<p>ಮುಖಕ್ಕೆ ಮಾಸ್ಕ್ ಹಾಕಿಕೊಂಡು ರಸ್ತೆ ಅಗೆಸುತ್ತಿದ್ದ ವ್ಯಕ್ತಿ ಬಳಿ ಹೋಗಿ ಪರ್ಮೇಶಿ ಕೇಳಿದ, ‘ಏನ್ರಪ್ಪಾ <br>ಅಗೀತಿದೀರಿ?’</p>.<p>‘ಅದು ಹಳೇ ನೀರಿನ್ ಪೈಪಿತ್ತು ಸರ್, ಒಂದು ವರ್ಷ ಆದ್ರೂ ಬಿಲ್ಲಾಗಿಲ್ಲ, ಪೈಪ್ ತೆಗೆದು ಹೋದಷ್ಟಕ್ಕೆ ಮಾರ್ಕಳಣ ಅಂತ. ಹಾಳಾದ್ದು ಪೈಪೇ ಸಿಕ್ತಿಲ್ಲ ಸರ್’.</p>.<p>‘ಅಲ್ಲಪ್ಪ, ಕ್ವಾಂಟಮ್ ಕಾಲದಲ್ಲಿ ನೀವ್ಯಾಕೆ ಫ್ಯಾಂಟಮ್ ತರ ಮುಸುಕು ಹಾಕ್ಕೊಂಡಿದೀರಿ?’</p>.<p>‘ಇವತ್ತು ಫ್ಯಾಂಟಮ್ಮು, ನಾಳೆ ಬ್ಯಾಟ್ಮನ್ನು, ನಾಡಿದ್ದು ಸೂಪರ್ಮ್ಯಾನ್ ಆದ್ರೇನೇ ಕಾಲ. ಇಲ್ಲ ಅಂದ್ರೆ, ದಿನಾ ಇದೇ ಕೆಲ್ಸವಾ ನನ್ಮಕ್ಳಾ? ಈಗಿರೋ ಗುಂಡೀಲೆ ಬಿದ್ ಸಾಯ್ತಿದೀವಿ’ ಅಂತ ಜನ ತದುಕ್ತಾರೆ <br>ಸರ್’.</p>.<p>‘ಅಣ್ಣ, ಪೈಪ್ ಸಿಕ್ತಿಲ್ಲ’ ಅಂದ್ರು ಅಗೆಯೋರು.</p>.<p>‘ಹೌದಾ? ಈ ಗುಂಡಿಯಿಂದ ಹತ್ತಡಿ ದೂರಕ್ಕೆ ಎಲೆಕ್ಟ್ರಿಕ್ ಕೇಬಲ್ ಹಾಕಿದ್ರು... ಅದು ಸಿಕ್ರೆ ಹತ್ರದಲ್ಲೇ ಪೈಪಿರುತ್ತೆ’ ಅಂತ ರಸ್ತೆ ಇನ್ನೊಂದು ಬದಿಗೆ ಗುಂಡಿ ತೋಡುಸ್ದ.</p>.<p>‘ಅಣ್ಣಾವ್ರೇ, ಇಲ್ಲಿ ಎಲೆಕ್ಟ್ರಿಕ್ ಕೇಬಲ್ಲೇ ಇಲ್ವಲ್ಲ...’ ಕೆಲಸದೋರು ಕೂಗುದ್ರು.</p>.<p>‘ಅದೂ ಇಲ್ವಾ? ತಡಿ, ರಸ್ತೆ ಮಧ್ಯದಲ್ಲಿ ಡ್ರೈನೇಜ್ ಪೈಪ್ ಹೋಗಿರುತ್ತೆ. ಅದರಿಂದ ಮೂರು ಅಡಿ ಎಡಕ್ಕೆ ಅಗುದ್ರೆ ನಮ್ ಪೈಪ್ ಸಿಗುತ್ತೆ’ ಎಂದು ರಸ್ತೆ ಮಧ್ಯೆ ಅಗೆಸ್ದ.</p>.