ಎಸ್ಎಸ್ಎಲ್‌ಸಿ ಪರೀಕ್ಷೆಯನ್ನು ಸರ್ಕಾರವು ರದ್ದುಗೊಳಿಸಬಾರದು. ಪರೀಕ್ಷೆಯಿಲ್ಲದೆ ಯಾವ ಆಧಾರದ ಮೇಲೆ ವಿದ್ಯಾರ್ಥಿಗಳಿಗೆ ಅಂಕಗಳನ್ನು ನೀಡುವುದು? ಒಂದು ವೇಳೆ ಎಲ್ಲ ವಿದ್ಯಾರ್ಥಿಗಳಿಗೂ ಸರಾಸರಿ ಅಂಕಗಳನ್ನು ಕೊಟ್ಟರೆ, ಶ್ರಮವಹಿಸಿ ಓದಿದವರಿಗೆ ಅನ್ಯಾಯವಾಗುತ್ತದೆ.
ಪರೀಕ್ಷೆ ಇಲ್ಲದೆ ಉತ್ತೀರ್ಣ ಮಾಡಿದರೆ ರಾಜ್ಯದ ಎಲ್ಲ ಪ್ರತಿಷ್ಠಿತ ಕಾಲೇಜುಗಳೂ ಪ್ರವೇಶ ಪರೀಕ್ಷೆ ಇಲ್ಲದೆ ವಿದ್ಯಾರ್ಥಿಗಳಿಗೆ ದಾಖಲಾತಿ ನೀಡಲು ಸಿದ್ಧ ಇವೆಯೇ? ಪರೀಕ್ಷೆ ಬರೆಯಲು ಆರೋಗ್ಯಕರ ವಾತಾವರಣ ಒದಗಿಸುವುದು ಶಿಕ್ಷಣ ಇಲಾಖೆಯ ಹೊಣೆ.
