<p><strong>ವಾಷಿಂಗ್ಟನ್ (ಪಿಟಿಐ/ ರಾಯಿಟರ್ಸ್):</strong> ಅಮೆರಿಕದಲ್ಲಿ ಹಿಮದ ಬಿರುಗಾಳಿ ತೀವ್ರವಾಗಿಯೇ ಬೀಸುತ್ತಿದ್ದು, ಶನಿವಾರ ಇನ್ನಷ್ಟು ಕಡೆ ಭಾರಿ ಹಿಮ ಸುರಿದಿದೆ. ಇದುವರೆಗೆ ಎಂಟು ಮಂದಿ ಮೃತಪಟ್ಟಿದ್ದಾರೆ. ರಾಜಧಾನಿ ವಾಷಿಂಗ್ಟನ್ ಒಳಗೊಂಡಂತೆ ಅನೇಕ ಕಡೆ ಜನಜೀವನ ಸಂಪೂರ್ಣ ಅಸ್ತವ್ಯಸ್ತಗೊಂಡಿದೆ.<br /> <br /> ಶುಕ್ರವಾರ ಮತ್ತು ಶನಿವಾರ ದೇಶದಾದ್ಯಂತ ಒಟ್ಟು 7,100 ವಿಮಾನ ಸೇವೆಗಳನ್ನು ರದ್ದುಗೊಳಿಸಲಾಗಿದೆ.<br /> <br /> 10 ರಾಜ್ಯಗಳಲ್ಲಿ ತುರ್ತು ಪರಿಸ್ಥಿತಿ ಘೋಷಿಸ ಲಾಗಿದ್ದು, 1.20 ಲಕ್ಷ ಮನೆಗಳು ವಿದ್ಯುತ್ ಸಂಪರ್ಕ ಕಳೆದುಕೊಂಡಿವೆ. 20 ರಾಜ್ಯಗಳ ಸುಮಾರು 8.5 ಕೋಟಿ ಮಂದಿ ತೊಂದರೆಗೆ ಒಳಗಾಗಿದ್ದಾರೆ ಎಂದು ಹವಾಮಾನ ಇಲಾಖೆಯ ಮೂಲಗಳು ತಿಳಿಸಿವೆ.<br /> <br /> ಜಾರ್ಜಿಯಾ, ನಾರ್ಥ್ ಕರೋಲಿನಾ, ಟೆನೆಸ್ಸಿ, ಮೇರಿಲ್ಯಾಂಡ್, ವರ್ಜೀನಿಯಾ, ಪೆನ್ಸಿಲ್ವೇನಿಯಾ, ನ್ಯೂಜೆರ್ಸಿ, ನ್ಯೂಯಾರ್ಕ್ ಮತ್ತು ಕೆಂಟುಕಿಯಲ್ಲಿ ಹಿಮಮಾರುತದಿಂದ ಹೆಚ್ಚಿನ ಪ್ರಮಾಣದ ತೊಂದರೆಯಾಗಿದೆ.<br /> <br /> ಅನೇಕ ಕಡೆ ಸಂಚಾರ ವ್ಯವಸ್ಥೆ ಸ್ತಬ್ಧವಾಗಿದ್ದು ರೈಲು ಮತ್ತು ವಿಮಾನ ಸೇವೆಗಳನ್ನು ರದ್ದುಗೊಳಿಸಲಾಗಿದೆ. ನಾರ್ಥ್ ಕರೋಲಿನಾ ಮತ್ತು ನ್ಯೂಯಾರ್ಕ್ ನಡುವಣ ಸಂಪರ್ಕ ಕಡಿದುಹೋಗಿದೆ.<br /> <br /> ಈ ವಾರಾಂತ್ಯಕ್ಕೆ ವಾಷಿಂಗ್ಟನ್ನಲ್ಲಿ ಎರಡೂವರೆ ಅಡಿಗಳಷ್ಟು (30 ಇಂಚು) ದಪ್ಪ ಹಿಮ ಬೀಳಬಹುದು ಎಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ. 1922 ರಲ್ಲಿ ಇಲ್ಲಿ 28 ಇಂಚುಗಳಷ್ಟು ಹಿಮ ಬಿದ್ದಿತ್ತು.