‘ಹದಿಹರೆಯ ಮತ್ತು ಅಸಾಮಾನ್ಯ ತಂತ್ರಜ್ಞಾನ’ ಲೇಖನ (ಸಂಗತ, ಮೇ 9) ಓದುತ್ತಿದ್ದಂತೆ, ನಮ್ಮ ಮಕ್ಕಳಿಗೆ ನಾವು ಕೊಡುತ್ತಿರುವ ತಂತ್ರಜ್ಞಾನದ ಸಲಿಗೆ ಅತಿಯಾಯಿತೇನೋ ಅನಿಸಿತು. ಆನ್‌ಲೈನ್‌ ತರಗತಿಗಷ್ಟೇ ತಂತ್ರಜ್ಞಾನದ ಅವರ ಬಳಕೆಯನ್ನು ಪೋಷಕರು ಸೀಮಿತಗೊಳಿಸುವುದು ಒಳ್ಳೆಯದು.
‘ಬಾಯ್ಸ್‌ ಲಾಕರ್‌ ರೂಮ್’ ಪ್ರಕರಣವನ್ನು ಮುಂದಿಟ್ಟು ಬರೀ ಹುಡುಗರನ್ನೇ ದೂರುವುದಕ್ಕಿಂತ, ಹುಡುಗಿಯರನ್ನೂ ಗಮನದಲ್ಲಿ ಇಟ್ಟುಕೊಳ್ಳುವುದನ್ನು ಮರೆಯಬಾರದು. ‘ಗರ್ಲ್ಸ್ ಲಾಕರ್‌ ರೂಮ್’ ಎಂಬ ಚಾಟ್ ಗ್ರೂಪ್ ಕೂಡ ಈ ಸಂದರ್ಭದಲ್ಲಿ ಬೆಳಕಿಗೆ ಬಂದಿದೆ.
