ಚುರುಮುರಿ: ಮುಖ ಮತ್ತು ಮುಖವಾಡ

‘ಲೇ ತೆಪರ, ಮೊನ್ನಿ ನಿಮ್ ಟೀವ್ಯಾಗೆ, ನಮ್ಮಲ್ಲೇ ಮೊದಲು ಅಂತ ತೋರಿಸ್ತಿದ್ರೆಲ್ಲ, ಆ ಮಾಸ್ಕ್ ಮ್ಯಾನ್ ತಪ್ಪು ಒಪ್ಕಂಡ ಅಂತ ಇಡೀ ದಿನ ಪುಂಗಿದ್ರೆಪ, ಬರೀ ಸುಳ್ಳು...’ ಹರಟೆಕಟ್ಟೆಯಲ್ಲಿ ದುಬ್ಬೀರ ಆಕ್ಷೇಪಿಸಿದ.

. ‘ಅಯ್ಯೋ, ಈ ತೆಪರನ ಕತಿ ನಿಂಗೊತ್ತಿಲ್ಲ. ಅಲ್ಲಿ 15 ವರ್ಷದ ಹಿಂದೆ ಬಾಲಕಿ ಶವ ಹೂತು ಹಾಕಿದ್ರಂತೆ. ಈಗ ಗುಂಡಿ ಅಗೆದ್ರೆ ಹೆಂಗಸಿನ ಶವ ಸಿಕ್ತಂತೆ. ಅದೆಂಗೆ ಅಂದ್ರೆ, 15 ವರ್ಷದಲ್ಲಿ ಬಾಲಕಿ ದೊಡ್ಡೋಳಾಗಿರಲ್ವ ಅಂತಾನೆ?’ ಗುಡ್ಡೆ ಜೋರಾಗಿ ನಕ್ಕ.

. ‘ಗುಡ್ಡೆ ಬ್ಯಾಡ ನೋಡು...’ ತೆಪರೇಸಿಗೆ ಸಿಟ್ಟು ಬಂತು.

. ‘ಶಾಂತಿ ಶಾಂತಿ, ಮೊದ್ಲೇ ಮುಸುಕಿನ ಗುದ್ದಾಟ ನಡೆಸಿರೋ ಸಿಎಂ, ಡಿಸಿಎಂ ಕೈಗೆ ಮೊನ್ನೆ ಅದ್ಯಾರೋ ಗದೆ ಕೊಟ್ಟಂಗೆ ಆಗಬಾರ್ದು. ಆದ್ರೂ ಟೀವಿ ತುಂಬಾ ಅದೇನ್ ತೋರಿಸ್ತೀರಪ, ತೆಲಿ ಚಿಟ್ಟಿಡೀತತಿ...’ ಎಂದಳು ಮಂಜಮ್ಮ.

. ‘ಆ ಮಾಸ್ಕ್ ಮ್ಯಾನ್ಗೆ ಎಷ್ಟು ಪ್ರಚಾರ ಸಿಕ್ಕೇತಿ ಅಂದ್ರೆ, ನಾಳೇನೆ ಎಲೆಕ್ಷನ್ಗೆ ನಿಂತ್ರೂ ಗೆದ್ದುಬಿಡ್ತಾನೆ ನೋಡು’ ಎಂದ ಕೊಟ್ರ.

. ‘ಲೇ ತಮಾ... ಅವ್ನು ಎಲ್ರಿಗೂ ಕಾಣಂಗೆ ಮುಖವಾಡ ಹಾಕ್ಕಂಡಿದಾನೆ. ನಮ್ ರಾಜಕಾರಣಿಗಳದ್ದು ಮುಖ ಯಾವುದು, ಮುಖವಾಡ ಯಾವುದು ಗೊತ್ತೇ ಆಗಲ್ಲ...’ ದುಬ್ಬೀರ ನಕ್ಕ.

. ‘ಈ ತೆಪರ ಅವನ ಟೀವೀಲಿ ಅಂಥೋರ ಮುಖವಾಡ ಕಳಚಲೆ ಅಂದ್ರೆ ಬರೀ ಬುರುಡೆ ಬಿಡ್ತಾನೆ. ಬಿಗ್ ಟ್ವಿಸ್ಟ್ ಅಂತೆ, ಮಹಾ ಎಕ್ಸ್ಕ್ಲೂಸಿವ್ ಅಂತೆ... ಮಣ್ಣಾಂಗಟ್ಟಿ...’ ಗುಡ್ಡೆಗೂ ಸಿಟ್ಟು ಬಂತು.

