ಹಿಂದೆ ನಾನು ಹಾಸ್ಟೆಲ್ನಲ್ಲಿದ್ದಾಗ ಕಳಪೆ ಅಡುಗೆಯ ವಿರುದ್ಧ ವಿದ್ಯಾರ್ಥಿ ನಿಲಯದ ಎಲ್ಲಾ ಹುಡುಗಿಯರು ಸೇರಿ ಅಡುಗೆ ಮನೆಗೆ ಬೀಗ ಹಾಕಿ ಪ್ರತಿಭಟಿಸಿದ್ದೆವು. ಸಂಬಂಧಪಟ್ಟ ಅಧಿಕಾರಿಗಳು ಬಂದು ಸಮಸ್ಯೆ ಬಗೆಹರಿಸುವವರೆಗೂ ಧರಣಿ ಕೂತೆವು. ವಿದ್ಯಾರ್ಥಿ ನಿಲಯದ ಊಟ ಸರ್ಕಾರ ಕೊಡುವ ಭಿಕ್ಷೆ ಅಲ್ಲವಲ್ಲ, ಅದು ವಿದ್ಯಾರ್ಥಿಗಳ ಹಕ್ಕು. ಸಾರ್ವಜನಿಕರೇ ಕಟ್ಟಿದ ತೆರಿಗೆ ಹಣದ ಫಸಲದು. ಸರ್ಕಾರ ಈ ಕುರಿತು ಸರಿಯಾಗಿ ಕ್ರಮ ವಹಿಸಿ, ಆ ಓದುವ ಮಕ್ಕಳ ಸಮಸ್ಯೆಗಳ ಕಡೆ ಗಮನ ನೀಡಲಿ.
