<p>‘ಲೇ ತೆಪರ, ಈ ಫೈಲ್ಸ್ ಅಂದ್ರೆ ಏನ್ಲೆ?’ ಹರಟೆ ಕಟ್ಟೆಯಲ್ಲಿ ತೆಪರೇಸಿಯನ್ನ ಗುಡ್ಡೆ ಕೇಳಿದ.</p>.<p>‘ಅಂದ್ರೆ? ಆಫೀಸ್ ಫೈಲ್ಸೋ, ಆಸ್ಪತ್ರೇಲಿ ತೋರ್ಸೋ ಪೈಲ್ಸೋ?’</p>.<p>‘ಅಲೆ ಇವ್ನ, ಅದ್ರಾಗೂ ಬೇರೆ ಬೇರೆ ಅದಾವೇನ್ಲೆ? ನಾನು ಕೇಳಿದ್ದು ಫೈಲ್ಸ್ ಅಂತ ಸಿನಿಮಾ ಬಂದೇತಲ್ಲ ಅದು, ಆ ಫೈಲ್ಸ್...’</p>.<p>‘ಓ ಅದಾ? ಅದನ್ನ ನಿಂಗೆ ಬಿಡಿಸಿ ಹೇಳೋಕಾಗಲ್ಲ. ಅಂದ್ರೇ ಹಿಂದೆ ನಡೆದದ್ದನ್ನ ಈಗ ಹುಡುಕಿ ತೆಗೆದು ತೋರ್ಸೋದು... ನೋಡ್ರಪ್ಪ ಹಿಂಗಿಂಗ್ ಈ ತರ ಆಗಿತ್ತು ಅಂತ ಹಳೇ ಕತೆನೆಲ್ಲ ಹೇಳೋದು...’ ತೆಪರೇಸಿ ವಿವರಿಸಿದ.</p>.<p>‘ಓ... ಅಂದ್ರೆ ಹಳೆ ಗಾಯ ಕೆರ್ಕಳಾದು ಅನ್ನು...’ ದುಬ್ಬೀರ ನಕ್ಕ.</p>.<p>‘ಏನಾದ್ರು ತಿಳ್ಕಾ, ಈಗಿನೋರಿಗೆ ಹಳೇದೆಲ್ಲ ಗೊತ್ತಾಗ್ಲಿ ಅಂತಾನೂ ಇರಬೋದು...’</p>.<p>‘ಅಂದ್ರೇ ನಾವು ಹಳೇದ್ನೆಲ್ಲ ತೋರಿಸ್ಬೋದು. ಹಳೆ ದುರಂತಗಳು, ಹಿಂಸೆ, ಹತ್ಯಾಕಾಂಡಗಳು, ಬ್ರಹ್ಮಾಂಡ ಭ್ರಷ್ಟಾಚಾರಗಳು... ಇವನ್ನೆಲ್ಲ ಸಿನಿಮಾ ಮಾಡಿ ತೋರಿಸ್ಬೋದು ಅನ್ನು’.</p>.<p>‘ಮತ್ತೆ ಹಳೇ ಪ್ರೇಮ ಪುರಾಣಗಳು, ಮದುವೆ, ಅಪಘಾತಗಳು ಇವುನ್ನೂ ತೋರಿಸ್ಬೋದಾ?’ ಗುಡ್ಡೆ ಕೇಳಿದ.</p>.<p>‘ನಿನ್ತೆಲಿ, ಏನಾದ್ರೂ ತೋರಿಸ್ಕಾ ಹೋಗು, ತೆಲಿ ತಿಂತಾನೆ...’ ತೆಪರೇಸಿಗೆ ಸಿಟ್ಟು ಬಂತು.</p>.<p>‘ನೋಡ್ರಪ್ಪಾ ನಾನೇನಾದ್ರು ಡೈರೆಕ್ಟರ್ ಆಗಿದ್ರೆ ‘ತೆಪರೇಸಿ ಫೈಲ್ಸ್’ ಅಂತ ಸಿನಿಮಾ ಮಾಡಿ ತೋರಿಸ್ತಿದ್ದೆ’ ಎಂದ ಗುಡ್ಡೆ.</p>.<p>‘ಯಾಕಪ್ಪ ಅವುಂದೇನೈತಿ ಹಳೆ ಪುರಾಣ?’ ದುಬ್ಬೀರನಿಗೆ ಕುತೂಹಲ.</p>.<p>‘ಯಾಕೆ? ಅವನ ಪುರುಷೋತ್ತಮನ ಸಾಹಸಗಳು ನಿಂಗೊತ್ತಿಲ್ವ? ಮದುವೆ ಆದ ಮೇಲೆ ಪಾಪ ಅವನು ಪಡ್ತಿರೋ ಕಷ್ಟ ಆ ದೇವರಿಗೇ ಗೊತ್ತು. ಪಮ್ಮಿ ಕೈಲಿ ಮೂರ್ನಾಲ್ಕು ಸಲ ಮರ್ಡರ್ ಆಗ್ಬೇಕಿತ್ತು, ಬಚಾವಾದ’ ಗುಡ್ಡೆ ನಗುತ್ತ ಆಕಾಶ ನೋಡಿದ.</p>.<p>‘ಲೇ ಗುಡ್ಡೆ ಏನಕ್ಕೇನಾದ್ರು ಆಗ್ಲಿ, ತೆಪರನ ಮ್ಯಾಲೆ ನೀ ಸಿನಿಮಾ ತೆಗಿಯಲೆ, ನಾ ರೊಕ್ಕ ಹಾಕ್ತೀನಿ’ ದುಬ್ಬೀರನಿಗೆ ಹುರುಪು ಬಂತು.</p>.<p>ಅಲ್ಲಿಯವರೆಗೂ ಸುಮ್ಮನೆ ಕೂತಿದ್ದ ಕಡೆಮನಿ ಕೊಟ್ರೇಶಿ ‘ಅಲ್ಲೋ ದುಬ್ಬೀರ, ಅವನು ಸಿನಿಮಾ ತೆಗೀಬಹುದು, ಆದ್ರೆ ನೋಡೋರು ಬೇಕಲ್ಲ...’ ಎಂದ. ಎಲ್ಲರೂ ಗೊಳ್ಳಂತ ನಕ್ಕರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಲೇ ತೆಪರ, ಈ ಫೈಲ್ಸ್ ಅಂದ್ರೆ ಏನ್ಲೆ?’ ಹರಟೆ ಕಟ್ಟೆಯಲ್ಲಿ ತೆಪರೇಸಿಯನ್ನ ಗುಡ್ಡೆ ಕೇಳಿದ.</p>.<p>‘ಅಂದ್ರೆ? ಆಫೀಸ್ ಫೈಲ್ಸೋ, ಆಸ್ಪತ್ರೇಲಿ ತೋರ್ಸೋ ಪೈಲ್ಸೋ?’</p>.<p>‘ಅಲೆ ಇವ್ನ, ಅದ್ರಾಗೂ ಬೇರೆ ಬೇರೆ ಅದಾವೇನ್ಲೆ? ನಾನು ಕೇಳಿದ್ದು ಫೈಲ್ಸ್ ಅಂತ ಸಿನಿಮಾ ಬಂದೇತಲ್ಲ ಅದು, ಆ ಫೈಲ್ಸ್...’</p>.<p>‘ಓ ಅದಾ? ಅದನ್ನ ನಿಂಗೆ ಬಿಡಿಸಿ ಹೇಳೋಕಾಗಲ್ಲ. ಅಂದ್ರೇ ಹಿಂದೆ ನಡೆದದ್ದನ್ನ ಈಗ ಹುಡುಕಿ ತೆಗೆದು ತೋರ್ಸೋದು... ನೋಡ್ರಪ್ಪ ಹಿಂಗಿಂಗ್ ಈ ತರ ಆಗಿತ್ತು ಅಂತ ಹಳೇ ಕತೆನೆಲ್ಲ ಹೇಳೋದು...’ ತೆಪರೇಸಿ ವಿವರಿಸಿದ.</p>.<p>‘ಓ... ಅಂದ್ರೆ ಹಳೆ ಗಾಯ ಕೆರ್ಕಳಾದು ಅನ್ನು...’ ದುಬ್ಬೀರ ನಕ್ಕ.</p>.