ಹತ್ತು– ಹದಿನೈದು ವರ್ಷಗಳಿಂದ ಆರೋಗ್ಯ ಸೇವೆಯಲ್ಲಿ ಕಡಿಮೆ ವೇತನಕ್ಕೆ ದುಡಿಯುತ್ತಿದ್ದೇವೆ. ಇಂದಲ್ಲ ನಾಳೆ ನಮ್ಮ ಹುದ್ದೆ ಕಾಯಂ ಆಗಬಹುದು ಎನ್ನುವ ಆಶಾಭಾವವೇ ಇದಕ್ಕೆ ಕಾರಣ. ಸರ್ಕಾರಿ ನೌಕರರು ಮತ್ತು ಗುತ್ತಿಗೆ ನೌಕರರು ಮಾಡುತ್ತಿರುವ ಒಂದೇ ರೀತಿಯ ಕೆಲಸಕ್ಕೆ ವೇತನದಲ್ಲಿ ಅಜಗಜಾಂತರ ಇದೆ. ದಿನಬಳಕೆ ವಸ್ತುಗಳ ಬೆಲೆ ಗಗನಕ್ಕೆ ಏರಿರುವ ಈಗಿನ ಕಾಲದಲ್ಲಿ ಬದುಕು ದುಸ್ತರವಾಗಿದೆ. ಹೀಗಾಗಿ, ಕಾಯಂ ಮಾಡಲು
ಆಗಲಿಲ್ಲವೆಂದರೆ, ಕೊನೆಯಪಕ್ಷ ವೇತನ ತಾರತಮ್ಯವನ್ನಾದರೂ ನಿವಾರಿಸಿ.
