ನಲ್ವತ್ತರ ಸಂಭ್ರಮದಲ್ಲಿ ನೂಪುರ ನೃತ್ಯ ಶಾಲೆ

ಸಂಗೀತ, ಚಿತ್ರಕಲೆಗಳಂತೆಯೇ ನೃತ್ಯದಲ್ಲೂ ಸಹ ‘ಮೈಸೂರು ಶೈಲಿ’ ಶತಮಾನಗಳಿಂದ ಬೆಳಗುತ್ತಿದೆ. ಮೈಸೂರು ಶೈಲಿಯ ಭರತನಾಟ್ಯವನ್ನು ಉಳಿಸಿ ಬೆಳಿಸಿಕೊಂಡು ಹೋಗುತ್ತಿರುವ ಸಂಸ್ಥೆಗಳಲ್ಲಿ ನಗರದ‘ನೂಪುರ’ ಮುಂಚೂಣಿಯಲ್ಲಿದೆ.

. ನಾಲ್ಕು ದಶಕಗಳಿಂದ ಸೇವೆ ಸಲ್ಲಿಸುತ್ತಿರುವ ನೂಪುರ ನೃತ್ಯ ಶಾಲೆಯು ತನ್ನ 40ನೇ ವಾರ್ಷಿಕೋತ್ಸವ ಅಂಗವಾಗಿ5 ದಿನಗಳ ನೃತ್ಯೋತ್ಸವವನ್ನು (ಡಿ. 22, 23, 24 ಹಾಗೂ 29 ಮತ್ತು 30) ನಗರದಲ್ಲಿ ಹಮ್ಮಿಕೊಂಡಿದೆ.

. ‘ನೂಪುರ’ವನ್ನು1978ರಲ್ಲಿ ಡಾ.ಲಲಿತಾ ಶ್ರೀನಿವಾಸನ್ ಸ್ಥಾಪಿಸಿದರು. ಈ ಸಂಸ್ಥೆಯು ಈವರೆಗೆ ನೂರಾರು ಕಲಾಪ್ರೇಮಿಗಳಿಗೆ ಭರತನಾಟ್ಯ ಕಲಿಸಿದೆ ಹಾಗೂ ಕಲಿಸುತ್ತಿದೆ. ಎಚ್.ಆರ್.ಕೇಶವಮೂರ್ತಿ ಅವರ ಬಳಿ ದಶಕಗಳ ಕಾಲ ನೃತ್ಯ ಕಲಿತವರು ಲಲಿತಾ. ಪದ್ಮಭೂಷಣ ಪ್ರಶಸ್ತಿ ವಿಜೇತೆ ಡಾ.ಕೆ.ವೆಂಕಟಲಕ್ಷಮ್ಮ ಅವರ ಬಳಿ ಮ್ಯೆಸೂರು ಶೈಲಿಯಲ್ಲಿ ವಿಶೇಷ ತರಬೇತಿ ಪಡೆದರು.

. ‘ಶಾಂತಳಾ ಪ್ರಶಸ್ತಿ’ ವಿಜೇತರೂ ಆದ ಲಲಿತಾ ಶ್ರೀನಿವಾಸನ್ ತನ್ನ ಪಠ್ಯಕ್ರಮದಲ್ಲಿ ಚೂರ್ಣಿಕೆ, ಪದ, ಕಂದ, ಅಷ್ಟಪದಿ, ಶ್ಲೋಕ, ಅಮರು, ಲೀಲಾಶುಕ, ಕ್ಷೇತ್ರಜ್ಞ, ಜಯದೇವ- ಮುಂತಾದ ಪ್ರಮುಖ ಕೃತಿಗಳನ್ನು ಅಳವಡಿಸಿಕೊಂಡಿದ್ದಾರೆ.

. ‘ನೂಪೂರ’ದ ವಿದ್ಯಾರ್ಥಿನಿಯರು ಮ್ಯೆಸೂರು ಬಾನಿಯ ಸಮರ್ಥ ರಾಯಭಾರಿಗಳು ಎಂಬ ಖ್ಯಾತಿಗೆ ಪಾತ್ರರಾಗಿದ್ದಾರೆ.

