ಸೋಮವಾರ, ಜೂನ್ 14, 2021
21 °C
ಕನ್ನಡಿಗರಿಗೆ ಮಹಾಜನ್‌ ವರದಿಯೊಂದೇ ಒಪ್ಪಿಗೆ

50 ವರ್ಷಗಳ ಹಿಂದೆ: ಗುರುವಾರ, 20–8–1970

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಕನ್ನಡಿಗರಿಗೆ ಮಹಾಜನ್‌ ವರದಿಯೊಂದೇ ಒಪ್ಪಿಗೆ
ನವದೆಹಲಿ, ಆ. 19
– ಮೈಸೂರು– ಮಹಾರಾಷ್ಟ್ರ ಗಡಿ ವಿಷಯದಲ್ಲಿ ಮಹಾಜನ್‌ ಆಯೋಗದ ವರದಿಯನ್ನು ಕಾರ್ಯಗತಗೊಳಿಸಬೇಕೆಂದು ಮೈಸೂರು ಮುಖ್ಯಮಂತ್ರಿ ಶ್ರೀ ವೀರೇಂದ್ರ ಪಾಟೀಲರು ಪ್ರಧಾನಿ ಇಂದಿರಾ ಗಾಂಧಿ ಅವರಿಗೆ ಇಂದು ಒತ್ತಾಯ ಸಲ್ಲಿಸಿ, ಬೇರಾವುದೇ ಮಾರ್ಗವು ತಮ್ಮ ರಾಜ್ಯದ ಜನತೆಗೆ ಸಮ್ಮತಾರ್ಹವಲ್ಲವೆಂದು ಸ್ಪಷ್ಟಪಡಿಸಿದರು.

ಆಡಳಿತ ಕಾಂಗ್ರೆಸ್‌ ಅಧ್ಯಕ್ಷ ಶ್ರೀ ಜಗಜೀವನರಾಂ ಅವರೂ ಹಾಜರಿದ್ದ ಶ್ರೀಮತಿ ಗಾಂಧಿಯವರ ಮುಂದೆ ‘ನಿಮಗೆಲ್ಲ ಚೆನ್ನಾಗಿ ಗೊತ್ತಿರುವ ನನ್ನ ವಾದ ಮಂಡಿಸಿದೆ’ ಎಂದು ಶ್ರೀ ಪಾಟೀಲರು ನಂತರ ಪತ್ರಕರ್ತರಿಗೆ ತಿಳಿಸಿದರು.

ವಿವಾದಗ್ರಸ್ತ ಪ್ರದೇಶಗಳಲ್ಲಿ ಜನಮತ ಸಂಗ್ರಹ, ಹೊಸ ನ್ಯಾಯಮಂಡಲಿ ನೇಮಕ, ನಿರ್ಧಾರಕ್ಕಾಗಿ ಸಂಸತ್ತಿಗೆ ವಿವಾದ ಒಪ್ಪಿಸುವುದೇ ಮೊದಲಾದ ಕೆಲವು ಸಲಹೆಗಳನ್ನು ಪ್ರಧಾನಿ ಮತ್ತು ರಕ್ಷಣಾ ಸಚಿವರು ಮೊದಲು ಪ್ರಸ್ತಾಪಿಸಿದರೆಂದು ಹೇಳಿದರು.

ಶಸ್ತ್ರಾಸ್ತ್ರ ಉತ್ಪಾದನಾ ಮಂಡಲಿ ರಚನೆ ಪರಿಶೀಲನೆಯಲ್ಲಿ
ನವದೆಹಲಿ, ಆ. 19–
ಆರ್ಡ್‌ನೆನ್ಸ್‌ ಕಾರ್ಖಾನೆಗಳ ಆಡಳಿತ ಉತ್ತಮಪಡಿಸುವುದಕ್ಕಾಗಿ ಉನ್ನತ ಮಟ್ಟದ ಆರ್ಡ್‌ನೆನ್ಸ್‌ ಉತ್ಪಾದನಾ ಮಂಡಲಿಯೊಂದನ್ನು ರಚಿಸಬೇಕೆಂಬ ಸಲಹೆ ಸರ್ಕಾರದ ಪರಿಶೀಲನೆಯಲ್ಲಿದೆಯೆಂದು ಲೋಕಸಭೆಯಲ್ಲಿ ಇಂದು ರಕ್ಷಣಾ ಉತ್ಪಾದನಾ ಸಚಿವ ಪಿ.ಸಿ.ಸೇಠಿ ತಿಳಿಸಿದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು