15 ವರ್ಷಕ್ಕೂ ಹೆಚ್ಚು ಹಳೆಯದಾದ ವಾಹನಗಳಿಗೆ ಫಿಟ್ನೆಸ್ ಸರ್ಟಿಫಿಕೇಟ್ ಪಡೆಯಲು ಹೆಚ್ಚು ತೆರಿಗೆ ವಿಧಿಸುವ ಕ್ರಮ ಅವೈಜ್ಞಾನಿಕವಾದುದು. ಹಳೆಯ ವಾಹನಗಳ ಓಡಾಟ ಕಡಿಮೆಯಾದರೆ ವಾಯುಮಾಲಿನ್ಯತಗ್ಗುತ್ತದೆ ಎಂಬುದನ್ನು ಒಪ್ಪಬಹುದು. ಆದರೆ ಅದೇ ಹಳೆಯ ವಾಹನಗಳಿಗೆ ಹೆಚ್ಚು ದಂಡ ವಿಧಿಸಿ ಫಿಟ್ನೆಸ್ ಸರ್ಟಿಫಿಕೇಟ್ ನೀಡಿದರೆ ಅವು ಕಡಿಮೆ ಹೊಗೆಯನ್ನೇನೂ ಉಗುಳುವುದಿಲ್ಲ. ಹಸಿರು ತೆರಿಗೆ ಹೆಚ್ಚಿಸುವುದರಿಂದ ಖಜಾನೆ ತುಂಬಿಸಬಹುದೇ ವಿನಾ ವಾಯುಮಾಲಿನ್ಯವನ್ನು ನಿಯಂತ್ರಣಕ್ಕೆ ತರಲಾಗದು. ಅದರ ಬದಲು ಹಳೆಯ ವಾಹನಗಳಿಗೆ ಹೊಸ ತಂತ್ರಜ್ಞಾನ ಅಳವಡಿಸಿ, ನವೀನ ಮಾದರಿಯ ಉಪಕರಣ ಜೋಡಿಸುವುದನ್ನು ಕಡ್ಡಾಯ ಮಾಡಿದರೆ ವಾಯುಮಾಲಿನ್ಯ ತಗ್ಗಿಸಬಹುದು.