ಕೊರೊನಾದ ಈ ಕಾಲಘಟ್ಟದಲ್ಲಿ ವೈದ್ಯ ಪದ್ಧತಿಗಳಾದ ಆಯುರ್ವೇದ, ಅಲೋಪಥಿ, ಹೋಮಿಯೊಪಥಿ ಬಗ್ಗೆ ಹೆಚ್ಚು ಚರ್ಚೆಗಳು ನಡೆಯುತ್ತಿವೆ. ಸರ್ಕಾರದಿಂದ ಮಾನ್ಯತೆ ಪಡೆದ ಸಂಸ್ಥೆಗಳಿಂದ ಪದವಿ ಪಡೆದವರು ಮಾತ್ರವೇ ಯೋಗ್ಯ ವೈದ್ಯರು ಎಂಬುದು ಕೆಲವರ ಭಾವನೆಯಾಗಿದೆ. ಆದರೆ ಅನೇಕ ಪರಂಪರಾಗತ ವೈದ್ಯರು, ನಾಟಿ ವೈದ್ಯರು, ಮನೆತನದ ಮೂಲಕ ತರಬೇತಿ ಪಡೆದ ವೈದ್ಯರು ಒಳ್ಳೆಯ ನಾಟಿ ಮದ್ದನ್ನು ಕೊಟ್ಟು ರೋಗವನ್ನು ಗುಣಪಡಿಸಿರುವುದನ್ನು ನೋಡಬಹುದು. ಬಹುತೇಕ ಇವರು ಪ್ರಸಿದ್ಧಿಗಾಗಲೀ, ಹಣಕ್ಕಾಗಲೀ ಈ ಕೆಲಸವನ್ನು ಮಾಡುತ್ತಿಲ್ಲ.
