ಎಂದಿನಂತೆ ಸಾಹಿತ್ಯ ಪರಿಷತ್ತಿಗೆ ಚುನಾವಣೆ ನಡೆಯುವ ಸೂಚನೆಗಳು ಕಾಣತೊಡಗಿದ್ದು ಚಟುವಟಿಕೆಗಳು ಗರಿಗೆದರಿವೆ. ಪ್ರಜ್ಞಾವಂತರು ಹಾಗೂ ವಿಚಾರಪರರು ಪರಿಷತ್ತಿಗೆ ಮಹಿಳೆಯನ್ನು ಆಯ್ಕೆ ಮಾಡುವ ಇಂಗಿತವನ್ನು ಪ್ರಬಲವಾಗಿ ವ್ಯಕ್ತಪಡಿಸಬೇಕು. ಇದೇನು ಬೇಡಿ ಪಡೆಯುವ ಸಂಗತಿಯಲ್ಲ. ಮಹಿಳೆಯರೂ ಈ ಬಗ್ಗೆ ಒಮ್ಮತದಿಂದ ನಿರ್ಧರಿಸಬೇಕು. ಅವಿರೋಧವಾಗಿ ಆಯ್ಕೆ ಮಾಡುವುದಾದರೆ ಅದಕ್ಕಿಂತ ಸೂಕ್ತ ಮಾರ್ಗ ಇನ್ನೊಂದಿಲ್ಲ. ಆದರೆ ಚುನಾವಣೆ ನಡೆಯುವುದೇ ಆದಲ್ಲಿ, ಸೂಕ್ತ ಮಹಿಳಾ ಅಭ್ಯರ್ಥಿಯನ್ನು ಸೂಚಿಸಿ, ನಾಡಿನ ಎಲ್ಲಾ ಹಿರಿಯ, ಕಿರಿಯ ಸಾಹಿತಿಗಳು, ಲೇಖಕರು, ಪರಿಷತ್ತಿನ ಸದಸ್ಯರು ಅವಿರೋಧವಾಗಿ ಅವರನ್ನು ಬೆಂಬಲಿಸಬೇಕು.