<br /> <br /> ‘90 ವರ್ಷಗಳ ಇತಿಹಾಸದಲ್ಲಿ ಕೇಳಿರದಂತಹ ಹವಾಮಾನ ಮುನ್ಸೂಚನೆಯನ್ನು ನಾವು ಕೇಳುತ್ತಿದ್ದೇವೆ. ಸಾವು–ಬದುಕಿನ ನಡುವೆ ಸಿಲುಕಿದ್ದೇವೆ’ ಎಂದು ವಾಷಿಂಗ್ಟನ್ ಡಿಸಿ ಮೇಯರ್ ಮಿರಿಯೆಲ್ ಇ ಬೌಸೆರ್ ತಿಳಿಸಿದ್ದಾರೆ. <br /> <br /> ಹಿಮಮಾರುತ ಇನ್ನೂ 36 ಗಂಟೆ ಮುಂದುವರಿಯಲಿದ್ದು, ಕೆಲವು ಪ್ರದೇಶಗಳಲ್ಲಿ ಎರಡು ಅಡಿಗಳಷ್ಟು ಹಿಮ ಬೀಳಬಹುದು ಎಂದು ಹವಾಮಾನ ಇಲಾಖೆ ತಿಳಿಸಿದೆ.<br /> <br /> ಶನಿವಾರ ಬೆಳಿಗ್ಗೆ ವಾಷಿಂಗ್ಟನ್ನಲ್ಲಿ ಗಂಟೆಗೆ 48 ರಿಂದ 80 ಕಿ.ಮೀ. ಗಳಷ್ಟು ವೇಗದಲ್ಲಿ ಬೀಸುತ್ತಿದ್ದ ಹಿಮಮಾರುತ, ಸಂಜೆಯ ವೇಳೆಗೆ ನ್ಯೂಯಾರ್ಕ್ನತ್ತ ಮುಖ ಮಾಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಾಷಿಂಗ್ಟನ್ (ಪಿಟಿಐ/ ರಾಯಿಟರ್ಸ್):</strong> ಅಮೆರಿಕದಲ್ಲಿ ಹಿಮದ ಬಿರುಗಾಳಿ ತೀವ್ರವಾಗಿಯೇ ಬೀಸುತ್ತಿದ್ದು, ಶನಿವಾರ ಇನ್ನಷ್ಟು ಕಡೆ ಭಾರಿ ಹಿಮ ಸುರಿದಿದೆ. ಇದುವರೆಗೆ ಎಂಟು ಮಂದಿ ಮೃತಪಟ್ಟಿದ್ದಾರೆ. ರಾಜಧಾನಿ ವಾಷಿಂಗ್ಟನ್ ಒಳಗೊಂಡಂತೆ ಅನೇಕ ಕಡೆ ಜನಜೀವನ ಸಂಪೂರ್ಣ ಅಸ್ತವ್ಯಸ್ತಗೊಂಡಿದೆ.<br /> <br /> ಶುಕ್ರವಾರ ಮತ್ತು ಶನಿವಾರ ದೇಶದಾದ್ಯಂತ ಒಟ್ಟು 7,100 ವಿಮಾನ ಸೇವೆಗಳನ್ನು ರದ್ದುಗೊಳಿಸಲಾಗಿದೆ.<br /> <br /> 10 ರಾಜ್ಯಗಳಲ್ಲಿ ತುರ್ತು ಪರಿಸ್ಥಿತಿ ಘೋಷಿಸ ಲಾಗಿದ್ದು, 1.20 ಲಕ್ಷ ಮನೆಗಳು ವಿದ್ಯುತ್ ಸಂಪರ್ಕ ಕಳೆದುಕೊಂಡಿವೆ. 20 ರಾಜ್ಯಗಳ ಸುಮಾರು 8.5 ಕೋಟಿ ಮಂದಿ ತೊಂದರೆಗೆ ಒಳಗಾಗಿದ್ದಾರೆ ಎಂದು ಹವಾಮಾನ ಇಲಾಖೆಯ ಮೂಲಗಳು ತಿಳಿಸಿವೆ.