ಭಾನುವಾರ, ಜನವರಿ 17, 2021
28 °C

ವಾಚಕರ ವಾಣಿ: ಕನ್ನಡಪರ ಹೋರಾಟಗಾರರಿಗೆ ಬೇಕು ರಕ್ಷಣೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಬೆಳಗಾವಿ ಪಾಲಿಕೆ ಎದುರು ಕನ್ನಡ ಧ್ವಜ ಹಾರಿಸಿದ ಕನ್ನಡ ಹೋರಾಟಗಾರರೊಬ್ಬರ ಅಂಗಡಿ ಸುಡಲು ಕಿಡಿಗೇಡಿಗಳು ಯತ್ನಿಸಿರುವ ಸುದ್ದಿ (ಪ್ರ.ವಾ., ಜ. 2) ಓದಿದಾಗ, ಒಬ್ಬ ಕನ್ನಡ ಭಾಷಾ ಶಿಕ್ಷಕನಾಗಿರುವ ನನ್ನ ಮನಸ್ಸಿಗೆ ಬಹಳ ಆಘಾತವಾಯಿತು. ವೃತ್ತಿಯಲ್ಲಿ ಪ್ರತಿದಿನವೂ ಕನ್ನಡ ಭಾಷೆ, ಕನ್ನಡ ಸಂಸ್ಕೃತಿ, ಕನ್ನಡ ನೆಲ-ಜಲದ ಬಗ್ಗೆ ಪಾಠ ಮಾಡುವವನಿಗೆ, ಈ ಸುದ್ದಿ ತಿಳಿದು ಹೀಗಾಗಿದ್ದು ಸಹಜವೇ.

ಕನ್ನಡ ಧ್ವಜ ನೆಟ್ಟಿರುವುದು ಕನ್ನಡ ನೆಲದ ಬೆಳಗಾವಿಯಲ್ಲಿ ತಾನೇ?! ಮತ್ತೆ ಈ ಕಿಡಿಗೇಡಿಗಳಿಗೆ ಏಕಿಷ್ಟು ಕ್ರೋಧ? ಆ ಹೋರಾಟಗಾರರೇನು ಮಹಾರಾಷ್ಟ್ರವನ್ನು ಅತಿಕ್ರಮಣ ಮಾಡಿ ಅಲ್ಲಿ ಧ್ವಜ ಸ್ಥಾಪಿಸಲು ಹೊರಟಿದ್ದರೇ? ಈ ಕೃತ್ಯವನ್ನು ಸರ್ಕಾರ ಗಂಭೀರವಾಗಿ ಪರಿಗಣಿಸಬೇಕು ಮತ್ತು ಕನ್ನಡಪರ ಬೆಂಬಲಿಗರಿಗೆ ಸೂಕ್ತ ರಕ್ಷಣೆ ಒದಗಿಸಬೇಕು.

-ಡಾ.ಸಿದ್ದಲಿಂಗಪ್ಪ ಕೊಟ್ನೆಕಲ್, ಕೊಪ್ಪಳ

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು