ಬೇಕಿದೆ ಬದಲೀ ಪ್ಲಾಸ್ಟಿಕ್ ಮೇಳ

ಕರಕುಶಲ ಮೇಳ, ಫಲಪುಷ್ಪ ಪ್ರದರ್ಶನಗಳ ಹಾಗೆ ‘ಬದಲೀ ಮೇಳ’ಗಳನ್ನೂ ಆಯೋಜಿಸಬೇಕು. ಈಗಂತೂ ಕೆರೆಯ ಜೊಂಡಿನಿಂದಲೂ ಜೋಳದ ದಂಟಿನಿಂದಲೂ ಪ್ಲಾಸ್ಟಿಕ್ ತಯಾರಿಸಬಹುದು. ತಿನ್ನಬಹುದಾದ ತಟ್ಟೆ, ಚಮಚಗಳ ಉತ್ಪಾದನೆಗೆ ತಂತ್ರಜ್ಞಾನ ಸಿದ್ಧವಿದೆ. ಮೂಲೆಗೆ ಕೂತಿದೆ ಅಷ್ಟೆ. ಇಂಥ ಯಂತ್ರಗಳ ಮತ್ತು ಬದಲೀ ವಸ್ತುಗಳ ಪ್ರದರ್ಶನಕ್ಕೆಂದೇ ‘ಹೂಡಿಕೆದಾರರ ಮೇಳ’ಗಳು ನಡೆಯಬೇಕು.

ಬಳಕೆದಾರರನ್ನು ಆಕರ್ಷಿಸಲು ಬೇಕಿದ್ದರೆ ಡಾನ್ಸ್, ಕವಿಗೋಷ್ಠಿ, ಜಾದೂ ಪ್ರದರ್ಶನ ಇತ್ಯಾದಿ ಇಡಬಹುದು. ನವೋದ್ಯಮಿಗಳಿಗೆ ತರಬೇತಿ ಮತ್ತು ಮೂಲಸೌಕರ್ಯ ನೀಡಿದರೆ ಪ್ರತಿ ವಾರ್ಡಿನಲ್ಲೂ ಒಣ ಬಾಳೆಲೆಯ ಸುಂದರ ಕಪ್ ಮತ್ತು ಕಬ್ಬಿನ ಗರಿಯ ಗರಿಗರಿ ತಟ್ಟೆ ತಯಾರಿಕೆಗೆ ಅಚ್ಚುಯಂತ್ರಗಳನ್ನು ಹೂಡಬಹುದು.

- ನಾಗೇಶ ಹೆಗಡೆ,ಕೆಂಗೇರಿ