ಚುರುಮುರಿ: ಸ್ವರ್ಗಕ್ಕೆ ದಾರಿ!

ಹರಟೆಕಟ್ಟೆಗೆ ಬಹಳ ಜೋಶ್ನಿಂದ ಬಂದ ತೆಪರೇಸಿ ‘ಕಿಂಬೋಹೋ ಸರ್ವಭ್ಯಾಹ ಕುಶಲಂವಾ?’ ಎಂದ. ಮಂಜಮ್ಮಗೆ ಅರ್ಥವಾಗಲಿಲ್ಲ. ಗುಡ್ಡೆ, ದುಬ್ಬೀರ ಮುಖ ಮುಖ ನೋಡಿಕೊಂಡರು.

. ‘ಏನೋ ಹಂಗಂದ್ರೆ? ಯಾವ ಭಾಷೆ ಅದು?’ ಕೊಟ್ರೇಶಿ ಕೇಳಿದ.

. ‘ಏತತ್ ಸಂಸ್ಕೃತಂ ಭವಂತಹ ಮೂರ್ಖಾಹ ನ ಜಾನಂತೀ’ ಎಂದ ತೆಪರೇಸಿ.

. ‘ಮೋಸ್ಟ್ಲೀ ಏನೋ ಬೈದಂಗಾತಪ’ ಎಂದ ಗುಡ್ಡೆ. ಮಂಜಮ್ಮಗೆ ಸಿಟ್ಟು ಬಂತು. ‘ನಿನ್ ಮಕ ನಾಯಿ ನೆಕ್ಕ, ಅದೇನು ನೆಟ್ಟಗೆ ಬೊಗಳೋ’ ಎಂದಳು.

. ‘ಅರ್ಥ ಆಗ್ಲಿಲ್ವಾ? ಮೊದ್ಲು ಕೇಳಿದ್ದು ‘ಏನ್ರಲೆ ಎಲ್ಲ ಪಾಡದೀರಾ’ ಅಂತ. ಆಮೇಲೆ ಹೇಳಿದ್ದು ‘ಇದು ಸಂಸ್ಕೃತ, ನಿಮ್ಮಂಥ ದಡ್ಡರಿಗೆ ಅರ್ಥ ಆಗಲ್ಲ ಅಂತ. ನಾನು ಸಂಸ್ಕೃತ ಕಲೀತಿದೀನಿ’ ತೆಪರೇಸಿ ನಕ್ಕ.

. ‘ಹೌದಾ? ಮಾಡಾಕೆ ಬೇರೆ ಕೆಲ್ಸ ಇರ್ಲಿಲ್ವಾ?’ ಗುಡ್ಡೆ ಕೇಳಿದ.

. ‘ಸಂಸ್ಕೃತ ಕಲೀದಿದ್ರೆ ಸ್ವರ್ಗಕ್ಕೆ ಪ್ರವೇಶ ಇಲ್ಲಂತೆ, ಗುರುಗಳು ಹೇಳಿದ್ದು ಗೊತ್ತಿಲ್ವಾ?’

. ‘ಲೇಯ್ ಆ ತಗಡು ಸ್ವರ್ಗಕ್ಕೆ ಹೋಗಿ ಏನ್ ಮಾಡ್ತೀಯಲೆ. ಅಲ್ಲಿ ರಂಭೆ, ಊರ್ವಶಿ ಎಲ್ಲ ಮುದುಕರಾಗಿದಾರಂತೆ, ಸೋಮರಸ ಬಿಟ್ರೆ ಬೇರೆ ಬ್ರಾಂಡ್ ಸಿಗಲ್ಲಂತೆ’ ಗುಡ್ಡೆ ನಕ್ಕ.

. ‘ನೋಡು, ಸ್ವರ್ಗ, ನರಕ ಎಲ್ಲ ಇಲ್ಲೇ ಇರೋದು, ಆದ್ರೂ ನಿಂಗೆ ಮೇಲಿನ ಸ್ವರ್ಗನೇ ಬೇಕು ಅಂದ್ರೆ ನಿನ್ ಹೆಂಡ್ತಿ ದಾರಿ ತೋರಿಸ್ತಾಳೆ ಹೋಗು. ‘ನಾರಿ ಸ್ವರ್ಗಕ್ಕೆ ದಾರಿ’ ಅಂತ ಕೇಳಿಲ್ವ?’ ದುಬ್ಬೀರ ಅನುಭವದ ಮಾತಾಡಿದ.

. ‘ಅವನೆಂಡ್ತಿನಾ? ಸೀದಾ ನರಕಾನೇ ತೋರ್ಸೋದು’ ಕೊಟ್ರ ಕಿಸಕ್ಕೆಂದ.

. ‘ಯಾಕಲೆ? ಹೆಂಗೈತಿ ಮೈಯಾಗೆ?’ ತೆಪರೇಸಿಗೆ ಸಿಟ್ಟು ಬಂತು.

. ‘ಶಾಂತಿ, ಶಾಂತಿ... ಶಾನ್ತಿರ ಶಾನ್ತಸ್ಯ ಕುತಂ ಸ್ವರ್ಗಂ’ ಎಂದ ಪರ್ಮೇಶಿ.

. ‘ಏನೋ ನಿಂಗೂ ಸಂಸ್ಕೃತ ಬರುತ್ತಾ? ಏನು ಹಂಗಂದ್ರೆ?’

. ‘ಶಾಂತಿ ಇಲ್ಲದವನಿಗೆ ಸ್ವರ್ಗವಿಲ್ಲ ಅಂತ’ ಪರ್ಮೇಶಿ ಮಾತಿಗೆ ಎಲ್ಲರೂ ಗೊಳ್ಳಂತ ನಕ್ಕರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚುರುಮುರಿ: ಸ್ವರ್ಗಕ್ಕೆ ದಾರಿ!

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಚೆಸ್‌: ಮುನ್ನಡೆ ಹಂಚಿಕೊಂಡ ಗುಕೇಶ್‌

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ಎರಡನೇ ಸುತ್ತಿಗೆ ಬಾಲಾಜಿ– ವರೆಲಾ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್