ನಮ್ಮ ರಾಜ್ಯದಲ್ಲಿ ಎಲ್ಲ ಕಡೆ ರಸ್ತೆಗಳು ನಿರ್ಮಾಣವಾಗಿಲ್ಲ. ಇರುವ ಹೆದ್ದಾರಿಗಳು, ಜಿಲ್ಲಾ ಮುಖ್ಯ ರಸ್ತೆಗಳು (ಎಂ.ಡಿ.ಆರ್) ಸಹ ರಸ್ತೆಗಳ ಹಾಗೆ ಇಲ್ಲ. ಹಾಗಿರುವಾಗ ನಮ್ಮ ಬರಹದಲ್ಲಿ ರಸ್ತೆ ಎಂಬುದನ್ನು ತೆಗೆದುಬಿಟ್ಟರಾಯಿತು! ವಾಸ್ತವ ಸಂಗತಿಯನ್ನೇ ಲೋಗೊ ಪ್ರತಿಬಿಂಬಿಸಲಿ. ಸತ್ಯಮೇವ ಜಯತೆ ಅಲ್ಲವೇ? ಆಗ ನಮ್ಮ ರಸ್ತೆಗಳ ಕುರಿತು ಸತ್ಯಕ್ಕೆ ಜಯ ಸಿಕ್ಕಿದಂತಾಗುತ್ತದೆ! ‘ಕೆ.ಎಸ್.ಟಿ.ಸಿ.’ ಎಂದು ಬರೆದರೆ ಸ್ಪಷ್ಟವಾಗುತ್ತದೆ! ಅಲ್ಲಿ ‘ಟಿ’ಯನ್ನು ಟ್ರಾನ್ಸ್ಪೋರ್ಟ್ ಎಂದು ಅರ್ಥೈಸಬಹುದು. ಇನ್ನೂ ವ್ಯಂಗ್ಯ ಮಾಡುವವರು ಬೇಕಾದರೆ ‘ಟ್ರೇಡಿಂಗ್’ ಅಂತಲೂ ಹೇಳಿಕೊಂಡಿರಲಿ, ನಮಗೆ ಸಂಬಂಧವಿಲ್ಲ!