ತಾರತಮ್ಯ ಸೂಚಕ ಎಲ್ಲ ಪದಗಳನ್ನೂ ಕೈಬಿಡಿ

ಉದಾಹರಣೆಗೆ, ‘ಕನ್ನಡ ರತ್ನಕೋಶ’ ಸಂಕ್ಷಿಪ್ತ ನಿಘಂಟು ಏಳನೆಯ ಪರಿಷ್ಕೃತ ಮುದ್ರಣವನ್ನು 2010ರಲ್ಲಿ ಕನ್ನಡ ಸಾಹಿತ್ಯ ಪರಿಷತ್ತು ಪ್ರಕಟಿಸಿದೆ. ಅದರಲ್ಲಿ ‘ಹೊಲೆಯ’ ಎಂಬ ಪದಕ್ಕೆ ಸಮಾನಾರ್ಥವಾಗಿ ‘ದುಷ್ಟ’ ಎಂದು ಬಳಸಲಾಗಿದೆ. ಅದೇ ರೀತಿ, ‘ಮಾದಿಗ’ ಸಮಾನಾರ್ಥ ಪದವನ್ನು ಪರಿಶಿಷ್ಟ ವರ್ಗದಲ್ಲಿ ಒಂದು ಪಂಗಡ ಎಂದು ತಿಳಿಸಲಾಗಿದೆ.

ಹೊಲೆಯ ಪದಕ್ಕೂ ಇದೇ ರೀತಿ ಬಳಸುವುದು ಬಿಟ್ಟು ದುಷ್ಟ, ನೀಚ ಎಂಬ ಅರ್ಥಗಳನ್ನು ನೀಡಿರುವುದು ಸರಿಯೇ? ಇಂತಹ ತಾರತಮ್ಯ ಸೂಚಕ ಪದಗಳನ್ನೂ ಕೈಬಿಡುವಂತೆ ಸರ್ಕಾರ ಸೂಚಿಸಲಿ.

-ಭೀಮಾಶಂಕರ ಹಳಿಸಗರ,ಶಹಾಪುರ