ಮುಟ್ಟಿನ ವಿಷಯದ ಬಗ್ಗೆ ಪ್ರಕಟವಾದ ಲೇಖನ (ಪ್ರ.ವಾ., ಆ. 25) ಮನಮುಟ್ಟುವಂತಿತ್ತು. ಮುಟ್ಟು ಹೇಗೆ ಹೆಣ್ಣು ಮಕ್ಕಳು ನಿಸ್ಸಂಕೋಚವಾಗಿ ಮಾತನಾಡುವ ವಿಷಯವಾಗಬೇಕೋ ಅದೇ ರೀತಿ ಮುಟ್ಟು ‘ಪರಿಸರಸ್ನೇಹಿ’ಯೂ ಆಗಬೇಕು. ನಾವು ಬಳಸಿ ಬಿಸಾಡಿದ ನ್ಯಾಪ್ಕಿನ್ 500 ವರ್ಷಗಳಾದರೂ ಕೊಳೆಯದೆ ಭೂಮಿಯಲ್ಲಿ ತ್ಯಾಜ್ಯವಾಗಿ ಉಳಿಯುತ್ತದೆ ಎಂಬುದರ ಅರಿವು ಎಲ್ಲರಲ್ಲೂ ಮೂಡಬೇಕು. ಪರಿಸರಸ್ನೇಹಿ ನ್ಯಾಪ್ಕಿನ್‌ಗಳು ಎಲ್ಲಾ ಹೆಣ್ಣು ಮಕ್ಕಳಿಗೂ ಕೈಗೆಟುಕುವ ಬೆಲೆಯಲ್ಲಿ ಸಿಗುವಂತಾಗಬೇಕು. ‘ಮೆನ್‌ಸ್ಟ್ರುಯಲ್‌ ಕಪ್’ಗಳ ಬಳಕೆಯ ಬಗ್ಗೆ ಇನ್ನೂ ಹೆಚ್ಚು ಜಾಗೃತಿ ಮೂಡಿಸುವ ಕೆಲಸ ಆಗಬೇಕು. ಇಂತಹ ವಿಷಯಗಳ ಬಗ್ಗೆ ಜಾಗೃತಿ ಮೂಡಿಸುವ ಕೆಲಸ ಶಾಲೆಗಳಲ್ಲಿಯೇ ಪ್ರಾರಂಭವಾಗಬೇಕು.
