SA vs PAK: ಕೇಶವ ಮಹಾರಾಜ್‌ಗೆ ಏಳು ವಿಕೆಟ್‌

ರಾವಲ್ಪಿಂಡಿ: ಅನುಭವಿ ಸ್ಪಿನ್ನರ್ ಕೇಶವ ಮಹಾರಾಜ್ (102ಕ್ಕೆ 7) ಅವರ ಪರಿಣಾಮಕಾರಿ ಬೌಲಿಂಗ್ ದಾಳಿಯ ನೆರವಿನಿಂದ ದಕ್ಷಿಣ ಆಫ್ರಿಕಾ ತಂಡವು ಎರಡನೇ ಟೆಸ್ಟ್ ಪಂದ್ಯದ ಮೊದಲ ಇನಿಂಗ್ಸ್ನಲ್ಲಿ ಪಾಕಿಸ್ತಾನ ತಂಡವನ್ನು 333 ರನ್ಗಳಿಗೆ ನಿಯಂತ್ರಿಸಿತು.

. ಮೊದಲ ದಿನ 5 ವಿಕೆಟ್ಗೆ 259 ರನ್ ಗಳಿಸಿದ್ದ ಆತಿಥೇಯ ಪಾಕ್ ತಂಡವು ಎರಡನೇ ದಿನವಾದ ಮಂಗಳವಾರ 74 ರನ್ ಸೇರಿಸಿ ಆಲೌಟ್ ಆಯಿತು. ಸಾದ್ ಶಕೀಲ್ 66 ಮತ್ತು ಸಲ್ಮಾನ್ ಆಘಾ 45 ತಂಡದ ಮೊತ್ತವನ್ನು ಕೊಂಚ ಹಿಗ್ಗಿಸಿದರು.

. ಇದಕ್ಕೆ ಉತ್ತರವಾಗಿ ಇನಿಂಗ್ಸ್ ಆರಂಭಿಸಿದ ದಕ್ಷಿಣ ಆಫ್ರಿಕಾ ತಂಡವು 54 ರನ್ ಗಳಿಸುವಷ್ಟರಲ್ಲಿ ಆರಂಭಿಕ ಆಟಗಾರರಾದ ಏಡನ್ ಮರ್ಕರಂ (32) ಮತ್ತು ರೆಯಾನ್ ರಿಕೆಲ್ಟನ್ (14) ಪೆವಿಲಿಯನ್ ಸೇರಿಕೊಂಡರು.

. ಟ್ರಿಸ್ಟನ್ ಸ್ಟಬ್ಸ್ (ಔಟಾಗದೇ 68) ಮತ್ತು ಟೋನಿ ಡಿ ಜೋರ್ಜಿ (55) ಮೂರನೇ ವಿಕೆಟ್ಗೆ 113 ರನ್ ಸೇರಿಸಿ ತಂಡಕ್ಕೆ ಚೇತರಿಕೆ ನೀಡಿದರು. ದಿನದಾಟದ ಅಂತ್ಯಕ್ಕೆ ಪ್ರವಾಸಿ ತಂಡವು 65 ಓವರ್ಗಳಲ್ಲಿ 4 ವಿಕೆಟ್ಗೆ 185 ರನ್ ಗಳಿಸಿದೆ.

. ಅನುಭವಿ ಸ್ಪಿನ್ನರ್ ಆಸಿಫ್ ಆಫ್ರಿದಿ ಅವರು ಪದಾರ್ಪಣೆ ಪಂದ್ಯದಲ್ಲಿ ಎರಡು ವಿಕೆಟ್ ಪಡೆದು ದಕ್ಷಿಣ ಆಫ್ರಿಕಾಕ್ಕೆ ಆಘಾತ ನೀಡಿದರು. 15 ಓವರ್ ಬೌಲಿಂಗ್ ಮಾಡಿದ 38 ವರ್ಷದ ಆಸಿಫ್ ಅವರು ಟೋನಿ ಮತ್ತು ಡೆವಾಲ್ಡ್ ಬ್ರೆವಿಸ್ ವಿಕೆಟ್ ಪಡೆದರು.

. ಸಂಕ್ಷಿಪ್ತ ಸ್ಕೋರ್ : ಮೊದಲ ಇನಿಂಗ್ಸ್: ಪಾಕಿಸ್ತಾನ: 113.4 ಓವರ್ಗಳಲ್ಲಿ 333 (ಸಾದ್ ಶಕೀಲ್ 66, ಸಲ್ಮಾನ್ ಆಘಾ 45; ಕೇಶವ ಮಹಾರಾಜ್ 102ಕ್ಕೆ 7). ದಕ್ಷಿಣ ಆಫ್ರಿಕಾ: 65 ಓವರ್ಗಳಲ್ಲಿ 4 ವಿಕೆಟ್ಗೆ 185 (ಏಡನ್ ಮರ್ಕರಂ 32, ಟ್ರಿಸ್ಟನ್ ಸ್ಟಬ್ಸ್ ಔಟಾಗದೇ 68, ಟೋನಿ ಡಿ ಜೋರ್ಜಿ 55; ಆಸಿಫ್ ಆಫ್ರಿದಿ 24ಕ್ಕೆ 2).

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

SA vs PAK: ಕೇಶವ ಮಹಾರಾಜ್‌ಗೆ ಏಳು ವಿಕೆಟ್‌

ಚಿನಕುರುಳಿ | ಮಂಗಳವಾರ, 21 ಅಕ್ಟೋಬರ್‌ ‌ 2025

ದಿನ ಭವಿಷ್ಯ: ಈ ರಾಶಿಯವರು ಈಶ್ವರನ ಉಪಾಸನೆ ಮಾಡುವುದು ಉತ್ತಮ..

ಚುರುಮುರಿ: ರಾಜಕೀಯ ಪ್ರಾಮಾಣಿಕತೆ

ರಸ್ತೆ ಮೇಲೆ ಪ್ರಾರ್ಥನೆಗೆ ಅನುಮತಿ ಅಗತ್ಯ: ಪ್ರಿಯಾಂಕ್ ಖರ್ಗೆ

ರಾಕೇಶ್‌ ಹ್ಯಾಟ್ರಿಕ್‌: ಕಿಕ್‌ಸ್ಟಾರ್ಟ್‌ಗೆ ಜಯ

ಕುಸ್ತಿ: ಕ್ವಾರ್ಟರ್‌ಗೆ ವಿಶ್ವಜೀತ್‌

‘ಅಮ್ಮ’ ಎಂದರೆ ಬಲಾಢ್ಯ ಮಹಿಳೆ..