ಅಂಚೆ ಕಚೇರಿಯಲ್ಲಿ ಇತ್ತೀಚೆಗೆ ತುಂಬಾ ನಿರ್ಲಕ್ಷ್ಯ ಎದ್ದು ಕಾಣುತ್ತಿದೆ. 45 ವರ್ಷಗಳಿಂದ ಅಂಚೆ ಮೂಲಕ ಪತ್ರ ವ್ಯವಹಾರ ನಡೆಸಿದ್ದೇನೆ. ಆದರೆ ಈ ವಿಷಯದಲ್ಲಿ ಒಂದು ವರ್ಷದಿಂದ ಬೇಸರದ ಅನುಭವ ಆಗುತ್ತಿದೆ. ವಾರ್ಷಿಕ ಚಂದಾದಾರನಾಗಿ ಮನೆಗೆ ತರಿಸಿಕೊಳ್ಳುತ್ತಿದ್ದ ಪತ್ರಿಕೆಗಳು ಸರಿಯಾಗಿ ತಲುಪುತ್ತಿಲ್ಲ. ಕೇಳಿದರೆ, ‘ಬಂದರೆ ಖಂಡಿತ ಕೊಡುತ್ತೇವೆ’ ಎಂಬ ಉತ್ತರ ಸಿಗುತ್ತದೆ. ಇಲಾಖೆಯ ಸಿಬ್ಬಂದಿ ಇನ್ನು ಮುಂದಾದರೂ ಪ್ರಾಮಾಣಿಕತೆಯಿಂದ ವರ್ತಿಸುವರೇ ಎಂದು ಕಾದು ನೋಡಬೇಕಿದೆ.
