<p>ಬೆಳ್ಳಂಬೆಳಿಗ್ಗೆ ಮನೆಗೆಲಸದ ಮಮ್ತಾಜ್ ‘ದೀದಿ ದೀದಿ’ ಎಂದು ಬಾಗಿಲು ಬಡಿದಳು.</p>.<p>ಕೂಲಿ ಕೆಲಸಕ್ಕೆ ಹೋಗುವುದರೊಳಗೆ ನಮ್ಮ ಮನೆಕೆಲಸ ಮಾಡಬೇಕಿದ್ದುದರಿಂದ ಮುಂಜಾನೆಯೇ ಕೆಲಸಕ್ಕೆ ಬರುತ್ತಿದ್ದಳು.</p>.<p>‘ದಾದಾ’ ಎಂದು ಕರೆಯುತ್ತಿದ್ದಂತೆ ಬಾಗಿಲು ತೆರೆಯುತ್ತಿದ್ದೆ. ಇವತ್ತು ‘ದೀದಿ’ ಎನ್ನುತ್ತಿದ್ದಾಳೆ! ದೀದಿಯೇ ತೆರೆಯಲಿ ಎಂದು ಸುಮ್ಮನಿದ್ದೆ.</p>.<p>‘ಕೂಗ್ತಿರೋದು ಕೇಳಿಸ್ತಿಲ್ವೇನ್ರೀ?’- ಬಂದೇಬಿಡ್ತು ಫರ್ಮಾನ್.</p>.<p>‘ಕರೆದದ್ದು ನಿನ್ನನ್ನ’ ಎಂದು ಮೆಲ್ಲಗೆ ಗೊಣಗಿಕೊಳ್ಳುತ್ತಾ ಬಾಗಿಲು ತೆರೆದೆ.</p>.<p>‘ಇನ್ಮೇಲೆ ಹೆಸ್ರು ನನ್ನದಾದ್ರೂ ಕೆಲ್ಸ ನಿಮ್ದೇ... ನೋಡಿದ್ರಲ್ಲಾ, ಮೋದಿಗಿಂತ ದೀದಿಯೇ ಮೇಲು. ಮುಖ್ಯಮಂತ್ರಿಯಾಗಿ ಹ್ಯಾಟ್ರಿಕ್ ಹೊಡೆದೇಬಿಟ್ರು!’</p>.<p>‘ಮಮ್ತಾಜ್, ದೀದಿ ಕಡೆಗೆ ಯಾಕೆ ಪಕ್ಷಾಂತರ ಮಾಡಿದ್ಳೂಂತ ಗೊತ್ತಾಯ್ತು’.</p>.<p>‘ಮನೆಯ ಮಗಳ ಮೇಲೆ ‘ಶಾ’ಣೇರು ಮಾಡಿದ ಮೋಡಿ(ದಿ) ಏನೂ ವರ್ಕ್ಔಟ್ ಆಗ್ಲಿಲ್ವಲ್ಲ. ವ್ಹೀಲ್ ಚೇರಿನಲ್ಲೇ ಶುರು ಮಾಡಿದ ಆಟದಲ್ಲಿ ಆಕೇದೇ ಕೊನೇ ನಗು!’ ಎಂದು ಗಹಗಹಿಸಿ ನಕ್ಕಳು.</p>.<p>ವಿಷಯಾಂತರಿಸಲು, ‘ಯಾಕೆ ಹಾಗೆ ನಗ್ತೀಯ? ವಿಶ್ವ ನಗುವಿನ ದಿನ ಮುಗಿದು ಹೋಯ್ತಲ್ಲ?’ ಎಂದೆ.</p>.<p>‘ಹೆಂಗಸರ ಮೇಲೆ ಮೀಸೆ ತಿರುಗಿಸೋ ನಿಮ್ಮಂಥೋರಿಗೆ ನಾಚ್ಕೆಯಾಗ್ಬೇಕು... ಗೊತ್ತಿದೆಯಲ್ಲ, ಕೇರಳದ ಚುನಾವಣೇಲಿ ಶೈಲಜಾ ಟೀಚರ್ ಅರವತ್ತೊಂದು ಸಾವಿರ ಮತಗಳ ಅಂತರದಿಂದ ಗೆದ್ದು ದಾಖಲೆ ಮಾಡಿದ್ದು!’</p>.