<p>ಸರ್ಕಾರಿ ಶಾಲೆಯ ಫಲಿತಾಂಶ ಹಾಗೂ ಮಕ್ಕಳ ದಾಖಲಾತಿ ಪ್ರಮಾಣ ಹೆಚ್ಚಿಸಬೇಕು ಎಂದು ದೊಡ್ಡ ಸಾಹೇಬ್ರು ಆದೇಶ ಮಾಡಿದ್ದರು. ಮಕ್ಕಳನ್ನು ಸರ್ಕಾರಿ ಶಾಲೆಗೆ ಸೇರಿಸುವಂತೆ ಪೋಷಕರ ಮನವೊಲಿಸಲು ಮೇಷ್ಟ್ರುಗಳ ಜೊತೆ ಅಧಿಕಾರಿಗಳು ಶಂಕ್ರಿ ಮನೆಗೆ ಬಂದರು.</p>.<p>‘ಮಕ್ಕಳಿರಲವ್ವ ಶಾಲೆ ತುಂಬಾ ಅನ್ನೋ ಆಂದೋಲನ ಮಾಡ್ತಿದ್ದೀವಿ. ನಿಮ್ಮ ಮಕ್ಕಳು ಯಾವ ಶಾಲೆಯಲ್ಲಿ ಓದುತ್ತಿದ್ದಾರೆ?’ ಚಿಕ್ಕ ಸಾಹೇಬ್ರು ಕೇಳಿದ್ರು.</p>.<p>‘ದೊಡ್ಡ ಸ್ಕೂಲು ಸಾರ್, ನಾಲ್ಕು ಫ್ಲೋರ್ ಬಿಲ್ಡಿಂಗ್, ಒಳ್ಳೊಳ್ಳೆ ಟೀಚರ್ಗಳಿದ್ದಾರೆ’ ಶಂಕ್ರಿಗೆ ಹೆಮ್ಮೆ.</p>.<p>‘ಆ ಟೀಚರ್ಗಳು ನಮಗೆ ಅರ್ಥವಾಗದಷ್ಟು ಚೆನ್ನಾಗಿ ಇಂಗ್ಲಿಷ್ ಮಾತಾಡ್ತಾರೆ’ ಸುಮಿಗೂ ಖುಷಿ.</p>.<p>‘ಸ್ಕೂಲ್ ಫೀಸ್ ಕಟ್ಟಿದ್ದೀರ?’</p>.<p>‘ಮೂರು ಕಂತು ಕಟ್ಟಲು ಅವಕಾಶ ಮಾಡಿಕೊಟ್ಟಿದ್ದಾರೆ. ಒಡವೆ ಅಡವಿಟ್ಟು ಮೊದಲ ಕಂತು ಕಟ್ಟಿದ್ದೀವಿ’.</p>.<p>‘ನಿಮ್ಮ ಮಕ್ಕಳನ್ನ ಆ ಸ್ಕೂಲ್ ಬಿಡಿಸಿ ಸರ್ಕಾರಿ ಶಾಲೆಗೆ ಸೇರಿಸಿ’.</p>.<p>‘ಯಾಕೆ ಸಾರ್? ನಮ್ಮ ಮಕ್ಕಳು ಏನು ಅನ್ಯಾಯ ಮಾಡಿದ್ದಾರೆ?’ ಸುಮಿಗೆ ಸಿಟ್ಟು.</p>.<p>‘ಸರ್ಕಾರಕ್ಕೆ ಅನ್ಯಾಯ ಆಗ್ತಿದೆ. ಸರ್ಕಾರ ಶಾಲಾ ಮಕ್ಕಳಿಗೆ ಉಚಿತವಾಗಿ ಪುಸ್ತಕ, ಸಮವಸ್ತ್ರ, ಸೈಕಲ್, ಬಿಸಿಯೂಟ ಕೊಡುತ್ತಿದೆ. ಖಾಸಗಿ ಶಾಲೆಗಳಂತೆ ಲಕ್ಷಾಂತರ ರೂಪಾಯಿ ಫೀಸ್ ಕೇಳುವುದಿಲ್ಲ. ಸರ್ಕಾರಿ ಶಾಲೆಯಲ್ಲಿ ಓದಿದರೆ ಹಲವು ರೀತಿಯ ಅನುಕೂಲಗಳಿವೆ’ ಮನವೊಲಿಸುವ ಪ್ರಯತ್ನ ಮಾಡಿದರು.