<br /> <br /> ಜಾರ್ಜಿಯಾ, ನಾರ್ಥ್ ಕರೋಲಿನಾ, ಟೆನೆಸ್ಸಿ, ಮೇರಿಲ್ಯಾಂಡ್, ವರ್ಜೀನಿಯಾ, ಪೆನ್ಸಿಲ್ವೇನಿಯಾ, ನ್ಯೂಜೆರ್ಸಿ, ನ್ಯೂಯಾರ್ಕ್ ಮತ್ತು ಕೆಂಟುಕಿಯಲ್ಲಿ ಹಿಮಮಾರುತದಿಂದ ಹೆಚ್ಚಿನ ಪ್ರಮಾಣದ ತೊಂದರೆಯಾಗಿದೆ.<br /> <br /> ಅನೇಕ ಕಡೆ ಸಂಚಾರ ವ್ಯವಸ್ಥೆ ಸ್ತಬ್ಧವಾಗಿದ್ದು ರೈಲು ಮತ್ತು ವಿಮಾನ ಸೇವೆಗಳನ್ನು ರದ್ದುಗೊಳಿಸಲಾಗಿದೆ. ನಾರ್ಥ್ ಕರೋಲಿನಾ ಮತ್ತು ನ್ಯೂಯಾರ್ಕ್ ನಡುವಣ ಸಂಪರ್ಕ ಕಡಿದುಹೋಗಿದೆ.<br /> <br /> ಈ ವಾರಾಂತ್ಯಕ್ಕೆ ವಾಷಿಂಗ್ಟನ್ನಲ್ಲಿ ಎರಡೂವರೆ ಅಡಿಗಳಷ್ಟು (30 ಇಂಚು) ದಪ್ಪ ಹಿಮ ಬೀಳಬಹುದು ಎಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ. 1922 ರಲ್ಲಿ ಇಲ್ಲಿ 28 ಇಂಚುಗಳಷ್ಟು ಹಿಮ ಬಿದ್ದಿತ್ತು.<br /> <br /> ‘90 ವರ್ಷಗಳ ಇತಿಹಾಸದಲ್ಲಿ ಕೇಳಿರದಂತಹ ಹವಾಮಾನ ಮುನ್ಸೂಚನೆಯನ್ನು ನಾವು ಕೇಳುತ್ತಿದ್ದೇವೆ. ಸಾವು–ಬದುಕಿನ ನಡುವೆ ಸಿಲುಕಿದ್ದೇವೆ’ ಎಂದು ವಾಷಿಂಗ್ಟನ್ ಡಿಸಿ ಮೇಯರ್ ಮಿರಿಯೆಲ್ ಇ ಬೌಸೆರ್ ತಿಳಿಸಿದ್ದಾರೆ. <br /> <br /> ಹಿಮಮಾರುತ ಇನ್ನೂ 36 ಗಂಟೆ ಮುಂದುವರಿಯಲಿದ್ದು, ಕೆಲವು ಪ್ರದೇಶಗಳಲ್ಲಿ ಎರಡು ಅಡಿಗಳಷ್ಟು ಹಿಮ ಬೀಳಬಹುದು ಎಂದು ಹವಾಮಾನ ಇಲಾಖೆ ತಿಳಿಸಿದೆ.<br /> <br /> ಶನಿವಾರ ಬೆಳಿಗ್ಗೆ ವಾಷಿಂಗ್ಟನ್ನಲ್ಲಿ ಗಂಟೆಗೆ 48 ರಿಂದ 80 ಕಿ.ಮೀ. ಗಳಷ್ಟು ವೇಗದಲ್ಲಿ ಬೀಸುತ್ತಿದ್ದ ಹಿಮಮಾರುತ, ಸಂಜೆಯ ವೇಳೆಗೆ ನ್ಯೂಯಾರ್ಕ್ನತ್ತ ಮುಖ ಮಾಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
