ಆನ್ಲೈನ್ ಪುಸ್ತಕಗಳು ಬಂದು ನೈಜ ಓದಿನ ಅನುಭೂತಿಗೆ ಹಿನ್ನಡೆಯಾಗಿದೆ. ಪುಸ್ತಕ ಓದುವಿಕೆಯಲ್ಲಿ ತಂತ್ರಜ್ಞಾನವನ್ನು ಸ್ವೀಕರಿಸಬೇಕು, ನಿಜ. ಆದರೆ, ಅದರ ಜೊತೆಗೆ ಮುದ್ರಿತ ಪುಸ್ತಕಗಳನ್ನು ಓದುವ ಆನಂದವನ್ನೂ ಕಳೆದುಕೊಳ್ಳಬಾರದು. ಗೃಹ ಪ್ರವೇಶ, ನಾಮಕರಣ, ಮದುವೆ ಮೊದಲಾದ ಸಂಭ್ರಮದ ಕ್ಷಣಗಳಲ್ಲಿ ಪ್ಲಾಸ್ಟಿಕ್ ಡಬ್ಬಿ, ಸ್ಟೀಲ್ ಪಾತ್ರೆ, ಅಷ್ಟೇನೂ ಉಪಯೋಗಕ್ಕೆ ಬಾರದ ಬ್ಲೌಸ್ ಪೀಸ್ ಕೊಡುವ ಬದಲು ಅಥವಾ ಅವುಗಳ ಜೊತೆಗೇ ಪುಸ್ತಕವನ್ನೂ ಕೊಟ್ಟರೆ ಚೆನ್ನಾಗಿರುತ್ತದೆ. ಇದರಿಂದ ನಮ್ಮ ಮುಂದಿನ ಪೀಳಿಗೆಯವರಿಗೆ ಓದಿನಲ್ಲಿ ಅಭಿರುಚಿ ಹುಟ್ಟಿಸಿದಂತಾಗುತ್ತದೆ.