</p>.<p>‘ನಿಮ್ಮ ಮಕ್ಕಳು ಸರ್ಕಾರಿ ಶಾಲೆಯಲ್ಲಿ ಓದುತ್ತಿದ್ದಾರಾ ಸಾರ್?’ ಶಂಕ್ರಿ ಕೇಳಿದ. ಸಾಹೇಬ್ರಿಗೆ ಕಸಿವಿಸಿಯಾಯಿತು. ‘ಅದೆಲ್ಲಾ ಕೇಳಬಾರದು’ ಅಂದರು.</p>.<p>‘ಅಕ್ಕಪಕ್ಕದ ಮಕ್ಕಳು ದೊಡ್ಡ ಬಿಲ್ಡಿಂಗ್ ಸ್ಕೂಲಿಗೆ ಸೇರಿ ಮೆರೆದರೆ ನಮ್ಮ ಮಕ್ಕಳು ಸರ್ಕಾರಿ ಶಾಲೆಗೆ ಸೇರಿದೆವೆಂದು ನೊಂದುಕೊಳ್ಳೋದಿಲ್ವಾ? ಅವರ ಮಕ್ಕಳನ್ನು ಸರ್ಕಾರಿ ಶಾಲೆಗೆ ಸೇರಿಸಿದರೆ ನಾವೂ ಸೇರಿಸ್ತೀವಿ’.</p>.<p>‘ಸರಿಬಿಡಿ, ನೆರೆಹೊರೆಯವರ ಮನವೊಲಿಸುವ ಪ್ರಯತ್ನ ಮಾಡ್ತೀವಿ’ ಎಂದು ಹೇಳುತ್ತಾ ಸಾಹೇಬ್ರು ಹೊರಟರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಸರ್ಕಾರಿ ಶಾಲೆಯ ಫಲಿತಾಂಶ ಹಾಗೂ ಮಕ್ಕಳ ದಾಖಲಾತಿ ಪ್ರಮಾಣ ಹೆಚ್ಚಿಸಬೇಕು ಎಂದು ದೊಡ್ಡ ಸಾಹೇಬ್ರು ಆದೇಶ ಮಾಡಿದ್ದರು. ಮಕ್ಕಳನ್ನು ಸರ್ಕಾರಿ ಶಾಲೆಗೆ ಸೇರಿಸುವಂತೆ ಪೋಷಕರ ಮನವೊಲಿಸಲು ಮೇಷ್ಟ್ರುಗಳ ಜೊತೆ ಅಧಿಕಾರಿಗಳು ಶಂಕ್ರಿ ಮನೆಗೆ ಬಂದರು.</p>.<p>‘ಮಕ್ಕಳಿರಲವ್ವ ಶಾಲೆ ತುಂಬಾ ಅನ್ನೋ ಆಂದೋಲನ ಮಾಡ್ತಿದ್ದೀವಿ. ನಿಮ್ಮ ಮಕ್ಕಳು ಯಾವ ಶಾಲೆಯಲ್ಲಿ ಓದುತ್ತಿದ್ದಾರೆ?’ ಚಿಕ್ಕ ಸಾಹೇಬ್ರು ಕೇಳಿದ್ರು.</p>.<p>‘ದೊಡ್ಡ ಸ್ಕೂಲು ಸಾರ್, ನಾಲ್ಕು ಫ್ಲೋರ್ ಬಿಲ್ಡಿಂಗ್, ಒಳ್ಳೊಳ್ಳೆ ಟೀಚರ್ಗಳಿದ್ದಾರೆ’ ಶಂಕ್ರಿಗೆ ಹೆಮ್ಮೆ.</p>.<p>‘ಆ ಟೀಚರ್ಗಳು ನಮಗೆ ಅರ್ಥವಾಗದಷ್ಟು ಚೆನ್ನಾಗಿ ಇಂಗ್ಲಿಷ್ ಮಾತಾಡ್ತಾರೆ’ ಸುಮಿಗೂ ಖುಷಿ.