ಡ್ರಗ್ಸ್ ಪ್ರಕರಣದಲ್ಲಿ ಬಾಲಿವುಡ್ ನಟ ಶಾರುಕ್ ಖಾನ್ ಪುತ್ರ ಆರ್ಯನ್ ಖಾನ್ ಬಂಧನಕ್ಕೊಳಗಾಗಿರುವ ಹಿನ್ನೆಲೆಯಲ್ಲಿ, ಬಾಲಿವುಡ್ನ ಕೆಲವು ನಟ-ನಟಿಯರು ಶಾರುಕ್ ಅವರಿಗೆ ಬೆಂಬಲ ಸೂಚಿಸಿರುವುದು ವರದಿಯಾಗಿದೆ. ಡ್ರಗ್ಸ್ನಂತಹ ಗಂಭೀರ ಮತ್ತು ಸಮಾಜಘಾತುಕ ಪ್ರಕರಣವನ್ನು ಬಾಲಿವುಡ್ ಅತ್ಯಂತ ಸಹಜವೆಂಬಂತೆ ಪರಿಗಣಿಸಿರುವುದು ಅವರ ಈ ನಡೆಯಿಂದ ತಿಳಿಯುತ್ತದೆ. ಒಂದು ವರ್ಷದಿಂದ ಕರ್ನಾಟಕವೂ ಸೇರಿದಂತೆ ದೇಶದ ಹಲವು ರಾಜ್ಯಗಳಲ್ಲಿ ಈ ರೀತಿಯ ಪ್ರಕರಣಗಳು ಬೆಳಕಿಗೆ ಬರುತ್ತಿವೆ.