<p>‘ಸಂಜೆ ಸರೋಜಾ ಮನೇಲಿ ಪಾರ್ಟಿ’.</p>.<p>‘ಯಾಕೋ? ಮಹಿಳಾ ಮಂಡಳಿ ಅಧ್ಯಕ್ಷಗಿರಿ ಜೊತೆ ಬೇರೆ ಹೊಸ ಹುದ್ದೆ ಸಿಕ್ತಾ?’ ನನ್ನವಳ ಕಾಲೆಳೆದೆ.</p>.<p>‘ಇಲ್ಲಪ್ಪಾ, ಅವರ ಮಗನಿಗೆ ಎಂಬಿಬಿಎಸ್ ಸೀಟ್ ಸಿಕ್ಕಿರಲಿಲ್ಲ, ಆಯುರ್ವೇದ ವೈದ್ಯಶಾಸ್ತ್ರಕ್ಕೆ ಅರ್ಧ ಮನಸ್ಸಿನಲ್ಲೇ ಸೇರಿಸಿದ್ದರು. ಈಗ, ಶಸ್ತ್ರಚಿಕಿತ್ಸೆ ಮಾಡೋಕ್ಕೆ ಅರ್ಹತೆ, ಅವಕಾಶ ಸಿಕ್ತಿದೆಯಲ್ಲ, ಅದರ ಸೆಲೆಬ್ರೇಶನ್’ ಪುಟ್ಟಿ ಸಂಶಯ ನಿವಾರಿಸಿದಳು.</p>.<p>‘ಅದೂ ಒಂದು ರೀತಿ ಒಳ್ಳೇದೆ. ಗ್ರಾಮೀಣ ಪ್ರದೇಶಗಳಲ್ಲಿ ತಜ್ಞರಿಲ್ಲದೆ ಸಿಟಿಗೆ ಓಡಿ ಬರೋ ಕಷ್ಟ ತಪ್ಪುತ್ತೆ. ನಮ್ ಕಾಲದಲ್ಲಿ ಇಂಗ್ಲಿಷ್ ಡಾಕ್ಟರ್ ಎಲ್ಲಿ ಬಂತು? ಸಣ್ಣ ಪುಟ್ಟದ್ದಕ್ಕೆಲ್ಲ ಹಿತ್ತಲ ವೈದ್ಯವೇ- ಆಪರೇಶನ್ ಅಂದ್ರೆ ದೊಡ್ಡ ಆಸ್ಪತ್ರೆ’ ಅತ್ತೆ ಕ್ಷಣಕಾಲ ಗತಕ್ಕೆ ಹೋದರು.</p>.<p>‘ಅಬ್ಬಾ ವಿಪರೀತ ಚಳಿ, ಸ್ವಲ್ಪ ಬಿಸಿಬಿಸಿ ಕಾಫಿ ಸಿಕ್ಕರೆ...’ ಎನ್ನುತ್ತಾ ವಾಕ್ ಮುಗಿಸಿ, ಮಂಕಿ ಕ್ಯಾಪ್, ಮಾಸ್ಕ್ಧಾರಿ ಕಂಠಿ ಮನೆಯೊಳಗೆ ಕಾಲಿಟ್ಟ.</p>.<p>‘ಕಾಫಿಗಿಂತ ಕಷಾಯ ಕುಡಿದರೆ ಆರೋಗ್ಯಕ್ಕೂ ಹಿತ, ಒಳ್ಳೆ ಇಮ್ಯೂನಿಟಿ ಕೊಡುತ್ತೆ, ಕೊರೊನಾ ಗಿರೊನಾ ಬರೋಲ್ಲ. ಹಾಸ್ಟೆಲ್ಗಳಲ್ಲಿ ವಿದ್ಯಾರ್ಥಿಗಳಿಗೂ ಕಷಾಯ, ಹಣ್ಣು ಕ್ಯಾಂಟೀನ್ ಮೆನುಲಿ ಸೇರಿದೆ’ ಅತ್ತೆಯ ಉಪದೇಶ.</p>.<p>‘ಅಮೆರಿಕದ ರಾಜ್ಯಭಾರದಲ್ಲಿ ನಮ್ಮವರೂ ಸೇರ್ಪಡೆಯಾಗ್ತಿದ್ದಾರೆ, ಕಮಲಾರ ಜೊತೆ ಮಾಲಾ. ನಮಗೆ ಹೆಮ್ಮೆಯ ಸಂಗತಿ. ಆದರೆ ನಮ್ಮಲ್ಲಿ ಖಾತೆಯ ಹಂಚಿಕೆಯೋ ಮರುವಿಂಗಡಣೆಯೋ ಕುತೂಹಲ’ ನಾನು ವಿಷಯ ಬದಲಿಸಿದೆ.