<p>ಮಾನಸಿಕ ಚಿಕಿತ್ಸಾ ಕೇಂದ್ರದಲ್ಲಿ ರೋಗಿಗಳು ಜೋರು ಗಲಾಟೆ ಮಾಡುತ್ತ ಕುಸ್ತಿಗೇ ಬಿದ್ದಿದ್ದರು. ‘ಅವರಿವರನ್ನು ಕೊಂದ ಮಾತ್ರಕ್ಕೆ ನೀನು ಅಜೇಯನಲ್ಲ... ನಾನು ಪಾರ್ಥ, ನನ್ನ ಎದುರಿಸು’ ಅಂತ ಒಬ್ಬ, ‘ಏನು ಪಾರ್ಥ? ಕೆಂಗಣ್ಣಿನಿಂದ ಕೆಕ್ಕರಿಸಿ ಈ ಬಬ್ರುವಾಹನನನ್ನು ಗೆಲ್ಲಲಾರೆ... ಎತ್ತು ನಿನ್ನ ಗಾಂಡೀವ...’ ಅಂತ ಇನ್ನೊಬ್ಬ. ಡಾಕ್ಟರಿಗೆ ತೆಲಿ ಕೆಟ್ಟು ಹೋಯಿತು.</p>.<p>ಇನ್ನೊಂದು ಕಡೆ ‘ಟೀವಿ ಹಾಕ್ರಿ, ಅದೂ ರಾಜಕೀಯದ್ದೇ ಚಾನೆಲ್ ಬೇಕು’ ಅಂತ ಇನ್ನೊಂದು ಗುಂಪು ಗಲಾಟೆ. ‘ರಾಜಕೀಯ ಬ್ಯಾಡ ಕಣ್ರಲೆ, ಕಾಮಿಡಿ ಹಾಕ್ಲಾ?’ ಡಾಕ್ಟರು ನೈಸ್ ಮಾಡಲು ನೋಡಿದರು.</p>.<p>‘ಈ ರಾಜಕೀಯನೇ ದೊಡ್ಡ ಕಾಮಿಡಿ ಸಾ... ಅದ್ನೇ ಹಾಕಿ’ ಎಂದ ಮತ್ತೊಬ್ಬ ಭೂಪ!</p>.<p>‘ಅಲ್ಲ, ಎಲ್ಲ ಕರೆಕ್ಟಾಗಿ ಮಾತಾಡ್ತೀರ, ನಿಮಗೆ ತೆಲಿ ಸರಿ ಇಲ್ಲ ಅಂತ ಯಾರಯ್ಯ ಹೇಳಿದ್ದು?’</p>.<p>‘ನೀವೇ ಸಾ, ತೆಲಿ ಕೆಟ್ಟೋರ್ನ ಹೊರಗೆ ಬಿಟ್ಟಿದೀರಿ, ತೆಲಿ ಸರಿ ಇರೋ ನಮ್ಮನ್ನ ಒಳಗೆ ಇಟ್ಕಂಡಿದೀರಿ. ನಿಮಗೇ ತೆಲಿ ಸರಿ ಇಲ್ಲ’.</p>.<p>‘ಕರೆಕ್ಟ್ ಕಣ್ರಯ್ಯ. ಅದಿರ್ಲಿ, ಈ ತೆಪರೇಸಿ, ಗುಡ್ಡೆ ಎಲ್ಲಿ?’ ಡಾಕ್ಟರು ಸುತ್ತಮುತ್ತ ಹುಡುಕಿದರು.</p>.<p>‘ಅವರು ಅರೆಸ್ಟ್ ಆಟ ಆಡ್ತದಾರೆ ಸಾ. ತೆಪರೇಸಿ ಗುಡ್ಡೇನ ಅರೆಸ್ಟ್ ಮಾಡಿಸ್ತಾನಂತೆ, ಗುಡ್ಡೆ ತೆಪರೇಸಿನ ಒಳಗೆ ಹಾಕಿಸ್ತಾನಂತೆ, ಹೊಸ ಆಟ’.</p>.<p>‘ಹೌದಾ? ಎಲ್ಲದಾರೆ ಅವ್ರು?’ ಡಾಕ್ಟರು ಹುಡುಕುತ್ತ ಹೋದರು. ಅಷ್ಟರಲ್ಲಿ ದುಬ್ಬೀರ, ಕೊಟ್ರೇಶಿ ಕಿತ್ತಾಡಿಕೊಂಡು, ಒಬ್ಬರಿಗೊಬ್ಬರು ಬಟ್ಟೆ ಹರ್ಕಂಡು ಅಲ್ಲಿಗೆ ಬಂದರು. ಇಬ್ಬರ ಮೈಮೇಲೂ ಚೆಡ್ಡಿ ಬಿಟ್ಟರೆ ಬೇರೇನೂ ಇರಲಿಲ್ಲ.</p>.<p>‘ಏನ್ರೋ ಇದು ನಿಮ್ ಅವತಾರ?’ ಡಾಕ್ಟರಿಗೆ ಸಿಟ್ಟು ಬಂತು.</p>.<p>‘ಇದು ಬಿಚ್ಚೋ ಆಟ ಸಾ... ದುಬ್ಬೀರ ನಂದೆಲ್ಲ ಬಿಚ್ಚಿಡ್ತೀನಿ ಅಂದ, ನಾನು ಬಿಡ್ತೀನಾ? ನಾನೂ ಅವನದೆಲ್ಲ ಬಿಚ್ಚಿಟ್ಟೆ...’ ಎಂದ ಕೊಟ್ರೇಶಿ. ಡಾಕ್ಟರಿಗೆ ನಿಂತಲ್ಲೇ ತಲೆ ಗಿರ್ ಅಂತ ತಿರುಗಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಮಾನಸಿಕ ಚಿಕಿತ್ಸಾ ಕೇಂದ್ರದಲ್ಲಿ ರೋಗಿಗಳು ಜೋರು ಗಲಾಟೆ ಮಾಡುತ್ತ ಕುಸ್ತಿಗೇ ಬಿದ್ದಿದ್ದರು. ‘ಅವರಿವರನ್ನು ಕೊಂದ ಮಾತ್ರಕ್ಕೆ ನೀನು ಅಜೇಯನಲ್ಲ... ನಾನು ಪಾರ್ಥ, ನನ್ನ ಎದುರಿಸು’ ಅಂತ ಒಬ್ಬ, ‘ಏನು ಪಾರ್ಥ? ಕೆಂಗಣ್ಣಿನಿಂದ ಕೆಕ್ಕರಿಸಿ ಈ ಬಬ್ರುವಾಹನನನ್ನು ಗೆಲ್ಲಲಾರೆ... ಎತ್ತು ನಿನ್ನ ಗಾಂಡೀವ...’ ಅಂತ ಇನ್ನೊಬ್ಬ. ಡಾಕ್ಟರಿಗೆ ತೆಲಿ ಕೆಟ್ಟು ಹೋಯಿತು.</p>.<p>ಇನ್ನೊಂದು ಕಡೆ ‘ಟೀವಿ ಹಾಕ್ರಿ, ಅದೂ ರಾಜಕೀಯದ್ದೇ ಚಾನೆಲ್ ಬೇಕು’ ಅಂತ ಇನ್ನೊಂದು ಗುಂಪು ಗಲಾಟೆ. ‘ರಾಜಕೀಯ ಬ್ಯಾಡ ಕಣ್ರಲೆ, ಕಾಮಿಡಿ ಹಾಕ್ಲಾ?’ ಡಾಕ್ಟರು ನೈಸ್ ಮಾಡಲು ನೋಡಿದರು.</p>.<p>‘ಈ ರಾಜಕೀಯನೇ ದೊಡ್ಡ ಕಾಮಿಡಿ ಸಾ... ಅದ್ನೇ ಹಾಕಿ’ ಎಂದ ಮತ್ತೊಬ್ಬ ಭೂಪ!</p>.<p>‘ಅಲ್ಲ, ಎಲ್ಲ ಕರೆಕ್ಟಾಗಿ ಮಾತಾಡ್ತೀರ, ನಿಮಗೆ ತೆಲಿ ಸರಿ ಇಲ್ಲ ಅಂತ ಯಾರಯ್ಯ ಹೇಳಿದ್ದು?’</p>.<p>‘ನೀವೇ ಸಾ, ತೆಲಿ ಕೆಟ್ಟೋರ್ನ ಹೊರಗೆ ಬಿಟ್ಟಿದೀರಿ, ತೆಲಿ ಸರಿ ಇರೋ ನಮ್ಮನ್ನ ಒಳಗೆ ಇಟ್ಕಂಡಿದೀರಿ. ನಿಮಗೇ ತೆಲಿ ಸರಿ ಇಲ್ಲ’.</p>.<p>‘ಕರೆಕ್ಟ್ ಕಣ್ರಯ್ಯ. ಅದಿರ್ಲಿ, ಈ ತೆಪರೇಸಿ, ಗುಡ್ಡೆ ಎಲ್ಲಿ?’ ಡಾಕ್ಟರು ಸುತ್ತಮುತ್ತ ಹುಡುಕಿದರು.</p>.<p>‘ಅವರು ಅರೆಸ್ಟ್ ಆಟ ಆಡ್ತದಾರೆ ಸಾ. ತೆಪರೇಸಿ ಗುಡ್ಡೇನ ಅರೆಸ್ಟ್ ಮಾಡಿಸ್ತಾನಂತೆ, ಗುಡ್ಡೆ ತೆಪರೇಸಿನ ಒಳಗೆ ಹಾಕಿಸ್ತಾನಂತೆ, ಹೊಸ ಆಟ’.</p>.<p>‘ಹೌದಾ? ಎಲ್ಲದಾರೆ ಅವ್ರು?’ ಡಾಕ್ಟರು ಹುಡುಕುತ್ತ ಹೋದರು. ಅಷ್ಟರಲ್ಲಿ ದುಬ್ಬೀರ, ಕೊಟ್ರೇಶಿ ಕಿತ್ತಾಡಿಕೊಂಡು, ಒಬ್ಬರಿಗೊಬ್ಬರು ಬಟ್ಟೆ ಹರ್ಕಂಡು ಅಲ್ಲಿಗೆ ಬಂದರು. ಇಬ್ಬರ ಮೈಮೇಲೂ ಚೆಡ್ಡಿ ಬಿಟ್ಟರೆ ಬೇರೇನೂ ಇರಲಿಲ್ಲ.</p>.<p>‘ಏನ್ರೋ ಇದು ನಿಮ್ ಅವತಾರ?’ ಡಾಕ್ಟರಿಗೆ ಸಿಟ್ಟು ಬಂತು.</p>.<p>‘ಇದು ಬಿಚ್ಚೋ ಆಟ ಸಾ... ದುಬ್ಬೀರ ನಂದೆಲ್ಲ ಬಿಚ್ಚಿಡ್ತೀನಿ ಅಂದ, ನಾನು ಬಿಡ್ತೀನಾ? ನಾನೂ ಅವನದೆಲ್ಲ ಬಿಚ್ಚಿಟ್ಟೆ...’ ಎಂದ ಕೊಟ್ರೇಶಿ. ಡಾಕ್ಟರಿಗೆ ನಿಂತಲ್ಲೇ ತಲೆ ಗಿರ್ ಅಂತ ತಿರುಗಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