<p>‘ಅಷ್ಟೊಂದು ವೋಟು ಹೇಗೆ ಬಂದವೋ?’</p>.<p>‘ಕೊರೊನಾ ಕಾಲದಲ್ಲಿ ದಕ್ಷತೆಯಿಂದ ಕೆಲಸ ಮಾಡಿರೋ ಮೂವರು ವಿಶ್ವ ನಾಯಕಿಯರಲ್ಲಿ ಅವರೊಬ್ರು. ಆರೋಗ್ಯ ಮಂತ್ರಿಯಾಗಿದ್ದ ಆಕೆ ಆಮ್ಲಜನಕ ಉತ್ಪಾದನಾ ಘಟಕಗಳನ್ನ ಸ್ಥಾಪಿಸಿ ಬೇರೆ ರಾಜ್ಯಗಳಿಗೂ ಆಮ್ಲಜನಕ ಕೊಟ್ರಂತೆ’!</p>.<p>ಅಷ್ಟರಲ್ಲಿ ಮಮ್ತಾಜ್ ಪೇಪರ್ ತಂದಿಟ್ಟಳು. ‘ಆಮ್ಲಜನಕದ ಕೊರತೆಯಿಂದ ಇಪ್ಪತ್ನಾಲ್ಕು ಜನರ ಸಾವು... ಮುಖ್ಯಮಂತ್ರಿ ಮನೆ, ವಿಧಾನಸೌಧದ ಮುಂದೆ ಕೊರೊನಾ ಸೋಂಕಿತರ ಗೋಳು... ದುಡ್ಡಿಗಾಗಿ ಬೆಡ್ಡು...’</p>.<p>ಉಸಿರು ಕಟ್ಟಿದಂತಾಗಿ ಕೆಮ್ಮಿದೆ. ನನ್ನಾಕೆಯ ಕುಟುಕು, ‘ವಿಶ್ವ ಅಸ್ತಮಾ ದಿನ ಬಂದು ಹೋಯ್ತಲ್ಲಾ’!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬೆಳ್ಳಂಬೆಳಿಗ್ಗೆ ಮನೆಗೆಲಸದ ಮಮ್ತಾಜ್ ‘ದೀದಿ ದೀದಿ’ ಎಂದು ಬಾಗಿಲು ಬಡಿದಳು.</p>.<p>ಕೂಲಿ ಕೆಲಸಕ್ಕೆ ಹೋಗುವುದರೊಳಗೆ ನಮ್ಮ ಮನೆಕೆಲಸ ಮಾಡಬೇಕಿದ್ದುದರಿಂದ ಮುಂಜಾನೆಯೇ ಕೆಲಸಕ್ಕೆ ಬರುತ್ತಿದ್ದಳು.</p>.<p>‘ದಾದಾ’ ಎಂದು ಕರೆಯುತ್ತಿದ್ದಂತೆ ಬಾಗಿಲು ತೆರೆಯುತ್ತಿದ್ದೆ. ಇವತ್ತು ‘ದೀದಿ’ ಎನ್ನುತ್ತಿದ್ದಾಳೆ! ದೀದಿಯೇ ತೆರೆಯಲಿ ಎಂದು ಸುಮ್ಮನಿದ್ದೆ.</p>.<p>‘ಕೂಗ್ತಿರೋದು ಕೇಳಿಸ್ತಿಲ್ವೇನ್ರೀ?’- ಬಂದೇಬಿಡ್ತು ಫರ್ಮಾನ್.</p>.<p>‘ಕರೆದದ್ದು ನಿನ್ನನ್ನ’ ಎಂದು ಮೆಲ್ಲಗೆ ಗೊಣಗಿಕೊಳ್ಳುತ್ತಾ ಬಾಗಿಲು ತೆರೆದೆ.</p>.<p>‘ಇನ್ಮೇಲೆ ಹೆಸ್ರು ನನ್ನದಾದ್ರೂ ಕೆಲ್ಸ ನಿಮ್ದೇ... ನೋಡಿದ್ರಲ್ಲಾ, ಮೋದಿಗಿಂತ ದೀದಿಯೇ ಮೇಲು. ಮುಖ್ಯಮಂತ್ರಿಯಾಗಿ ಹ್ಯಾಟ್ರಿಕ್ ಹೊಡೆದೇಬಿಟ್ರು!’