</p>.<p>‘ಶ್ರೀಮತಿ ಹೇಳ್ತಿದ್ರು, ನಿಮ್ಮ ಮನೆಯಲ್ಲೂ ಖಾತೆ ಬದಲಾವಣೆಯಂತೆ?’ ನನ್ನವಳು ಹೊಸ ಸುದ್ದಿ ಬಿತ್ತರಿಸಿದಳು.</p>.<p>‘ಹೌದು, ಜವಳಿ ಖಾತೆ ಹೊಸ ಸೇರ್ಪಡೆ- ವಾಷಿಂಗ್ ಮೆಷೀನ್ ಕೆಟ್ಟಿದೆ. ಬಟ್ಟೆ ಒಗೆಯೋದು, ಒಣಹಾಕೋದು ಎಲ್ಲಾ ನನ್ನ ತಲೆಗೇ’.</p>.<p>‘ನಮ್ಮ ಮನೆಯಲ್ಲೂ ಕೆಲಸದವಳು ಎರಡು ತಿಂಗಳು ರಜಾ. ಏನಪ್ಪಾ ಮಾಡೋದು ಅಂತ ಯೋಚಿಸ್ತಿದ್ದೆ, ಪರಿಹಾರ ಸಿಕ್ಕಿತು’.</p>.<p>ಮಾಮೂಲಿ ಕಾಫಿ ಕಂಠಿಯ ಪಾಲಾಗಿದ್ದರೆ, ಕಷಾಯದ ಕಹಿ ನನಗೆ ಸಿಕ್ಕಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಸಂಜೆ ಸರೋಜಾ ಮನೇಲಿ ಪಾರ್ಟಿ’.</p>.<p>‘ಯಾಕೋ? ಮಹಿಳಾ ಮಂಡಳಿ ಅಧ್ಯಕ್ಷಗಿರಿ ಜೊತೆ ಬೇರೆ ಹೊಸ ಹುದ್ದೆ ಸಿಕ್ತಾ?’ ನನ್ನವಳ ಕಾಲೆಳೆದೆ.</p>.<p>‘ಇಲ್ಲಪ್ಪಾ, ಅವರ ಮಗನಿಗೆ ಎಂಬಿಬಿಎಸ್ ಸೀಟ್ ಸಿಕ್ಕಿರಲಿಲ್ಲ, ಆಯುರ್ವೇದ ವೈದ್ಯಶಾಸ್ತ್ರಕ್ಕೆ ಅರ್ಧ ಮನಸ್ಸಿನಲ್ಲೇ ಸೇರಿಸಿದ್ದರು. ಈಗ, ಶಸ್ತ್ರಚಿಕಿತ್ಸೆ ಮಾಡೋಕ್ಕೆ ಅರ್ಹತೆ, ಅವಕಾಶ ಸಿಕ್ತಿದೆಯಲ್ಲ, ಅದರ ಸೆಲೆಬ್ರೇಶನ್’ ಪುಟ್ಟಿ ಸಂಶಯ ನಿವಾರಿಸಿದಳು.</p>.<p>‘ಅದೂ ಒಂದು ರೀತಿ ಒಳ್ಳೇದೆ. ಗ್ರಾಮೀಣ ಪ್ರದೇಶಗಳಲ್ಲಿ ತಜ್ಞರಿಲ್ಲದೆ ಸಿಟಿಗೆ ಓಡಿ ಬರೋ ಕಷ್ಟ ತಪ್ಪುತ್ತೆ. ನಮ್ ಕಾಲದಲ್ಲಿ ಇಂಗ್ಲಿಷ್ ಡಾಕ್ಟರ್ ಎಲ್ಲಿ ಬಂತು? ಸಣ್ಣ ಪುಟ್ಟದ್ದಕ್ಕೆಲ್ಲ ಹಿತ್ತಲ ವೈದ್ಯವೇ- ಆಪರೇಶನ್ ಅಂದ್ರೆ ದೊಡ್ಡ ಆಸ್ಪತ್ರೆ’ ಅತ್ತೆ ಕ್ಷಣಕಾಲ ಗತಕ್ಕೆ ಹೋದರು.