ಈಜುಕೊಳ ಬಂದ್ ಒಂದರ್ಥದಲ್ಲಿ ಸರಿ. ಆದರೆ ಸಾಮಾಜಿಕ ಅಂತರವಿದ್ದು ವಿರಳವಾಗಿ ಜನ ಸೇರುವ ಜಿಮ್ಗಳಿಗೇಕೆ ನಿಷೇಧ? ಮನೆಯಲ್ಲಿ ಒಂದೆಡೆ ವಾಸಿಸುವ ಪತಿ, ಪತ್ನಿ, ಮಕ್ಕಳು ಚಿತ್ರಮಂದಿರಗಳಲ್ಲಿ ದೂರ ದೂರ ಕೂರಬೇಕೇ? ಕೊರೊನಾ ಹರಡುವುದು ಉಸಿರು, ಬಾಯಿ ಹಾಗೂ ಕೈನಿಂದ ತಾನೇ? ಮುಖಕ್ಕೆ ಮಾಸ್ಕ್ ಹಾಗೂ ಕೈಗಳಿಗೆ ಕೈಗವಸು ಕೊಟ್ಟು ‘ಹೌಸ್ಫುಲ್’ ಪ್ರದರ್ಶನ ಮಾಡಬಹುದಲ್ಲವೇ? ಸಾರಿಗೆ ಬಸ್ಗಳಲ್ಲಿ ನಿಂತು ಪ್ರಯಾಣ ಮಾಡುವವರನ್ನು ಮಾತ್ರ ಕೊರೊನಾ ಬಾಧಿಸುವುದೇ? ಈ ಕಠಿಣ ನಿಯಮಗಳಿಗೆ ಸಂಬಂಧಿಸಿದ ಆದೇಶ ಹೊರಡಿಸಿದ ಮಾರನೇ ದಿನವೇ ಜನನಾಯಕರು ಹಾಗೂ ಆರೋಗ್ಯ ಸಚಿವರು ನಡೆಸಿದ ಸಮಾರಂಭಗಳಲ್ಲಿ ಸಾವಿರಾರು ಜನ ಎಗ್ಗಿಲ್ಲದೇ ತುಂಬಿ ತುಳುಕುತ್ತಿದ್ದರು. ಚುನಾವಣಾ ರ್ಯಾಲಿಗಳೂ ಆರಂಭವಾಗಿವೆ. ಇದೆಂಥ ನ್ಯಾಯ? ಜನರಿಗೊಂದು, ರಾಜಕಾರಣಿಗಳಿಗೆ ಮತ್ತೊಂದೇ? ಸರ್ಕಾರ ಜನಹಿತ ಯೋಚಿಸಿ ನಿರ್ಬಂಧಗಳನ್ನು ಜಾರಿಗೆ ತರಲಿ.