<p>‘ನಿನ್ ಹತ್ರ ಎಷ್ಟ್ ಕೋಟಿ ದುಡ್ಡು ಐತಿ?’ ಬೆಕ್ಕಣ್ಣ ಬಲು ಗಂಭೀರವಾಗಿ ಕೇಳಿದಾಗ ನಾನು ಕಕ್ಕಾಬಿಕ್ಕಿಯಾದೆ.</p><p>‘ಕೋಟಿ… ನನ್ ಹತ್ರ? ತಿಂಗಳ ಕೊನಿಗೆ ಸಾವಿರ ಉಳಿದ್ರೆ ಹೆಚ್ಚು’ ಎಂದು ತಡವರಿಸಿದೆ.</p><p>‘ನೀ ವಯಸ್ಸಿನಾಗೆ ಅರ್ಧಶತಕ ಬಾರಿಸಿದಿ… ಇನಾ ತನಾ ಒಂದ್ ಕೋಟಿ ರೂಪಾಯಿ ದುಡಿದಿಲ್ಲ. ನೋಡು… ಐದು ತಿಂಗಳ ಕೂಸು ಕೋಟ್ಯಾಧಿಪತಿ ಆಗೈತಿ. 240 ಕೋಟಿ ರೂಪಾಯಿ ಆಸ್ತಿ ಮಾಡೈತಿ!’ ಬೆಕ್ಕಣ್ಣ ನನ್ನ ಮೂತಿಗೆ ತಿವಿಯಿತು.</p><p>‘ಇನ್ನೂ ನೆಟ್ಟಗೆ ನಿಲ್ಲಕ್ಕೂ ಬರದ ಐದು ತಿಂಗಳ ಕೂಸು 240 ಕೋಟಿ ಹೆಂಗೆ ದುಡಿತಲೇ?’ ನನಗೆ ನಂಬಿಕೆಯೇ ಆಗಲಿಲ್ಲ.</p><p>‘ನಮ್ ಮೂರ್ತಿ ಅಜ್ಜಾರು ಅವರ ಮೊಮ್ಮಗನಿಗೆ 15 ಲಕ್ಷ ಇನ್ಫೊಸಿಸ್ ಷೇರು ಕೊಟ್ಟಾರಂತೆ. ಅದರ ಬೆಲೆ 240 ಕೋಟಿ ರೂಪಾಯಿ ಅಂತೆ. ಆ ಕೂಸು ಈಗ ಅತ್ಯಂತ ಕಿರಿಯ ಭಾರತೀಯ ಮಿಲಿಯನೇರ್!’ ಬೆಕ್ಕಣ್ಣ ಸುದ್ದಿ ತೋರಿಸಿತು.</p><p>‘ಅಬ್ಬಬ್ಬಾ… ಈ ಕೂಸು ಆಗಲೇ ವಾರಕ್ಕೆ 70 ತಾಸು ದುಡಿಲಾಕೆ ಶುರುಮಾಡೈತಿ ನೋಡು!’ ಎಂದು ನಾ ಮೂಗಿನ ಮೇಲೆ ಬೆರಳಿಟ್ಟೆ.</p><p>‘ಈ ಕೂಸಿಗೇನೋ ಅಜ್ಜಾರು ಷೇರು ಕೊಟ್ಟಾರೆ, ಕೋಟ್ಯಾಧಿಪತಿ ಆಗೈತಿ. ನಮ್ ಸಂಸದರು, ಶಾಸಕರ ಆಸ್ತಿ ಚುನಾವಣೆ ಗೆದ್ದ ಐದು ವರ್ಸದಾಗೆ ಕೋಟಿಗಟ್ಟಲೆ ಹೆಚ್ಚಾಗತೈತಲ್ಲ, ಅದೆಂಗೆ ಅಂತ?!’ ಬೆಕ್ಕಣ್ಣನೂ ಮೂಗಿನ ಮೇಲೆ ಬೆರಳಿಟ್ಟು ಕೇಳಿತು.</p><p>‘ಅದೇ ನನಗೂ ತಿಳಿವಲ್ದು. 2019ರ ಚುನಾವಣೆಯಲ್ಲಿ 430 ಕೋಟ್ಯಾಧಿಪತಿ ಅಭ್ಯರ್ಥಿಗಳು ಇದ್ದರಂತೆ. ಈ ಸಲ 450 ಅದಾರಂತೆ. ಈ ಎಲ್ಲಾ ಕೋಟ್ಯಾಧಿಪತಿ ಅಭ್ಯರ್ಥಿಗಳ ಆಸ್ತಿ ಕಳೆದ ಚುನಾವಣೆಯಲ್ಲಿ ಘೋಷಣೆ ಮಾಡಿದ್ದಕ್ಕಿಂತ ಡಬಲ್, ಟ್ರಿಪಲ್ ಆಗೈತಂತೆ’.</p><p>‘ಯಾವ ಪಕ್ಷದವರೇ ಆದರೂ, ಗೆದ್ದ ಕೂಡಲೇ ದುಡ್ಡಿನ ಗಿಡ ನೆಡಾಕೆ ಶುರು ಮಾಡ್ತಾರೆ. ನಮ್ ರೈತರಿಗೂ ಒಂದಾದರೂ ದುಡ್ಡಿನ ಗಿಡದ ಸಸಿ ಕೊಟ್ಟಿದ್ರ ಛಲೋ ಇತ್ತು!’ ಎಂದಿತು ಬೆಕ್ಕಣ್ಣ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>‘ನಿನ್ ಹತ್ರ ಎಷ್ಟ್ ಕೋಟಿ ದುಡ್ಡು ಐತಿ?’ ಬೆಕ್ಕಣ್ಣ ಬಲು ಗಂಭೀರವಾಗಿ ಕೇಳಿದಾಗ ನಾನು ಕಕ್ಕಾಬಿಕ್ಕಿಯಾದೆ.</p><p>‘ಕೋಟಿ… ನನ್ ಹತ್ರ? ತಿಂಗಳ ಕೊನಿಗೆ ಸಾವಿರ ಉಳಿದ್ರೆ ಹೆಚ್ಚು’ ಎಂದು ತಡವರಿಸಿದೆ.</p><p>‘ನೀ ವಯಸ್ಸಿನಾಗೆ ಅರ್ಧಶತಕ ಬಾರಿಸಿದಿ… ಇನಾ ತನಾ ಒಂದ್ ಕೋಟಿ ರೂಪಾಯಿ ದುಡಿದಿಲ್ಲ. ನೋಡು… ಐದು ತಿಂಗಳ ಕೂಸು ಕೋಟ್ಯಾಧಿಪತಿ ಆಗೈತಿ. 240 ಕೋಟಿ ರೂಪಾಯಿ ಆಸ್ತಿ ಮಾಡೈತಿ!’ ಬೆಕ್ಕಣ್ಣ ನನ್ನ ಮೂತಿಗೆ ತಿವಿಯಿತು.</p><p>‘ಇನ್ನೂ ನೆಟ್ಟಗೆ ನಿಲ್ಲಕ್ಕೂ ಬರದ ಐದು ತಿಂಗಳ ಕೂಸು 240 ಕೋಟಿ ಹೆಂಗೆ ದುಡಿತಲೇ?’ ನನಗೆ ನಂಬಿಕೆಯೇ ಆಗಲಿಲ್ಲ.</p><p>‘ನಮ್ ಮೂರ್ತಿ ಅಜ್ಜಾರು ಅವರ ಮೊಮ್ಮಗನಿಗೆ 15 ಲಕ್ಷ ಇನ್ಫೊಸಿಸ್ ಷೇರು ಕೊಟ್ಟಾರಂತೆ. ಅದರ ಬೆಲೆ 240 ಕೋಟಿ ರೂಪಾಯಿ ಅಂತೆ. ಆ ಕೂಸು ಈಗ ಅತ್ಯಂತ ಕಿರಿಯ ಭಾರತೀಯ ಮಿಲಿಯನೇರ್!’ ಬೆಕ್ಕಣ್ಣ ಸುದ್ದಿ ತೋರಿಸಿತು.</p><p>‘ಅಬ್ಬಬ್ಬಾ… ಈ ಕೂಸು ಆಗಲೇ ವಾರಕ್ಕೆ 70 ತಾಸು ದುಡಿಲಾಕೆ ಶುರುಮಾಡೈತಿ ನೋಡು!’ ಎಂದು ನಾ ಮೂಗಿನ ಮೇಲೆ ಬೆರಳಿಟ್ಟೆ.</p><p>‘ಈ ಕೂಸಿಗೇನೋ ಅಜ್ಜಾರು ಷೇರು ಕೊಟ್ಟಾರೆ, ಕೋಟ್ಯಾಧಿಪತಿ ಆಗೈತಿ. ನಮ್ ಸಂಸದರು, ಶಾಸಕರ ಆಸ್ತಿ ಚುನಾವಣೆ ಗೆದ್ದ ಐದು ವರ್ಸದಾಗೆ ಕೋಟಿಗಟ್ಟಲೆ ಹೆಚ್ಚಾಗತೈತಲ್ಲ, ಅದೆಂಗೆ ಅಂತ?!’ ಬೆಕ್ಕಣ್ಣನೂ ಮೂಗಿನ ಮೇಲೆ ಬೆರಳಿಟ್ಟು ಕೇಳಿತು.</p><p>‘ಅದೇ ನನಗೂ ತಿಳಿವಲ್ದು. 2019ರ ಚುನಾವಣೆಯಲ್ಲಿ 430 ಕೋಟ್ಯಾಧಿಪತಿ ಅಭ್ಯರ್ಥಿಗಳು ಇದ್ದರಂತೆ. ಈ ಸಲ 450 ಅದಾರಂತೆ. ಈ ಎಲ್ಲಾ ಕೋಟ್ಯಾಧಿಪತಿ ಅಭ್ಯರ್ಥಿಗಳ ಆಸ್ತಿ ಕಳೆದ ಚುನಾವಣೆಯಲ್ಲಿ ಘೋಷಣೆ ಮಾಡಿದ್ದಕ್ಕಿಂತ ಡಬಲ್, ಟ್ರಿಪಲ್ ಆಗೈತಂತೆ’.</p><p>‘ಯಾವ ಪಕ್ಷದವರೇ ಆದರೂ, ಗೆದ್ದ ಕೂಡಲೇ ದುಡ್ಡಿನ ಗಿಡ ನೆಡಾಕೆ ಶುರು ಮಾಡ್ತಾರೆ. ನಮ್ ರೈತರಿಗೂ ಒಂದಾದರೂ ದುಡ್ಡಿನ ಗಿಡದ ಸಸಿ ಕೊಟ್ಟಿದ್ರ ಛಲೋ ಇತ್ತು!’ ಎಂದಿತು ಬೆಕ್ಕಣ್ಣ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