<p>‘ಅಣ್ಣ, ಅಗೆದು ಅಗೆದು ಕಣ್ಣಲ್ಲಿ ನೀರು ಬರ್ತಿದೆ. ಬಾವಿ ತೋಡಿದ್ರೆ ನೀರೇ ಬರೋದು’ ಅಂತ ಆಳಕ್ಕೆ ಅಗೆಯಕ್ ಶುರು ಹಚ್ಕಂಡ್ರು. ಕೆಲ ನಿಮಿಷದಲ್ಲೇ ಒಬ್ಬ ಕೂಗ್ದ: ‘ಅಣ್ಣ ಬುರುಡೆ ಸಿಕ್ತು’.</p>.<p>‘ಬುರುಡೇನಾ?’ ಗಾಬರಿಯಾದ ಪರ್ಮೇಶಿ!</p>.<p>‘ಹೆದರ್ಕಬೇಡಿ ಸರ್, ಎಳನೀರು ಬುರುಡೆ’ ಎಂದು ನಕ್ಕ ತೋಡುತ್ತಿದ್ದವ.</p>.<p>‘ಎಳನೀರು ಬುರುಡೆ ಅಂದ್ರೆ ಇದು ನೀರಾಂಬುಧಿ ಕೆರೆ ಲೇಔಟ್! ಇದಲ್ಲ ಕಣ್ರೋ, ನಾವು ನೊರಾಂಬುಧಿ ಕೆರೆ ಏರಿಯಾ ಹುಡುಕ್ಬೇಕು’ ಎಂದು ಗುಂಡಿ ಹಾಗೇ ಬಿಟ್ಟು ಹಾರೆ ಪಿಕಾಸಿ ಎತ್ತಿಕೊಂಡು ಹೊರಟರು.</p>.<p>ಪರ್ಮೇಶಿ ಕಣ್ ಕಣ್ ಬಿಟ್ಟ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮುಖಕ್ಕೆ ಮಾಸ್ಕ್ ಹಾಕಿಕೊಂಡು ರಸ್ತೆ ಅಗೆಸುತ್ತಿದ್ದ ವ್ಯಕ್ತಿ ಬಳಿ ಹೋಗಿ ಪರ್ಮೇಶಿ ಕೇಳಿದ, ‘ಏನ್ರಪ್ಪಾ <br>ಅಗೀತಿದೀರಿ?’</p>.<p>‘ಅದು ಹಳೇ ನೀರಿನ್ ಪೈಪಿತ್ತು ಸರ್, ಒಂದು ವರ್ಷ ಆದ್ರೂ ಬಿಲ್ಲಾಗಿಲ್ಲ, ಪೈಪ್ ತೆಗೆದು ಹೋದಷ್ಟಕ್ಕೆ ಮಾರ್ಕಳಣ ಅಂತ. ಹಾಳಾದ್ದು ಪೈಪೇ ಸಿಕ್ತಿಲ್ಲ ಸರ್’.</p>.<p>‘ಅಲ್ಲಪ್ಪ, ಕ್ವಾಂಟಮ್ ಕಾಲದಲ್ಲಿ ನೀವ್ಯಾಕೆ ಫ್ಯಾಂಟಮ್ ತರ ಮುಸುಕು ಹಾಕ್ಕೊಂಡಿದೀರಿ?’</p>.<p>‘ಇವತ್ತು ಫ್ಯಾಂಟಮ್ಮು, ನಾಳೆ ಬ್ಯಾಟ್ಮನ್ನು, ನಾಡಿದ್ದು ಸೂಪರ್ಮ್ಯಾನ್ ಆದ್ರೇನೇ ಕಾಲ. ಇಲ್ಲ ಅಂದ್ರೆ, ದಿನಾ ಇದೇ ಕೆಲ್ಸವಾ ನನ್ಮಕ್ಳಾ? ಈಗಿರೋ ಗುಂಡೀಲೆ ಬಿದ್ ಸಾಯ್ತಿದೀವಿ’ ಅಂತ ಜನ ತದುಕ್ತಾರೆ <br>ಸರ್’.