ಈ ಬಾರಿಯ ವಿಧಾನ ಪರಿಷತ್ ಚುನಾವಣೆಯಲ್ಲಿ ನನ್ನನ್ನು ಮೈಕ್ರೊ ಅಬ್ಸರ್ವರ್ ಆಗಿ ಒಂದು ಮತಗಟ್ಟೆಗೆ ನೇಮಿಸಲಾಗಿತ್ತು. ಅಲ್ಲಿ ಗ್ರಾಮ ಪಂಚಾಯಿತಿ ಸದಸ್ಯರು ಮಾತ್ರ ಮತದಾರರು. ಈ ಮತಗಟ್ಟೆಯಲ್ಲಿ ಕೇವಲ ಹನ್ನೆರಡು ಜನ ಮತದಾರರು. ಅದಕ್ಕಾಗಿ ನಿಯೋಜಿಸಿದ ಅಧಿಕಾರಿಗಳ ಸಂಖ್ಯೆ ಎಂಟು! ಚುನಾವಣೆ ತರಬೇತಿ ಹಾಗೂ ಚುನಾವಣೆಗೆ ಎರಡು ದಿನ ಸೇರಿ ಒಟ್ಟು ಮೂರು ದಿನಗಳಿಗೆ ಪ್ರತೀ ಬ್ಯಾಂಕ್ ಶಾಖೆಯಿಂದ ಶೇ 90ರಷ್ಟು ಸಿಬ್ಬಂದಿಯನ್ನು ಈ ಕಾರ್ಯಕ್ಕೆ ನಿಯೋಜಿಸಿದ್ದರಿಂದ ಬ್ಯಾಂಕಿನ ವಹಿವಾಟಿಗೆ ತೊಂದರೆಯಾಗಿತ್ತು.