</p>.<p>‘ಅಬ್ಬಾ ವಿಪರೀತ ಚಳಿ, ಸ್ವಲ್ಪ ಬಿಸಿಬಿಸಿ ಕಾಫಿ ಸಿಕ್ಕರೆ...’ ಎನ್ನುತ್ತಾ ವಾಕ್ ಮುಗಿಸಿ, ಮಂಕಿ ಕ್ಯಾಪ್, ಮಾಸ್ಕ್ಧಾರಿ ಕಂಠಿ ಮನೆಯೊಳಗೆ ಕಾಲಿಟ್ಟ.</p>.<p>‘ಕಾಫಿಗಿಂತ ಕಷಾಯ ಕುಡಿದರೆ ಆರೋಗ್ಯಕ್ಕೂ ಹಿತ, ಒಳ್ಳೆ ಇಮ್ಯೂನಿಟಿ ಕೊಡುತ್ತೆ, ಕೊರೊನಾ ಗಿರೊನಾ ಬರೋಲ್ಲ. ಹಾಸ್ಟೆಲ್ಗಳಲ್ಲಿ ವಿದ್ಯಾರ್ಥಿಗಳಿಗೂ ಕಷಾಯ, ಹಣ್ಣು ಕ್ಯಾಂಟೀನ್ ಮೆನುಲಿ ಸೇರಿದೆ’ ಅತ್ತೆಯ ಉಪದೇಶ.</p>.<p>‘ಅಮೆರಿಕದ ರಾಜ್ಯಭಾರದಲ್ಲಿ ನಮ್ಮವರೂ ಸೇರ್ಪಡೆಯಾಗ್ತಿದ್ದಾರೆ, ಕಮಲಾರ ಜೊತೆ ಮಾಲಾ. ನಮಗೆ ಹೆಮ್ಮೆಯ ಸಂಗತಿ. ಆದರೆ ನಮ್ಮಲ್ಲಿ ಖಾತೆಯ ಹಂಚಿಕೆಯೋ ಮರುವಿಂಗಡಣೆಯೋ ಕುತೂಹಲ’ ನಾನು ವಿಷಯ ಬದಲಿಸಿದೆ.</p>.<p>‘ಶ್ರೀಮತಿ ಹೇಳ್ತಿದ್ರು, ನಿಮ್ಮ ಮನೆಯಲ್ಲೂ ಖಾತೆ ಬದಲಾವಣೆಯಂತೆ?’ ನನ್ನವಳು ಹೊಸ ಸುದ್ದಿ ಬಿತ್ತರಿಸಿದಳು.</p>.<p>‘ಹೌದು, ಜವಳಿ ಖಾತೆ ಹೊಸ ಸೇರ್ಪಡೆ- ವಾಷಿಂಗ್ ಮೆಷೀನ್ ಕೆಟ್ಟಿದೆ. ಬಟ್ಟೆ ಒಗೆಯೋದು, ಒಣಹಾಕೋದು ಎಲ್ಲಾ ನನ್ನ ತಲೆಗೇ’.</p>.<p>‘ನಮ್ಮ ಮನೆಯಲ್ಲೂ ಕೆಲಸದವಳು ಎರಡು ತಿಂಗಳು ರಜಾ. ಏನಪ್ಪಾ ಮಾಡೋದು ಅಂತ ಯೋಚಿಸ್ತಿದ್ದೆ, ಪರಿಹಾರ ಸಿಕ್ಕಿತು’.</p>.<p>ಮಾಮೂಲಿ ಕಾಫಿ ಕಂಠಿಯ ಪಾಲಾಗಿದ್ದರೆ, ಕಷಾಯದ ಕಹಿ ನನಗೆ ಸಿಕ್ಕಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
