ್ಯಾಪ್ತಿ ವಿಸ್ತರಿಸಿಕೊಳ್ಳುವ ಸಾಧ್ಯತೆಗಳು ಹೆಚ್ಚಿವೆ ಎಂದು ಅವರು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