<p>‘ಏನಾದ್ರು ತಿಳ್ಕಾ, ಈಗಿನೋರಿಗೆ ಹಳೇದೆಲ್ಲ ಗೊತ್ತಾಗ್ಲಿ ಅಂತಾನೂ ಇರಬೋದು...’</p>.<p>‘ಅಂದ್ರೇ ನಾವು ಹಳೇದ್ನೆಲ್ಲ ತೋರಿಸ್ಬೋದು. ಹಳೆ ದುರಂತಗಳು, ಹಿಂಸೆ, ಹತ್ಯಾಕಾಂಡಗಳು, ಬ್ರಹ್ಮಾಂಡ ಭ್ರಷ್ಟಾಚಾರಗಳು... ಇವನ್ನೆಲ್ಲ ಸಿನಿಮಾ ಮಾಡಿ ತೋರಿಸ್ಬೋದು ಅನ್ನು’.</p>.<p>‘ಮತ್ತೆ ಹಳೇ ಪ್ರೇಮ ಪುರಾಣಗಳು, ಮದುವೆ, ಅಪಘಾತಗಳು ಇವುನ್ನೂ ತೋರಿಸ್ಬೋದಾ?’ ಗುಡ್ಡೆ ಕೇಳಿದ.</p>.<p>‘ನಿನ್ತೆಲಿ, ಏನಾದ್ರೂ ತೋರಿಸ್ಕಾ ಹೋಗು, ತೆಲಿ ತಿಂತಾನೆ...’ ತೆಪರೇಸಿಗೆ ಸಿಟ್ಟು ಬಂತು.</p>.<p>‘ನೋಡ್ರಪ್ಪಾ ನಾನೇನಾದ್ರು ಡೈರೆಕ್ಟರ್ ಆಗಿದ್ರೆ ‘ತೆಪರೇಸಿ ಫೈಲ್ಸ್’ ಅಂತ ಸಿನಿಮಾ ಮಾಡಿ ತೋರಿಸ್ತಿದ್ದೆ’ ಎಂದ ಗುಡ್ಡೆ.</p>.<p>‘ಯಾಕಪ್ಪ ಅವುಂದೇನೈತಿ ಹಳೆ ಪುರಾಣ?’ ದುಬ್ಬೀರನಿಗೆ ಕುತೂಹಲ.</p>.<p>‘ಯಾಕೆ? ಅವನ ಪುರುಷೋತ್ತಮನ ಸಾಹಸಗಳು ನಿಂಗೊತ್ತಿಲ್ವ? ಮದುವೆ ಆದ ಮೇಲೆ ಪಾಪ ಅವನು ಪಡ್ತಿರೋ ಕಷ್ಟ ಆ ದೇವರಿಗೇ ಗೊತ್ತು. ಪಮ್ಮಿ ಕೈಲಿ ಮೂರ್ನಾಲ್ಕು ಸಲ ಮರ್ಡರ್ ಆಗ್ಬೇಕಿತ್ತು, ಬಚಾವಾದ’ ಗುಡ್ಡೆ ನಗುತ್ತ ಆಕಾಶ ನೋಡಿದ.</p>.<p>‘ಲೇ ಗುಡ್ಡೆ ಏನಕ್ಕೇನಾದ್ರು ಆಗ್ಲಿ, ತೆಪರನ ಮ್ಯಾಲೆ ನೀ ಸಿನಿಮಾ ತೆಗಿಯಲೆ, ನಾ ರೊಕ್ಕ ಹಾಕ್ತೀನಿ’ ದುಬ್ಬೀರನಿಗೆ ಹುರುಪು ಬಂತು.</p>.<p>ಅಲ್ಲಿಯವರೆಗೂ ಸುಮ್ಮನೆ ಕೂತಿದ್ದ ಕಡೆಮನಿ ಕೊಟ್ರೇಶಿ ‘ಅಲ್ಲೋ ದುಬ್ಬೀರ, ಅವನು ಸಿನಿಮಾ ತೆಗೀಬಹುದು, ಆದ್ರೆ ನೋಡೋರು ಬೇಕಲ್ಲ...’ ಎಂದ. ಎಲ್ಲರೂ ಗೊಳ್ಳಂತ ನಕ್ಕರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>