ಷೇರುಗಳ ಮೇಲಿನ ಹೂಡಿಕೆಯು ಕಂಪನಿಗಳ, ಹೂಡಿಕೆದಾರರ ಹಾಗೂ ರಾಷ್ಟ್ರದ ಆರ್ಥಿಕತೆಯ ದೃಷ್ಟಿಯಿಂದ ಸದಾ ಉತ್ತಮ ಹೂಡಿಕೆಯೇ. ಮಾರುಕಟ್ಟೆಯು ಊರ್ಧ್ವಮುಖದಲ್ಲಿರುವಾಗ ಮಾರುಕಟ್ಟೆ ಪ್ರವೇಶಿಸುವ ಕಂಪನಿಗಳೂ ಅಧಿಕ. ಆದರೆ ಪ್ರತೀ ಬಾರಿ ಹೀಗೆ ಮಾರುಕಟ್ಟೆಯು ಏರುಗತಿಯಲ್ಲಿರುವ ಸಮಯಾವಕಾಶವನ್ನು ನೋಡಿಕೊಂಡೇ ಕಂಪನಿಗಳು ತಮ್ಮ ಐಪಿಒಗಳಿಗೆ ವಿಪರೀತ ಬೆಲೆ ನಿಗದಿಪಡಿಸುವುದು ಮಾಮೂಲಿ ಆಗಿಬಿಟ್ಟಿದೆ. ಹೂಡಿಕೆದಾರರೂ ಅಂತಹ ಸಂದರ್ಭಗಳಲ್ಲಿ ಹಿಂದೆ ಮುಂದೆ ನೋಡದೆ, ಲಾಭ ಗಳಿಸುವ ಉದ್ದೇಶದಿಂದ ಅರ್ಜಿ ಸಲ್ಲಿಸುತ್ತಿರುತ್ತಾರೆ. ಲಾಭ ಬಾಚುವುದು ಮಾತ್ರ ದೊಡ್ಡ ದೊಡ್ಡ ಹೂಡಿಕೆದಾರರು ಹಾಗೂ ವಿದೇಶಿ ಸಂಸ್ಥೆಗಳು.