ನಾನು ಮತ್ತು ನನ್ನ ಪತ್ನಿ ಜುಲೈ 9ರಂದು ಬೆಂಗಳೂರಿನಿಂದ ಹುಬ್ಬಳ್ಳಿಗೆ ಮತ್ತು ಅದೇ ರೈಲಿನಲ್ಲಿ 10ರಂದು ಬೆಂಗಳೂರಿಗೆ ವಾಪಸ್ ಪ್ರಯಾಣ ಮಾಡಿದೆವು. ಹಿರಿಯ ನಾಗರಿಕರಾದ ನಮಗೆ ರಿಯಾಯಿತಿ ಸಿಗದೇ ಇದ್ದುದರಿಂದ ನಾವು ಪೂರ್ಣ ಪ್ರಯಾಣ ದರವನ್ನು ತೆರಬೇಕಾಯಿತು. ಹಿರಿಯ ನಾಗರಿಕರಿಗೆ ರಾಜಧಾನಿ ಎಕ್ಸ್‌ಪ್ರೆಸ್ ಸೇರಿದಂತೆ ಎಲ್ಲ ರೈಲುಗಳ ಪ್ರಯಾಣದಲ್ಲಿ ರಿಯಾಯಿತಿ ಇದೆ. ಆದರೆ ಈ ಹೊಸ ರೈಲಿನಲ್ಲಿ ಮಾತ್ರ ಯಾಕಿಲ್ಲ ಎನ್ನುವುದು ಅಚ್ಚರಿಯ ಸಂಗತಿ. ಸಚಿವರು ಗಮನಹರಿಸಿ, ಹೊಸ ರೈಲಿನಲ್ಲೂ ಏಕರೂಪದ ನಿಯಮ ಅನುಸರಿಸಬೇಕು.
