ಭಯ, ಸಂಶಯಕ್ಕೆ ಬೇಕು ಮಾಹಿತಿ ಮದ್ದು

ಕೋವಿಡ್‌ ಕಾಲದ ನೂರೊಂದು ಅಭಾವಗಳಲ್ಲಿ ಮಾಹಿತಿ ಅಭಾವವೇ ಅತ್ಯಂತ ದುರ್ಭರವಾಗಿದೆ. ಭಯಗ್ರಸ್ತರಿಗೆ ನೂರೊಂದು ಬಗೆಯ ಮಾಹಿತಿ, ಮಾರ್ಗಸೂಚಿ ಬೇಕಾಗಿದೆ. ಉದಾಹರಣೆಗೆ, ಅಂಗಡಿಯಲ್ಲಿ ಸಿಗುವ ಸ್ಟೀರಾಯ್ಡ್‌ ಔಷಧವನ್ನು ಬಳಸಬಹುದೇ? ಅದರ ಅಡ್ಡ ಪರಿಣಾಮ ಏನು? ಮನೆಯಲ್ಲಿ ವೆಂಟಿಲೇಟರ್‌ ಇಲ್ಲದೆಯೂ ಉಸಿರೆಳೆತದ ಪ್ರಮಾಣವನ್ನು ಹೆಚ್ಚಿಸುವ ಸರಳ ಉಪಾಯ ಏನು? ಆಕ್ಸಿಮೀಟರ್‌ ಇಲ್ಲದಾಗ ರಕ್ತದಲ್ಲಿ ಆಮ್ಲಜನಕದ ಕೊರತೆಯನ್ನು ಹೇಗೆ ಗುರುತಿಸಬಹುದು? ಜೊತೆಗೆ ತೀರ ಸರಳ ಪ್ರಶ್ನೆಗಳಾದ (1) ಮನೆಯ ನಾಯಿಗೂ ಅಥವಾ ನಾಯಿಯ ಮೂಲಕವೂ ಕೊರೊನಾ ಬಂದೀತೆ? (2) ಲಸಿಕೆ ಹಾಕಿಸಿಕೊಂಡರೂ ಮುಖವಾಡ ಬೇಕೇಕೆ? (3) ಬೀದಿ ಬದಿಯಲ್ಲಿ ಕಲ್ಲಂಗಡಿ ತಿನ್ನಬಹುದೇ? (4) ಹಬೆಸ್ನಾನ ಎಂದರೇನು? ಇತ್ಯಾದಿಗಳಿಗೂ ಉತ್ತರ ಬೇಕಾಗಿದೆ. ಪತ್ರಿಕೆ
ಗಳಲ್ಲಿ, ಆಕಾಶವಾಣಿಯಲ್ಲಿ ಎಂದೋ ಉತ್ತರ ಬಂದಿರುತ್ತ ದಾದರೂ ಬೇಕೆಂದಾಗ ಸಿಗುವುದಿಲ್ಲ. ವಾಹಿನಿಗಳ ಚೀರಾಟದಲ್ಲಿ ಜನಕ್ಕೆ ಬೇಕಿದ್ದ ಮಾಹಿತಿಗಳು ಮಾತ್ರ ಸಿಗುವುದಿಲ್ಲ.