ಸ್ಯಾಫ್‌ 19 ವರ್ಷದೊಳಗಿನವರ ಫುಟ್‌ಬಾಲ್‌: ಭಾರತಕ್ಕೆ ಬಾಂಗ್ಲಾ ವಿರುದ್ಧ ಸುಲಭ ಜಯ

ದಶರಥ ಕ್ರೀಡಾಂಗಣದಲ್ಲಿ ನಡೆದ ಈ ಪಂದ್ಯದಲ್ಲಿ ಭಾರತ ತಂಡದ ಪರ ಜಿ.ಗೊಯರಿ, ನವೋಬಾ ಮೀಥಿ ಪಾಂಗಮ್‌ಬಮ್ ಮತ್ತು ಅರ್ಜುನ್‌ ಸಿಂಗ್ ಒಯಿನಮ್ ಅವರು ಗೋಲುಗಳನ್ನು ಗಳಿಸಿದರು. ‘ಬಿ’ ಗುಂಪಿನಲ್ಲಿರುವ ಭಾರತ ತನ್ನ ಮುಂದಿನ ಪಂದ್ಯವನ್ನು ಸೆ. 25ರಂದು ಭೂತಾನ್ ವಿರುದ್ಧ ಆಡಲಿದ್ದು, ನಾಕೌಟ್‌ ಹಂತಕ್ಕೆ ಅರ್ಹತೆ ಪಡೆಯುವ ಗುರಿಯನ್ನು ಹೊಂದಿದೆ.

‘ಎ’ ಗುಂಪಿನಲ್ಲಿ ಆತಿಥೇಯ ನೇಪಾಳದ ಜೊತೆ ಮಾಲ್ಡೀವ್ಸ್‌, ಪಾಕಿಸ್ತಾನ ತಂಡಗಳಿವೆ. ಎರಡು ಗುಂಪುಗಳಲ್ಲಿ ಮೊದಲ ಎರಡು ಸ್ಥಾನ ಪಡೆಯುವ ತಂಡಗಳು ಸೆಮಿಫೈನಲ್‌ ಹಂತಕ್ಕೆ ಮುನ್ನಡೆಯುತ್ತವೆ.