. ‘ಲೇ ಗುಡ್ಡೆ, ಜಾಸ್ತಿ ಮಾತಾಡಿದ್ರೆ ಗುಂಡಿ ಅಗೆಯೋವಾಗ ನಿಂದೇ ತೆಲಿ ಬುರುಡೆ ಸಿಕ್ತು ಅಂತ ಬ್ರೇಕಿಂಗ್ ನ್ಯೂಸ್ ಕೊಟ್ ಬಿಡ್ತೀನಿ ನೋಡು...’ ತೆಪರೇಸಿ ಎಚ್ಚರಿಸಿದ.

. ‘ಅದನ್ನ ಯಾರೂ ನಂಬಲ್ಲ ಬಿಡು’ ಎಂದಳು ಮಂಜಮ್ಮ.

. ‘ನಂಬಲ್ವಾ? ಯಾಕೆ?’

. ‘ಯಾಕಂದ್ರೆ ಗುಡ್ಡೆಗೆ ತೆಲಿನೇ ಇಲ್ಲ, ಇನ್ನು ಬುರುಡೆ ಹೆಂಗೆ ಸಿಕ್ತತಿ?’ ಮಂಜಮ್ಮನ ಜೋಕಿಗೆ ಎಲ್ಲರೂ ಗೊಳ್ಳಂತ ನಕ್ಕರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚುರುಮುರಿ: ಮುಖ ಮತ್ತು ಮುಖವಾಡ

ಚಿನಕುರುಳಿ ಕಾರ್ಟೂನ್: ಆಗಸ್ಟ್ 21 ಗುರುವಾರ 2025

ಚುರುಮುರಿ: ಚಾಟ್ ಜಿಪಿಟಿ ಉತ್ತರ..

ಚಿಕ್ಕ ನಿವೇಶನದ ಕಟ್ಟಡಗಳಿಗೆ ಒಸಿ, ಸಿಸಿ ಅಗತ್ಯವಿಲ್ಲ

ಧರ್ಮಸ್ಥಳ ಪ್ರಕರಣದ ಹಿಂದೆ ಕಲ್ಲಡ್ಕ ಪ್ರಭಾಕರ ಭಟ್ ಪಾತ್ರ: ವಿನಯಕುಮಾರ ಸೊರಕೆ ಸಂಶಯ

ಮಹಾರಾಜ ಟ್ರೋಫಿ: ಮಿಂಚಿದ ಶ್ರೇಯಸ್‌, ಕ್ರಾಂತಿ; ಡ್ರ್ಯಾಗನ್ಸ್‌ ಪರಾಕ್ರಮ

ಏಷ್ಯಾ ಕಪ್ ಟಿ20 ಕ್ರಿಕೆಟ್: ಶ್ರೇಯಸ್ ಅಯ್ಯರ್‌ಗೆ ಏಕದಿನ ತಂಡದ ನಾಯಕತ್ವ?

ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಪಂದ್ಯ: ಭಾರತ ‘ಎ’ ತಂಡಕ್ಕೆ ಶಫಾಲಿ ಆಸರೆ

400 ಮೀ. ಓಟ: ವಿಶಾಲ್ ರಾಷ್ಟ್ರೀಯ ದಾಖಲೆ

ಒಳನೋಟ: ಬಿಆರ್‌ಟಿಗೆ ಒತ್ತುವರಿ ಸಂಕಟ

ಒಳನೋಟ: ಮಹದೇವಪುರದ ‘ಮತ’ ಮಹಾತ್ಮೆ

ಒಳನೋಟ: ರಾಜ್ಯ ಕ್ರೀಡಾ ವಲಯ ನಿತ್ರಾಣ

ಒಳನೋಟ | ‘ಉತ್ತರ’ದ ಪ್ರತಿಭಾ ವಲಸೆ

ಚಿನಕುರುಳಿ ಕಾರ್ಟೂನ್: ಆಗಸ್ಟ್ 21 ಗುರುವಾರ 2025

ಚುರುಮುರಿ: ಚಾಟ್ ಜಿಪಿಟಿ ಉತ್ತರ..

ಚಿಕ್ಕ ನಿವೇಶನದ ಕಟ್ಟಡಗಳಿಗೆ ಒಸಿ, ಸಿಸಿ ಅಗತ್ಯವಿಲ್ಲ

ಧರ್ಮಸ್ಥಳ ಪ್ರಕರಣದ ಹಿಂದೆ ಕಲ್ಲಡ್ಕ ಪ್ರಭಾಕರ ಭಟ್ ಪಾತ್ರ: ವಿನಯಕುಮಾರ ಸೊರಕೆ ಸಂಶಯ