<p>‘ಅಣೈ, ಪರಿಸರ ಯಂಗೆ ಬದಲಾಯ್ತದೆ ಅದಕ್ಕೆ ತಕ್ಕಂಗೆ ನಾವು ಜೀವನಶೈಲಿಯನ್ನ ಬದಲಾಯಿ ಸಿಗ್ಯಬಕು ಅಂತ ಪೇಪರಲ್ಲಿ ಬರೆದವ್ರೆ. ಆದ್ರೆ ಪ್ರವಾಹ, ಭೂಕುಸಿತ, ಮಳೆ ನಮ್ಮನ್ನ ರೋಸ್ತಾವಲ್ಲ’ ಚಂದ್ರು ಕ್ಯಾತೆ ತೆಗೆದ.</p>.<p>‘ಇವೆಲ್ಲಾ ಆ್ಯಕ್ಟ್ ಆಫ್ ಗಾಡ್ ಕನ್ರೋ. ಮನುಷ್ಯರ ಅಹಂಕಾರಕ್ಕೆ ದೇವರು ಹಾಕ್ತಿರೋ ಪೆನಾಲ್ಟಿ. ಅದಕ್ಕೆ ದಂಡ ತೆತ್ತ ಮೇಲೆ ನಮ್ಮ ಲೈಫ್ಸ್ಟೈಲ್ ಬದಲಾಗಬೇಕು’ ತುರೇಮಣೆ ಒಪ್ಪಿಕ್ಯಂದರು.</p>.<p>‘ಆ್ಯಕ್ಟ್ ಆಫ್ ಗಾಡ್ಗೆ ಪರಿಹಾರ ಇಲ್ಲ ದಿಟ. ದಿನಾ ಪೇಪರಲ್ಲಿ ಹಗರಣ, ಅಕ್ರಮ, ಆರೋಪ, ಅಪಘಾತ, ಪ್ರತಿಭಟನೆ, ಭ್ರಷ್ಟಾಚಾರದ ವರದಿಗಳೇ ಎದ್ದು ಕಾಣ್ತವೆ. ಇದುಕ್ಕೆ ಯಾರು ಕಾರಣ?’ ಅಂತ ಕೇಳಿದೆ.</p>.<p>‘ರಾಜಕೀಯದ ಫ್ರಾಡ್ ಜನರ ಮ್ಯಾಲೆ ಹೇರಿಕ್ಯಳದು ಹಿಂಗೀಯೆ, ತಿಳಕಳಿ!’ ತುರೇಮಣೆ ಒಳ ವಿಚಾರ ಕೆದಕಿದರು.</p>.<p>‘ಸಿಎಂ ಸಯಾಬ್ರು ‘ಅವರ ಕಾಲದಲ್ಲಿ ಕೋಟಿ ಕೋಟಿ ಹಗರಣ ಆಗಿರಲಿಲ್ವೇ? ನಮ್ಮವರು ಯಾರೂ ಯಾವ ಹಗರಣದಲ್ಲೂ ಇಲ್ಲ’ ಅಂತ ಬಾರಾನಮೂನೆ ಲೆಕ್ಕ ಕೊಡ್ತಾವ್ರಲ್ಲಾ ಇದನ್ನೆಲ್ಲಾ ಯಾಕೆ ತನಿಖೆ ಮಾಡಿಸಬಾರದು?’ ಅರಾಜಕೀಯ ಪ್ರಶ್ನೆ ಕೇಳಿದೆ.</p>.<p>‘ಇದು ನಿಂದಾಣಿಕೆ ರಾಜಕೀಯ ಕನೋ. ನಾಳೆ ಬಹುಮತ ಬರದೇ ಇದ್ರೆ ಇವರೆಲ್ಲಾ ಅವರ ಬಡ್ಡೇಗೆ ಹೋಗಿ ಹೊಂದಾಣಿಕೆ ಒಪ್ಪೀಳ್ಯ ಮಾಡಬೇಕಾಯ್ತದೆ. ಅದುಕ್ಕೆ ‘ನಾನು ಹೊಡೆದಂಗೆ ಮಾಡ್ತೀನಿ. ನೀನು ಅತ್ತಂಗೆ ಮಾಡು’ ಅಂತ ರಾಜಿಕಬೂಲು ಮಾಡಿಕ್ಯತ್ತರೆ!’ ತುರೇಮಣೆ ಸಿಡಿಗುಟ್ಟಿದರು.</p>.<p>‘ಇವರು ಹಿಂಗೆ ಮಾಡಿದ್ರೆ ಯಾವ ತನಿಖೇನೂ ಬರ್ಕತ್ತಾಗಲ್ಲ ಬುಡಿ. ನಮ್ಮ ಕತೆ ಯಂಗೆ?’ ಅಂತಂದೆ ಬೇಸರದಲ್ಲಿ.</p>.<p>‘ಇದೇ ಕನೋ ಆ್ಯಕ್ಟ್ ಆಫ್ ಫ್ರಾಡ್ ಅಂದ್ರೆ! ಫ್ರಾಡ್ ರಾಜಕಾರಣಿಗಳಿಗೆ ಮಾತ್ರ ಬರೋ ಜಡ್ಡು. ಇದರ ದುಷ್ಪರಿಣಾಮಕ್ಕೆ ನಾವು ಬಲಿಯಾಗದೇ ದಿನಕ್ಕೆ ಎರಡು ಬೂವಕ್ಕೆ ದಾರಿ ಮಾಡಿಕ್ಯಂಡ್ರೆ ಸಾಕು’.</p>.