</p>.<p>‘ಮಮ್ತಾಜ್, ದೀದಿ ಕಡೆಗೆ ಯಾಕೆ ಪಕ್ಷಾಂತರ ಮಾಡಿದ್ಳೂಂತ ಗೊತ್ತಾಯ್ತು’.</p>.<p>‘ಮನೆಯ ಮಗಳ ಮೇಲೆ ‘ಶಾ’ಣೇರು ಮಾಡಿದ ಮೋಡಿ(ದಿ) ಏನೂ ವರ್ಕ್ಔಟ್ ಆಗ್ಲಿಲ್ವಲ್ಲ. ವ್ಹೀಲ್ ಚೇರಿನಲ್ಲೇ ಶುರು ಮಾಡಿದ ಆಟದಲ್ಲಿ ಆಕೇದೇ ಕೊನೇ ನಗು!’ ಎಂದು ಗಹಗಹಿಸಿ ನಕ್ಕಳು.</p>.<p>ವಿಷಯಾಂತರಿಸಲು, ‘ಯಾಕೆ ಹಾಗೆ ನಗ್ತೀಯ? ವಿಶ್ವ ನಗುವಿನ ದಿನ ಮುಗಿದು ಹೋಯ್ತಲ್ಲ?’ ಎಂದೆ.</p>.<p>‘ಹೆಂಗಸರ ಮೇಲೆ ಮೀಸೆ ತಿರುಗಿಸೋ ನಿಮ್ಮಂಥೋರಿಗೆ ನಾಚ್ಕೆಯಾಗ್ಬೇಕು... ಗೊತ್ತಿದೆಯಲ್ಲ, ಕೇರಳದ ಚುನಾವಣೇಲಿ ಶೈಲಜಾ ಟೀಚರ್ ಅರವತ್ತೊಂದು ಸಾವಿರ ಮತಗಳ ಅಂತರದಿಂದ ಗೆದ್ದು ದಾಖಲೆ ಮಾಡಿದ್ದು!’</p>.<p>‘ಅಷ್ಟೊಂದು ವೋಟು ಹೇಗೆ ಬಂದವೋ?’</p>.<p>‘ಕೊರೊನಾ ಕಾಲದಲ್ಲಿ ದಕ್ಷತೆಯಿಂದ ಕೆಲಸ ಮಾಡಿರೋ ಮೂವರು ವಿಶ್ವ ನಾಯಕಿಯರಲ್ಲಿ ಅವರೊಬ್ರು. ಆರೋಗ್ಯ ಮಂತ್ರಿಯಾಗಿದ್ದ ಆಕೆ ಆಮ್ಲಜನಕ ಉತ್ಪಾದನಾ ಘಟಕಗಳನ್ನ ಸ್ಥಾಪಿಸಿ ಬೇರೆ ರಾಜ್ಯಗಳಿಗೂ ಆಮ್ಲಜನಕ ಕೊಟ್ರಂತೆ’!</p>.<p>ಅಷ್ಟರಲ್ಲಿ ಮಮ್ತಾಜ್ ಪೇಪರ್ ತಂದಿಟ್ಟಳು. ‘ಆಮ್ಲಜನಕದ ಕೊರತೆಯಿಂದ ಇಪ್ಪತ್ನಾಲ್ಕು ಜನರ ಸಾವು... ಮುಖ್ಯಮಂತ್ರಿ ಮನೆ, ವಿಧಾನಸೌಧದ ಮುಂದೆ ಕೊರೊನಾ ಸೋಂಕಿತರ ಗೋಳು... ದುಡ್ಡಿಗಾಗಿ ಬೆಡ್ಡು...’</p>.<p>ಉಸಿರು ಕಟ್ಟಿದಂತಾಗಿ ಕೆಮ್ಮಿದೆ. ನನ್ನಾಕೆಯ ಕುಟುಕು, ‘ವಿಶ್ವ ಅಸ್ತಮಾ ದಿನ ಬಂದು ಹೋಯ್ತಲ್ಲಾ’!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
