ಬುಧವಾರ, ಜುಲೈ 28, 2021
20 °C
ಶನಿವಾರ, 15–7–1995

25ವರ್ಷಗಳ ಹಿಂದೆ | ಎಲ್ಲ ಶಿಕ್ಷಣ ಸಂಸ್ಥೆಗಳಿಗೂ ಏಕರೂಪ ಪ್ರವೇಶ ನೀತಿ: ರಾಜ್ಯದ ವಾದ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಶೇಷನ್‌ ಪರಮಾಧಿಕಾರಕ್ಕೆ ಸುಪ್ರೀಂ ಕೋರ್ಟ್‌ ಕಡಿವಾಣ
ನವದೆಹಲಿ, ಜುಲೈ 14 (ಪಿಟಿಐ, ಯುಎನ್‌ಐ)–
ಇತರ ಇಬ್ಬರು ಚುನಾವಣಾ ಕಮಿಷನರ್‌ಗಳಿಗೂ ಮುಖ್ಯ ಚುನಾವಣಾ ಕಮಿಷನರ್‌ ಅವರಷ್ಟೇ ಅಧಿಕಾರ ಹಾಗೂ ಸ್ಥಾನಮಾನಗಳಿವೆ ಎಂದು ಸುಪ್ರೀಂ ಕೋರ್ಟ್‌ ಇಂದು ತೀರ್ಪು ನೀಡುವ ಮೂಲಕ ಚುನಾವಣಾ ಆಯೋಗದಲ್ಲಿ ತನ್ನ ಪರಮಾಧಿಕಾರವನ್ನು ಉಳಿಸಿಕೊಳ್ಳಲು ಮುಖ್ಯ ಚುನಾವಣಾ ಕಮಿಷನರ್‌ ಟಿ.ಎನ್‌.ಶೇಷನ್‌ ಅವರು ಕಳೆದ ಸುಮಾರು ಎರಡು ವರ್ಷಗಳಿಂದ ನಡೆಸಿದ ಹೋರಾಟದಲ್ಲಿ ಸೋತುಹೋದರು.

ಚುನಾವಣಾ ಆಯೋಗವನ್ನು ಬಹುಸದಸ್ಯ ಸಂಸ್ಥೆಯನ್ನಾಗಿ ಮಾಡಿದ ಹಾಗೂ ಎಂ.ಎಸ್‌.ಗಿಲ್‌ ಮತ್ತು ಜಿ.ವಿ.ಜಿ. ಕೃಷ್ಣಮೂರ್ತಿ ಅವರನ್ನು ಚುನಾವಣಾ ಕಮಿಷನರ್‌ಗಳಾಗಿ ನೇಮಿಸಿದ 1993ನೇ ಅಕ್ಟೋಬರ್‌ ಒಂದರ ರಾಷ್ಟ್ರಪತಿಗಳ ಎರಡು ಆದೇಶಗಳನ್ನು ಸುಪ್ರೀಂಕೋರ್ಟಿನ ಐವರು ಸದಸ್ಯರ ಸಂವಿಧಾನ ನ್ಯಾಯಪೀಠ ಇಂದು ಎತ್ತಿಹಿಡಿಯಿತು. ಈ ಆದೇಶಗಳನ್ನು ಟಿ.ಎನ್‌.ಶೇಷನ್‌ ಅವರು ರಿಟ್‌ ಅರ್ಜಿಯ ಮೂಲಕ ಪ್ರಶ್ನಿಸಿದ್ದರು.

ಎಲ್ಲ ಶಿಕ್ಷಣ ಸಂಸ್ಥೆಗಳಿಗೂ ಏಕರೂಪ ಪ್ರವೇಶ ನೀತಿ: ರಾಜ್ಯದ ವಾದ
ಬೆಂಗಳೂರು, ಜುಲೈ 14–
ವೈದ್ಯಕೀಯ, ದಂತ ವೈದ್ಯಕೀಯ, ನರ್ಸಿಂಗ್‌ ಮತ್ತು ಎಂಜಿನಿಯರಿಂಗ್‌ ಶಿಕ್ಷಣದ ಪ್ರವೇಶದಲ್ಲಿ ಎಲ್ಲ ಶಿಕ್ಷಣ ಸಂಸ್ಥೆಗಳಿಗೂ ಅನ್ವಯವಾಗುವಂತೆ ಏಕರೂಪದ ಪ್ರವೇಶ ನೀತಿ ರೂಪಿಸಬೇಕೆಂಬ ಸಲಹೆಯನ್ನು ರಾಜ್ಯ ಸರ್ಕಾರವು ಸುಪ್ರೀಂ ಕೋರ್ಟ್‌ ಮುಂದೆ ಮಂಡಿಸಲಿದೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು