ಶುಕ್ರವಾರ, ಮೇ 20, 2022
19 °C

ಕ್ಲಿಷ್ಟಕರ ಪರೀಕ್ಷಾ ನಿಯಮ ಅಗತ್ಯವೇ?

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ರೈಲ್ವೆ ಇಲಾಖೆಯಲ್ಲಿ ಖಾಲಿ ಇರುವ ವಿವಿಧ ಬಗೆಯ ಹುದ್ದೆಗಳನ್ನು ಭರ್ತಿ ಮಾಡಲು ಡಿಸೆಂಬರ್‌ನಿಂದ ರೈಲ್ವೆ ನೇಮಕಾತಿ ಮಂಡಳಿಯು ಪರೀಕ್ಷೆಗಳನ್ನು ಆರಂಭಿಸಿದ್ದು, ಅವು ಮಾರ್ಚ್ ಮೊದಲ ವಾರದವರೆಗೆ ನಡೆಯಲಿವೆ. ಮಂಡಳಿ ಹಾಗೂ ಪರೀಕ್ಷಾ ಮೇಲ್ವಿಚಾರಕರು ಅನುಸರಿಸುತ್ತಿರುವ ಕೆಲವು ನಿಯಮಗಳು ತರ್ಕಕ್ಕೆ ನಿಲುಕದೆ ಅಸಂಬದ್ಧವಾಗಿವೆ.

ಮಹಿಳೆಯರ  ಮೂಗುತಿ, ಉಂಗುರ, ಸರ, ತಲೆಕೂದಲಿನ ಕ್ಲಿಪ್‌ಗಳನ್ನು ತೆಗೆದಿರಿಸುವುದು ಅಥವಾ ಅವುಗಳ ಮೇಲೆ ಪ್ಲಾಸ್ಟಿಕ್ ಲೇಪವನ್ನು ಹಚ್ಚಿ ಒಳಗೆ ಬಿಡುವುದು ಹಾಗೂ ಪುರುಷರ ಬೆಲ್ಟ್ ಅನ್ನು ತೆಗೆದಿರಿಸಿ  ಒಳ ಹೋಗಲು ಅನುಮತಿ ನೀಡುತ್ತಿರುವುದು ಅತ್ಯಂತ ಹಾಸ್ಯಾಸ್ಪದ ಹಾಗೂ ಶೋಚನೀಯ.

ಅನೇಕ ಆಕಾಂಕ್ಷಿಗಳು ಇದರಿಂದ ಇರಿಸುಮುರಿಸು ಅನುಭವಿಸುತ್ತಿದ್ದಾರೆ. ಇನ್ನಾದರೂ ಮಂಡಳಿಯು ಇಂತಹ ಕ್ಲಿಷ್ಟಕರ, ಅಪ್ರಯೋಜಕ ಹಾಗೂ ಅವೈಜ್ಞಾನಿಕ ನಿಯಮಗಳನ್ನು ರದ್ದುಪಡಿಸಲಿ.
-ಮಹೇಶ್ ಸಿ.ಎಚ್., ಶಿವಮೊಗ್ಗ

 

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು