‘ನೋಡ್ಲಾ, ತೆನೆ ಪಾರಮ್ಮು ಅಂದ್ರೆ ಪ್ಯಾಮಿಲಿ ಕೋಳಿಪಾರಂ ಇದ್ದಂಗೆ. ಅಲ್ಲಿ ವತ್ತಾರೆಗೆ ಸಾಂದರ್ಭಿಕವಾಗಿ ಕೊಕ್ಕೋ ಅಂತ ಕೂಗದು, ಮೇವು ತಿನ್ನದು ಪ್ಯಾಮಿಲಿ ಕೋಳಿಗಳು ಮಾತ್ರ. ಕೈ ಪಾರಮ್ಮಲ್ಲಿ ಇರೂವೆಲ್ಲಾ ಸೀನಿಯರ್ ಕೋಳಿಗಳು. ಆದ್ರೂ ಮೊಟ್ಟೆ ಇಟ್ಟು ದಬ್ಬಾಕ್ತೀವಿ ಅಂತ ನುಲಿತವೆ. ಕಮಲದ ಪಾರಂ ದೊಡ್ಡದು. ಅಲ್ಲಿ ಕೊತ್ತಿಗಳು, ಅತೃಪ್ತ ನಾಟಿ ಕೋಳಿಗಳು, ಸೀಟಿ ಕೋಳಿಗಳು, ಘಾಟಿ ಕೋಳಿಗಳು, ಮೊಟ್ಟೆ ಕೋಳಿಗಳು, ವಲಸೆ ಕೋಳಿಗಳು, ಕಾವುಗೋಳಿಗಳವೆ. ಈ ಕೋಳಿಗಳಲ್ಲಿ ಮೇವಿಗೋಸ್ಕರ ಭಿನ್ನಮತ ಜಾಸ್ತಿಯಾಗಿ ಕಚ್ಚಾಡುತ್ಲೇ ಇರ್ತವೆ’ ಅಂದ್ರು ತುರೇಮಣೆ.