</p>.<p>‘ಸ್ಕೂಲ್ ಫೀಸ್ ಕಟ್ಟಿದ್ದೀರ?’</p>.<p>‘ಮೂರು ಕಂತು ಕಟ್ಟಲು ಅವಕಾಶ ಮಾಡಿಕೊಟ್ಟಿದ್ದಾರೆ. ಒಡವೆ ಅಡವಿಟ್ಟು ಮೊದಲ ಕಂತು ಕಟ್ಟಿದ್ದೀವಿ’.</p>.<p>‘ನಿಮ್ಮ ಮಕ್ಕಳನ್ನ ಆ ಸ್ಕೂಲ್ ಬಿಡಿಸಿ ಸರ್ಕಾರಿ ಶಾಲೆಗೆ ಸೇರಿಸಿ’.</p>.<p>‘ಯಾಕೆ ಸಾರ್? ನಮ್ಮ ಮಕ್ಕಳು ಏನು ಅನ್ಯಾಯ ಮಾಡಿದ್ದಾರೆ?’ ಸುಮಿಗೆ ಸಿಟ್ಟು.</p>.<p>‘ಸರ್ಕಾರಕ್ಕೆ ಅನ್ಯಾಯ ಆಗ್ತಿದೆ. ಸರ್ಕಾರ ಶಾಲಾ ಮಕ್ಕಳಿಗೆ ಉಚಿತವಾಗಿ ಪುಸ್ತಕ, ಸಮವಸ್ತ್ರ, ಸೈಕಲ್, ಬಿಸಿಯೂಟ ಕೊಡುತ್ತಿದೆ. ಖಾಸಗಿ ಶಾಲೆಗಳಂತೆ ಲಕ್ಷಾಂತರ ರೂಪಾಯಿ ಫೀಸ್ ಕೇಳುವುದಿಲ್ಲ. ಸರ್ಕಾರಿ ಶಾಲೆಯಲ್ಲಿ ಓದಿದರೆ ಹಲವು ರೀತಿಯ ಅನುಕೂಲಗಳಿವೆ’ ಮನವೊಲಿಸುವ ಪ್ರಯತ್ನ ಮಾಡಿದರು.</p>.<p>‘ನಿಮ್ಮ ಮಕ್ಕಳು ಸರ್ಕಾರಿ ಶಾಲೆಯಲ್ಲಿ ಓದುತ್ತಿದ್ದಾರಾ ಸಾರ್?’ ಶಂಕ್ರಿ ಕೇಳಿದ. ಸಾಹೇಬ್ರಿಗೆ ಕಸಿವಿಸಿಯಾಯಿತು. ‘ಅದೆಲ್ಲಾ ಕೇಳಬಾರದು’ ಅಂದರು.</p>.<p>‘ಅಕ್ಕಪಕ್ಕದ ಮಕ್ಕಳು ದೊಡ್ಡ ಬಿಲ್ಡಿಂಗ್ ಸ್ಕೂಲಿಗೆ ಸೇರಿ ಮೆರೆದರೆ ನಮ್ಮ ಮಕ್ಕಳು ಸರ್ಕಾರಿ ಶಾಲೆಗೆ ಸೇರಿದೆವೆಂದು ನೊಂದುಕೊಳ್ಳೋದಿಲ್ವಾ? ಅವರ ಮಕ್ಕಳನ್ನು ಸರ್ಕಾರಿ ಶಾಲೆಗೆ ಸೇರಿಸಿದರೆ ನಾವೂ ಸೇರಿಸ್ತೀವಿ’.</p>.<p>‘ಸರಿಬಿಡಿ, ನೆರೆಹೊರೆಯವರ ಮನವೊಲಿಸುವ ಪ್ರಯತ್ನ ಮಾಡ್ತೀವಿ’ ಎಂದು ಹೇಳುತ್ತಾ ಸಾಹೇಬ್ರು ಹೊರಟರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
