<p>‘ಸಾರ್, ಮಗಳು ಪಮ್ಮಿಯ ಆರೋಗ್ಯ ತಪಾಸಣೆ ಮಾಡಿ, ವಸ್ತ್ರ ವೈರಸ್ ಇದ್ದರೆ ಲಸಿಕೆ, ಚಿಕಿತ್ಸೆ ಕೊಡಿ...’ ಎಂದು ಶಂಕ್ರಿ, ಸುಮಿ ತಜ್ಞರಿಗೆ ಮನವಿ ಮಾಡಿದರು.</p>.<p>ಪಮ್ಮಿಯನ್ನು ತಪಾಸಣೆ ಮಾಡಿದ ತಜ್ಞರು, ‘ವಸ್ತ್ರ ವೈರಸ್ ಅಂಟಿಲ್ಲ, ಕಾಲೇಜಿನಲ್ಲಿ ಕಾಯಿಲೆ ತಡೆ ಕ್ರಮಗಳನ್ನು ಕಡ್ಡಾಯವಾಗಿ ಪಾಲಿಸಬೇಕು’ ಎಂದರು.</p>.<p>‘ಈ ಕಾಯಿಲೆಗೂ ಮಾಸ್ಕ್ ಹಾಕಬೇಕಾ ಸಾರ್?’ ಸುಮಿ ಕೇಳಿದಳು.</p>.<p>‘ಹೌದು, ಮೂಗು, ಬಾಯಿ ಜೊತೆಗೆ ಕಿವಿಗೂ ಮಾಸ್ಕ್ ಹಾಕಬೇಕು. ವಸ್ತ್ರ ವೈರಸ್ ಕಿವಿಯಿಂದ ಕಿವಿಗೆ ಬೇಗ ಹರಡುತ್ತದೆ’.</p>.<p>‘ಈ ಕಾಯಿಲೆ ಲಕ್ಷಣಗಳೇನು ಸಾರ್?’ ಶಂಕ್ರಿ ಕೇಳಿದ.</p>.<p>‘ಕಲರ್ ಬ್ಲೈಂಡ್ನೆಸ್, ಇಷ್ಟವಿಲ್ಲದ ಬಣ್ಣ ಕಂಡರೆ ಕಣ್ಣುರಿ, ಅಸಹಿಷ್ಣುತೆ, ಅಸಮಾನತೆ ರೀತಿಯ ಅವಲಕ್ಷಣಗಳೇ ಈ ರೋಗದ ಲಕ್ಷಣಗಳು’.</p>.<p>‘ಕಾಲೇಜಿನಲ್ಲಿ ಒಮ್ಮೊಮ್ಮೆ ನನಗೂ ಈ ರೀತಿ ಆಗುತ್ತಿತ್ತು ಸಾರ್’ ಅಂದಳು ಪಮ್ಮಿ.</p>.<p>‘ಸೋಂಕಿತರಿಂದ ಅಂತರ ಕಾಪಾಡಿಕೋ, ಅವರ ಬಣ್ಣದ ಮಾತುಗಳಿಗೆ ಮರುಳಾಗಬೇಡ, ಸೋಂಕು ಅಂಟಿಸಿಕೊಂಡರೆ ಹೋಂ ಕ್ವಾರಂಟೈನ್ ಮಾಡಿ ಆನ್ಲೈನ್ ಕ್ಲಾಸ್ ಮಾಡ್ತಾರೆ, ಹುಷಾರು!...’ ತಜ್ಞರು ಎಚ್ಚರಿಸಿದರು.</p>.<p>‘ಕಾಲೇಜಿಗೆ ಪೊಲೀಸ್ ಕಾವಲಿದೆ ಅಂತ ನೆಗ್ಲೆಕ್ಟ್ ಮಾಡ್ಬೇಡ, ವಿಕೃತ ವೈರಸ್ಗಳು ಹೇಗಾದ್ರೂ ನುಗ್ಗಿಬಿಡುತ್ತವೆ’ ಎಂದಳು ಸುಮಿ.</p>.<p>‘ಕೊರೊನಾ ಮೊದಲ ಅಲೆ ವಯೋವೃದ್ಧರನ್ನು ಬಾಧಿಸಿತ್ತು, ಮತ್ತೊಂದು ಅಲೆ ವಯಸ್ಕರನ್ನೂ ಕಾಡಿತ್ತು. ವಸ್ತ್ರ ವೈರಸ್ ಶಾಲಾಕಾಲೇಜು ಮಕ್ಕಳಿಗೆ ವಕ್ಕರಿಸಿಕೊಂಡಿದೆ. ಅದರಲ್ಲೂ, ವೋಟರ್ ಲಿಸ್ಟ್ಗೆ ಹೊಸದಾಗಿ ಸೇರಿರುವ, ಸೇರಲು ಸಮೀಪವಿರುವ ವಯಸ್ಸಿನವರನ್ನು ಇದು ಕಾಡುತ್ತಿದೆ’ ಶಂಕ್ರಿ ಸಂಕಟಪಟ್ಟ.</p>.<p>‘ಧೈರ್ಯವಾಗಿರಿ, ವಸ್ತ್ರ ವೈರಸ್ ಸೀಜನ್ ಕಾಯಿಲೆ, ಎಲೆಕ್ಷನ್ ಸೀಜನ್ ಮುಗಿದ ಮೇಲೆ ನಿಯಂತ್ರಣಕ್ಕೆ ಬರುತ್ತದೆ ಎಂದು ಪರಿಣತರು, ಪ್ರಾಜ್ಞರು ಅಧ್ಯಯನದಿಂದ ಕಂಡುಕೊಂಡಿದ್ದಾರೆ...’ ಎಂದರು ತಜ್ಞರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ಸಾರ್, ಮಗಳು ಪಮ್ಮಿಯ ಆರೋಗ್ಯ ತಪಾಸಣೆ ಮಾಡಿ, ವಸ್ತ್ರ ವೈರಸ್ ಇದ್ದರೆ ಲಸಿಕೆ, ಚಿಕಿತ್ಸೆ ಕೊಡಿ...’ ಎಂದು ಶಂಕ್ರಿ, ಸುಮಿ ತಜ್ಞರಿಗೆ ಮನವಿ ಮಾಡಿದರು.</p>.<p>ಪಮ್ಮಿಯನ್ನು ತಪಾಸಣೆ ಮಾಡಿದ ತಜ್ಞರು, ‘ವಸ್ತ್ರ ವೈರಸ್ ಅಂಟಿಲ್ಲ, ಕಾಲೇಜಿನಲ್ಲಿ ಕಾಯಿಲೆ ತಡೆ ಕ್ರಮಗಳನ್ನು ಕಡ್ಡಾಯವಾಗಿ ಪಾಲಿಸಬೇಕು’ ಎಂದರು.</p>.<p>‘ಈ ಕಾಯಿಲೆಗೂ ಮಾಸ್ಕ್ ಹಾಕಬೇಕಾ ಸಾರ್?’ ಸುಮಿ ಕೇಳಿದಳು.</p>.<p>‘ಹೌದು, ಮೂಗು, ಬಾಯಿ ಜೊತೆಗೆ ಕಿವಿಗೂ ಮಾಸ್ಕ್ ಹಾಕಬೇಕು. ವಸ್ತ್ರ ವೈರಸ್ ಕಿವಿಯಿಂದ ಕಿವಿಗೆ ಬೇಗ ಹರಡುತ್ತದೆ’.</p>.<p>‘ಈ ಕಾಯಿಲೆ ಲಕ್ಷಣಗಳೇನು ಸಾರ್?’ ಶಂಕ್ರಿ ಕೇಳಿದ.</p>.<p>‘ಕಲರ್ ಬ್ಲೈಂಡ್ನೆಸ್, ಇಷ್ಟವಿಲ್ಲದ ಬಣ್ಣ ಕಂಡರೆ ಕಣ್ಣುರಿ, ಅಸಹಿಷ್ಣುತೆ, ಅಸಮಾನತೆ ರೀತಿಯ ಅವಲಕ್ಷಣಗಳೇ ಈ ರೋಗದ ಲಕ್ಷಣಗಳು’.</p>.<p>‘ಕಾಲೇಜಿನಲ್ಲಿ ಒಮ್ಮೊಮ್ಮೆ ನನಗೂ ಈ ರೀತಿ ಆಗುತ್ತಿತ್ತು ಸಾರ್’ ಅಂದಳು ಪಮ್ಮಿ.</p>.<p>‘ಸೋಂಕಿತರಿಂದ ಅಂತರ ಕಾಪಾಡಿಕೋ, ಅವರ ಬಣ್ಣದ ಮಾತುಗಳಿಗೆ ಮರುಳಾಗಬೇಡ, ಸೋಂಕು ಅಂಟಿಸಿಕೊಂಡರೆ ಹೋಂ ಕ್ವಾರಂಟೈನ್ ಮಾಡಿ ಆನ್ಲೈನ್ ಕ್ಲಾಸ್ ಮಾಡ್ತಾರೆ, ಹುಷಾರು!...’ ತಜ್ಞರು ಎಚ್ಚರಿಸಿದರು.</p>.<p>‘ಕಾಲೇಜಿಗೆ ಪೊಲೀಸ್ ಕಾವಲಿದೆ ಅಂತ ನೆಗ್ಲೆಕ್ಟ್ ಮಾಡ್ಬೇಡ, ವಿಕೃತ ವೈರಸ್ಗಳು ಹೇಗಾದ್ರೂ ನುಗ್ಗಿಬಿಡುತ್ತವೆ’ ಎಂದಳು ಸುಮಿ.</p>.<p>‘ಕೊರೊನಾ ಮೊದಲ ಅಲೆ ವಯೋವೃದ್ಧರನ್ನು ಬಾಧಿಸಿತ್ತು, ಮತ್ತೊಂದು ಅಲೆ ವಯಸ್ಕರನ್ನೂ ಕಾಡಿತ್ತು. ವಸ್ತ್ರ ವೈರಸ್ ಶಾಲಾಕಾಲೇಜು ಮಕ್ಕಳಿಗೆ ವಕ್ಕರಿಸಿಕೊಂಡಿದೆ. ಅದರಲ್ಲೂ, ವೋಟರ್ ಲಿಸ್ಟ್ಗೆ ಹೊಸದಾಗಿ ಸೇರಿರುವ, ಸೇರಲು ಸಮೀಪವಿರುವ ವಯಸ್ಸಿನವರನ್ನು ಇದು ಕಾಡುತ್ತಿದೆ’ ಶಂಕ್ರಿ ಸಂಕಟಪಟ್ಟ.</p>.<p>‘ಧೈರ್ಯವಾಗಿರಿ, ವಸ್ತ್ರ ವೈರಸ್ ಸೀಜನ್ ಕಾಯಿಲೆ, ಎಲೆಕ್ಷನ್ ಸೀಜನ್ ಮುಗಿದ ಮೇಲೆ ನಿಯಂತ್ರಣಕ್ಕೆ ಬರುತ್ತದೆ ಎಂದು ಪರಿಣತರು, ಪ್ರಾಜ್ಞರು ಅಧ್ಯಯನದಿಂದ ಕಂಡುಕೊಂಡಿದ್ದಾರೆ...’ ಎಂದರು ತಜ್ಞರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