<p>ತುರೇಮಣೆ ಮಾತಿಗೆ ನಾವೆಲ್ಲರೂ ಕಿಸಕ್ಕನೆ ನಕ್ಕು ಎದ್ದೋದೊ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಅಣೈ, ಪರಿಸರ ಯಂಗೆ ಬದಲಾಯ್ತದೆ ಅದಕ್ಕೆ ತಕ್ಕಂಗೆ ನಾವು ಜೀವನಶೈಲಿಯನ್ನ ಬದಲಾಯಿ ಸಿಗ್ಯಬಕು ಅಂತ ಪೇಪರಲ್ಲಿ ಬರೆದವ್ರೆ. ಆದ್ರೆ ಪ್ರವಾಹ, ಭೂಕುಸಿತ, ಮಳೆ ನಮ್ಮನ್ನ ರೋಸ್ತಾವಲ್ಲ’ ಚಂದ್ರು ಕ್ಯಾತೆ ತೆಗೆದ.</p>.<p>‘ಇವೆಲ್ಲಾ ಆ್ಯಕ್ಟ್ ಆಫ್ ಗಾಡ್ ಕನ್ರೋ. ಮನುಷ್ಯರ ಅಹಂಕಾರಕ್ಕೆ ದೇವರು ಹಾಕ್ತಿರೋ ಪೆನಾಲ್ಟಿ. ಅದಕ್ಕೆ ದಂಡ ತೆತ್ತ ಮೇಲೆ ನಮ್ಮ ಲೈಫ್ಸ್ಟೈಲ್ ಬದಲಾಗಬೇಕು’ ತುರೇಮಣೆ ಒಪ್ಪಿಕ್ಯಂದರು.</p>.<p>‘ಆ್ಯಕ್ಟ್ ಆಫ್ ಗಾಡ್ಗೆ ಪರಿಹಾರ ಇಲ್ಲ ದಿಟ. ದಿನಾ ಪೇಪರಲ್ಲಿ ಹಗರಣ, ಅಕ್ರಮ, ಆರೋಪ, ಅಪಘಾತ, ಪ್ರತಿಭಟನೆ, ಭ್ರಷ್ಟಾಚಾರದ ವರದಿಗಳೇ ಎದ್ದು ಕಾಣ್ತವೆ. ಇದುಕ್ಕೆ ಯಾರು ಕಾರಣ?’ ಅಂತ ಕೇಳಿದೆ.</p>.<p>‘ರಾಜಕೀಯದ ಫ್ರಾಡ್ ಜನರ ಮ್ಯಾಲೆ ಹೇರಿಕ್ಯಳದು ಹಿಂಗೀಯೆ, ತಿಳಕಳಿ!’ ತುರೇಮಣೆ ಒಳ ವಿಚಾರ ಕೆದಕಿದರು.</p>.<p>‘ಸಿಎಂ ಸಯಾಬ್ರು ‘ಅವರ ಕಾಲದಲ್ಲಿ ಕೋಟಿ ಕೋಟಿ ಹಗರಣ ಆಗಿರಲಿಲ್ವೇ? ನಮ್ಮವರು ಯಾರೂ ಯಾವ ಹಗರಣದಲ್ಲೂ ಇಲ್ಲ’ ಅಂತ ಬಾರಾನಮೂನೆ ಲೆಕ್ಕ ಕೊಡ್ತಾವ್ರಲ್ಲಾ ಇದನ್ನೆಲ್ಲಾ ಯಾಕೆ ತನಿಖೆ ಮಾಡಿಸಬಾರದು?’ ಅರಾಜಕೀಯ ಪ್ರಶ್ನೆ ಕೇಳಿದೆ.</p>.<p>‘ಇದು ನಿಂದಾಣಿಕೆ ರಾಜಕೀಯ ಕನೋ. ನಾಳೆ ಬಹುಮತ ಬರದೇ ಇದ್ರೆ ಇವರೆಲ್ಲಾ ಅವರ ಬಡ್ಡೇಗೆ ಹೋಗಿ ಹೊಂದಾಣಿಕೆ ಒಪ್ಪೀಳ್ಯ ಮಾಡಬೇಕಾಯ್ತದೆ. ಅದುಕ್ಕೆ ‘ನಾನು ಹೊಡೆದಂಗೆ ಮಾಡ್ತೀನಿ. ನೀನು ಅತ್ತಂಗೆ ಮಾಡು’ ಅಂತ ರಾಜಿಕಬೂಲು ಮಾಡಿಕ್ಯತ್ತರೆ!’ ತುರೇಮಣೆ ಸಿಡಿಗುಟ್ಟಿದರು.</p>.<p>‘ಇವರು ಹಿಂಗೆ ಮಾಡಿದ್ರೆ ಯಾವ ತನಿಖೇನೂ ಬರ್ಕತ್ತಾಗಲ್ಲ ಬುಡಿ. ನಮ್ಮ ಕತೆ ಯಂಗೆ?’ ಅಂತಂದೆ ಬೇಸರದಲ್ಲಿ.</p>.<p>‘ಇದೇ ಕನೋ ಆ್ಯಕ್ಟ್ ಆಫ್ ಫ್ರಾಡ್ ಅಂದ್ರೆ! ಫ್ರಾಡ್ ರಾಜಕಾರಣಿಗಳಿಗೆ ಮಾತ್ರ ಬರೋ ಜಡ್ಡು. ಇದರ ದುಷ್ಪರಿಣಾಮಕ್ಕೆ ನಾವು ಬಲಿಯಾಗದೇ ದಿನಕ್ಕೆ ಎರಡು ಬೂವಕ್ಕೆ ದಾರಿ ಮಾಡಿಕ್ಯಂಡ್ರೆ ಸಾಕು’.</p>.<p>ತುರೇಮಣೆ ಮಾತಿಗೆ ನಾವೆಲ್ಲರೂ ಕಿಸಕ್ಕನೆ ನಕ್ಕು ಎದ್ದೋದೊ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
