ಸೋಮವಾರ, ಫೆಬ್ರವರಿ 24, 2020
19 °C
25 years back

25 ವರ್ಷಗಳ ಹಿಂದೆ : ಗುರುವಾರ, ಫೆಬ್ರುವರಿ 2, 1995

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

4 ವರ್ಷದಲ್ಲಿ 4,000 ಮೆಗಾವಾಟ್ ವಿದ್ಯುತ್–ಪಟೇಲ್ ಭರವಸೆ

ಬೆಂಗಳೂರು ಫೆ. 1– ಮುಂದಿನ ನಾಲ್ಕು ವರ್ಷಗಳಲ್ಲಿ ಐದು ಖಾಸಗಿ ವಿದ್ಯುತ್ ಯೋಜನೆಗಳಿಂದ ರಾಜ್ಯದಲ್ಲಿ ಹೊಸದಾಗಿ 4,000 ಮೆಗಾವಾಟ್ ವಿದ್ಯುತ್ ಉತ್ಪಾದನೆ ಆಗಲಿದೆ ಎಂದು ವಿದ್ಯುತ್ ಖಾತೆಯನ್ನು ಹೊಂದಿರುವ ಉಪ ಮುಖ್ಯಮಂತ್ರಿ ಜೆ.ಎಚ್. ಪಟೇಲ್ ಇಂದು ಇಲ್ಲಿ ತಿಳಿಸಿದರು.

ಹೊಸ ಒಪ್ಪಂದಗಳನ್ನು ಮಾಡಿಕೊಳ್ಳದೆ, ಈಗಾಗಲೇ ಆಗಿರುವ ಒಪ್ಪಂದ (ಎಂಓಯು)ಗಳನ್ನು ಕಾರ್ಯಗತಗೊಳಿಸಲು ಕ್ರಮ ತೆಗೆದುಕೊಳ್ಳುವಂತೆ ಕೇಂದ್ರ ಸರ್ಕಾರ ಸೂಚನೆ ನೀಡಿರುವ ಹಿನ್ನೆಲೆಯಲ್ಲಿ ಇನ್ನು ಹದಿನೈದು ದಿನದಲ್ಲಿ ಈ ಐದು ಖಾಸಗಿ ಸಂಸ್ಥೆಗಳೊಂದಿಗೆ ಒಪ್ಪಂದವನ್ನು ಪೂರ್ಣಗೊಳಿಸಲಿದ್ದೇವೆ ಎಂದು ಪತ್ರಿಕಾಗೋಷ್ಠಿಯಲ್ಲಿ ಹೇಳಿದರು.

ಗರ್ಭಪಾತ ಅವಧಿಯಲ್ಲಿ ರಜೆ, ವೇತನ ಸೌಲಭ್ಯ

ನವದೆಹಲಿ, ಫೆ.1 (ಪಿಟಿಐ)– ಸಣ್ಣ ಕುಟುಂಬ ಪ್ರೋತ್ಸಾಹಿಸುವ ಉದ್ದೇಶದಿಂದ ಕೇಂದ್ರ ಸರ್ಕಾರ ಹೆರಿಗೆ ಸೌಲಭ್ಯ ಕಾಯ್ದೆಯಲ್ಲಿ ಕೆಲವು ಮಹತ್ವದ ಬದಲಾವಣೆ ಮಾಡಿದೆ. ಇದರನ್ವಯ ಗರ್ಭಪಾತದ ಅವಧಿಯಲ್ಲಿ ರಜೆ, ವೇತನ ಸೌಲಭ್ಯ ದೊರೆಯಲಿದೆ.

ಮಹಿಳಾ ಉದ್ಯೋಗಿಗಳು ವೈದ್ಯಕೀಯ ಗರ್ಭಪಾತಕ್ಕೆ ಒಳಗಾದರೆ ಆರು ವಾರಗಳ ರಜೆ, ಗರ್ಭಪಾತ ಅಥವಾ ಸಂತಾನ ಶಕ್ತಿಹರಣ ಶಸ್ತ್ರಚಿಕಿತ್ಸೆಯಿಂದ ಅಸ್ವಸ್ಥರಾದರೆ ಗರಿಷ್ಠ ಒಂದು ತಿಂಗಳ ವೇತನ ಸಹಿತ ರಜೆಗೆ ಅರ್ಹರಾಗುತ್ತಾರೆ ಎಂದು ಅಧಿಕೃತ ಮೂಲಗಳು ತಿಳಿಸಿವೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಪ್ರತಿಕ್ರಿಯಿಸಿ (+)