ಪ್ರಧಾನಮಂತ್ರಿ ಅವರು ಗುಜರಾತ್ ರಾಜ್ಯವು ಪ್ರಚಾರವಿಲ್ಲದೆ ಅಭಿವೃದ್ಧಿಯನ್ನು ಸಾಧಿಸಿದೆ ಎಂದು ಹೇಳಿದ್ದಾರೆ (ಪ್ರ.ವಾ., ಸೆ. 30). ಇದು ಪೂರ್ಣ ನಿಜವಲ್ಲ. ಗುಜರಾತಿನ ತಲಾ ವರಮಾನ 2019- 20ರಲ್ಲಿ ₹ 2,13,936ರಷ್ಟಿದ್ದರೆ ಕರ್ನಾಟಕದ್ದು ₹ 2,23,175. ಎನ್ಎಫ್ಎಚ್ಎಸ್– 5 ವರದಿ ಪ್ರಕಾರ, 2019-20ರಲ್ಲಿ ಗುಜರಾತಿನಲ್ಲಿ ಲಿಂಗ ಅನುಪಾತವು 965ರಷ್ಟಿದ್ದರೆ ಕರ್ನಾಟಕದಲ್ಲಿ 1,034. ಶಾಲಾ ಕಲಿಕೆಯನ್ನು 10 ವರ್ಷ ಮುಗಿಸಿದ ಮಹಿಳೆಯರ ಪ್ರಮಾಣ 2019-20ರಲ್ಲಿ ಗುಜರಾತಿನಲ್ಲಿ ಶೇ 45.6 ರಷ್ಟಿದ್ದರೆ, ಕರ್ನಾಟಕದಲ್ಲಿ ಇದು ಶೇ 56.5.