</p>.<p>‘ಅಣ್ಣ, ಪೈಪ್ ಸಿಕ್ತಿಲ್ಲ’ ಅಂದ್ರು ಅಗೆಯೋರು.</p>.<p>‘ಹೌದಾ? ಈ ಗುಂಡಿಯಿಂದ ಹತ್ತಡಿ ದೂರಕ್ಕೆ ಎಲೆಕ್ಟ್ರಿಕ್ ಕೇಬಲ್ ಹಾಕಿದ್ರು... ಅದು ಸಿಕ್ರೆ ಹತ್ರದಲ್ಲೇ ಪೈಪಿರುತ್ತೆ’ ಅಂತ ರಸ್ತೆ ಇನ್ನೊಂದು ಬದಿಗೆ ಗುಂಡಿ ತೋಡುಸ್ದ.</p>.<p>‘ಅಣ್ಣಾವ್ರೇ, ಇಲ್ಲಿ ಎಲೆಕ್ಟ್ರಿಕ್ ಕೇಬಲ್ಲೇ ಇಲ್ವಲ್ಲ...’ ಕೆಲಸದೋರು ಕೂಗುದ್ರು.</p>.<p>‘ಅದೂ ಇಲ್ವಾ? ತಡಿ, ರಸ್ತೆ ಮಧ್ಯದಲ್ಲಿ ಡ್ರೈನೇಜ್ ಪೈಪ್ ಹೋಗಿರುತ್ತೆ. ಅದರಿಂದ ಮೂರು ಅಡಿ ಎಡಕ್ಕೆ ಅಗುದ್ರೆ ನಮ್ ಪೈಪ್ ಸಿಗುತ್ತೆ’ ಎಂದು ರಸ್ತೆ ಮಧ್ಯೆ ಅಗೆಸ್ದ.</p>.<p>‘ಅಣ್ಣ, ಅಗೆದು ಅಗೆದು ಕಣ್ಣಲ್ಲಿ ನೀರು ಬರ್ತಿದೆ. ಬಾವಿ ತೋಡಿದ್ರೆ ನೀರೇ ಬರೋದು’ ಅಂತ ಆಳಕ್ಕೆ ಅಗೆಯಕ್ ಶುರು ಹಚ್ಕಂಡ್ರು. ಕೆಲ ನಿಮಿಷದಲ್ಲೇ ಒಬ್ಬ ಕೂಗ್ದ: ‘ಅಣ್ಣ ಬುರುಡೆ ಸಿಕ್ತು’.</p>.<p>‘ಬುರುಡೇನಾ?’ ಗಾಬರಿಯಾದ ಪರ್ಮೇಶಿ!</p>.<p>‘ಹೆದರ್ಕಬೇಡಿ ಸರ್, ಎಳನೀರು ಬುರುಡೆ’ ಎಂದು ನಕ್ಕ ತೋಡುತ್ತಿದ್ದವ.</p>.<p>‘ಎಳನೀರು ಬುರುಡೆ ಅಂದ್ರೆ ಇದು ನೀರಾಂಬುಧಿ ಕೆರೆ ಲೇಔಟ್! ಇದಲ್ಲ ಕಣ್ರೋ, ನಾವು ನೊರಾಂಬುಧಿ ಕೆರೆ ಏರಿಯಾ ಹುಡುಕ್ಬೇಕು’ ಎಂದು ಗುಂಡಿ ಹಾಗೇ ಬಿಟ್ಟು ಹಾರೆ ಪಿಕಾಸಿ ಎತ್ತಿಕೊಂಡು ಹೊರಟರು.</p>.<p>ಪರ್ಮೇಶಿ ಕಣ್ ಕಣ್ ಬಿಟ್ಟ!</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