. ಇಲ್ಲಿ ನೃತ್ಯದ ಜೊತೆಗೆ ಸಂಗೀತ ಕಲಿಕೆಯೂ ವಿದ್ಯಾರ್ಥಿಗಳಿಗೆ ಕಡ್ಡಾಯ. ‘ನೂಪುರ’ವು ಸುಸಜ್ಜಿತ ಪುಸ್ತಕ ಭಂಡಾರ ಹೊಂದಿದೆ. ನಟುವಾಂಗದಲ್ಲೂ ತರಬೇತಿ ಹಾಗೂ ಆಗಾಗ್ಗೆ ನಡೆಸುವ ಕಾರ್ಯಾಗಾರಗಳು ವಿದ್ಯಾರ್ಥಿಗಳ ಸರ್ವಾಂಗೀಣ ಬೆಳವಣಿಗೆಗೆ ನೆರವಾಗಿದೆ.

. ನಲ್ವತ್ತು ವರ್ಷಗಳಲ್ಲಿ 600ಕ್ಕೂ ಹೆಚ್ಚು ವಿದ್ಯಾರ್ಥಿಗಳಿಗೆ ಮೈಸೂರು ಶೈಲಿಯ ಭರತನಾಟ್ಯದಲ್ಲಿ ಶಿಕ್ಷಣ ನೀಡಿ, 42 ರಂಗ ಪ್ರವೇಶಗಳನ್ನು ನಿರ್ವಹಿಸಿದ ಖ್ಯಾತಿ ನೂಪುರಕ್ಕಿದೆ. ‘ನೂಪುರ’ದ ಇನ್ನೊಂದು ಹೆಗ್ಗಳಿಕೆ ಎಂದರೆ ಅದು ನೃತ್ಯ ರೂಪಕ.

. ಶ್ರೀಕೃಷ್ಣ ಪಾರಿಜಾತ, ದೇವಕನ್ನಿಕಾ ಆಂಡಾಳ್, ತ್ಯಾಗರಾಜರ ಕೀರ್ತನೆಗಳನ್ನಾಧರಿಸಿದ ‘ಕೌಶಿಕ ಸುಕ್ರುತಂ’ -ನೂಪುರದ ಜನಾನುರಾಗಿ ನೃತ್ಯ ನಾಟಕಗಳಲ್ಲಿ ಕೆಲವು. ಕುವೆಂಪು ವಿರಚಿತ ‘ಚಿತ್ರಾಂಗದ’ವನ್ನು ಅವರ ಸಮ್ಮುಖದಲ್ಲೇ ಅಭಿನಯಿಸುವ ಭಾಗ್ಯವು ಈ ಸಂಸ್ಥೆಗೆ ಲಭಿಸಿತ್ತು. ನೂಪುರದ ವಿದ್ಯಾರ್ಥಿನಿಯರು ಇಂದು ಕೆನಡಾ, ಅರಬ್, ಇಂಗ್ಲೆಂಡ್, ಅಮೆರಿಕದಲ್ಲೂ ಶಾಲೆಗಳನ್ನು ನಡೆಸುತ್ತಾ ಮೈಸೂರು ನೃತ್ಯ ಸೌರಭವನ್ನು ಪಸರಿಸುತ್ತಾ ಇರುವುದು, ಸಂತೋಷದ ವಿಷಯ. ನಲ್ವತ್ತರ ವರ್ಧಂತಿಗೆ ನೂಪುರ ತನ್ನ ಶಿಷ್ಯರುಗಳಿಂದ 5 ದಿನಗಳ ನೃತ್ಯೋತ್ಸವನ್ನು ಏರ್ಪಡಿಸಿರುವುದು ಸಮಯೋಚಿತವಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಲ್ವತ್ತರ ಸಂಭ್ರಮದಲ್ಲಿ ನೂಪುರ ನೃತ್ಯ ಶಾಲೆ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಚೆಸ್‌: ಮುನ್ನಡೆ ಹಂಚಿಕೊಂಡ ಗುಕೇಶ್‌

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ಎರಡನೇ ಸುತ್ತಿಗೆ ಬಾಲಾಜಿ– ವರೆಲಾ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್